移民一年，呢個區大部份都係本地人，少亞洲人。 我小朋友大約兩歲，未識講嘢，仲未返學。
感覺有時公園嘅其他小朋友唔會同佢一齊玩。 其實我個仔未識搵人玩，又唔識講嘢，只係有時佢會企喺隔離望吓人做乜。不過有一兩次俾人boo (應該即係噓咁解？）
當然有時都有同公園其他小朋友一齊玩嘅，不過唔係個個都歡迎
大家有經驗人士，你哋啲仔女係點㗎？ 到返preschool嗰陣時 識朋友有冇問題？
小朋友咁情況係正唔正常？
有啲擔心，係咪自己移民去左冇咩外地人嘅地方，當地小朋友冇見過世面會比較排外。
又冇喎，去公園有其他小朋友一齊玩，有時係soft play一齊玩到顛
其實感覺越細越唔排外
1個讚
兩歲平衡期唔同其他小朋友玩係正常，就算係香港亦一樣。
3個讚
2歲應該架有社交既概念
我覺得唔洗太擔心
響香港黎講，我住呢區好多外國小朋友，我見大部份外國小朋友更加唔會揀人
第時你小朋友講得一口流利英語 應該唔會有問題
我諗唔關地區事，係關小朋友本身性格，可能係觀察型所以會企喺到望人玩。我諗有啲小朋友再大啲會識同其他小朋友玩，有啲好似我小朋友咁係大咗都唔會同小朋友玩亦唔去公園玩（除非同真正好好朋友仔先會玩)
1個讚
同意，我個仔兩歲嚟咗一年都係一舊飯
而家三歲開始返daycare後進步快好多，亦會時不時同同學仔 (local) 玩，不過好多時都係一個人玩。呢個年紀仲係學習緊社交，同埋專注於探索周圍環境，所以唔駛太擔心
1個讚
我仔2歲到英國，返pre school無問題，2歲仲係舊大飯咁，好多時想一個人玩，玩多排就識用英文溝通。
後來搬屋轉同區第2間pre school，都完全無問題，小朋友都好nice，家長會熱情地打招呼，讚吓小朋友，非常正面。
公園問題，部分大少少嘅小朋友會覺得2-3歲太細會避開(定叫讓開好 )
正常嘅 
你可以join 你地區D 媽媽group 約下 play date 咁囉
不過其實2歲都係自己玩多，係媽媽可以同其他媽媽有得吹下水
你住邊個國家？我都有個2歲幾
歐洲某國，非傳統移民嘅國家。我揀嗰區重係本地人多。
我好多朋友移民去英國，每個小朋友都適應得好好，返咗學啲同學會互相邀請去生日會，一齊玩。
我個仔未返學，就咁去吓公園，感覺都係各有各玩。 不過聽到你哋咁講，都冇咁擔心
小朋友返咗學就會慢慢識到朋友仔，佢仲細其實去公園觀察都係一個學習嚟，就算我個仔大d，有返學識朋友，去到公園都未必次次有人同佢一齊玩，但係佢哋玩下跑下其實就勁開心
我個邊都好少亞洲人。
我哋都係，兩個小朋友入學時一粒字都唔識講，感恩融入得好好。
兩歲除非返學，如果你帶去公園自己玩已經好開心，無論喺香港定其他地方。