明白，份糧出左O係自己戶口，迫都迫唔到佢撳錢/過數，不過我都係認為同住需要俾家用。
上面網友覺得既生左要個細既夾，都係架，咁係出左身做野家用又唔俾食我既住我既，家務又唔做錢又唔出，唔係要你養我，淨係要你出返自己日常開支都做唔到既話，唔該搬出去自己去持家，唔好返黎當有工人。
3個讚
就算有買保險都好多要拎左錢出黎之後先CLAIM返，唔洗覆我話依家D保險唔洗俾錢就出得院，唔係個個人都買同一間既。
你可以繼續你堅持既諗法，我都仍然堅持同住就要俾家用。
不論D家用係養全家定係俾阿媽買花戴。
3個讚
有啲父母單單打打都見唔少架
再加埋情緒勒索，一係話人地啲仔女幾叻拎幾多錢返去，心都淡啦
3個讚
之前有講，CASE BY CASE，我認為同住要俾家用，佔人工既25%-30%我都覺得合理。
心淡咁咪的起心肝搬出去，情願捱割房都唔同住。
好似外國咁，搬開左咪唔好俾家用等佢地自己搞掂，俾下錢買野食過時過節封下利是俾佢買多件衫。
又要住屋企又要完全唔俾家用又要唔想有說話聽，父母真係要養你過世既咩。
4個讚
講真，好少去到咁盡決裂mode嘅
1個讚
“食我既住我既”
我慶幸唔洗再聽呢句
3個讚
父母唔一定要養過世，但真心聽到呢啲言論，再加其他人屋企可以幫手俾首期甚至full pay都真係幾大對比。
有d唔明，一個普通家庭，一對普通父母，生左個小朋友，供完樓，養育個小朋友至成年人，投身社會。
個小朋友成年後，同家人住，無俾家用下食屋企住屋企，當阿媽係工人，當老豆係同屋住。
依個case既小朋友應該希望父母full pay/首期上車??
5個讚
我姨同表妹咪係咁決裂，睇番都唔少人搬左出去感情唔好就唔來往。
3個讚
我話有對比姐，無話佢要expect屋企做啲咩。同埋我一開始都有講比小小家用作為心意係合理。
同埋一齊住做細都可以做家務，點解當啊媽工人。
2個讚
加多句 “你又唔去投胎去李嘉誠果度”
1個讚
好多就係沖口而出
你有本事咪搬出去住囉
就係呢句
2個讚
所以我搬走
俾唔俾家用, 睇有冇心之餘睇睇有冇能力, 我想俾, 當時一兩千我可以, 佢覺得唔夠
我未有能力, 屋企唔等錢洗, 都要咁迫我, 家庭好溫暖呀 
3個讚
我覺得同住唔係講差地租管理費，而係水電同三餐都直接多左。小朋友細父母係有責任養育佢，但養育成人負責番自己生活費亦好正常。一時三刻有困難或者金額問題就再傾，但要有個心係想俾而唔係想人養成世。
同埋好多父母老左等仔女搬走哂，會賣樓換細屋慳錢同做定期有現金流，呢筆爭好遠。
3個讚
冇追哂post, 不過諗起我媽媽以前都有講過呢句說話，可能係悔氣，但係聽個下係會傷心。我不論企係做女立場，定而家做左人媽媽立場，都覺得成年的話如果有能力就搬，同住係好難，感情會仲差。
以前細個普遍會服從父母，會少d爭執。但成年後一黎多左主見，二黎職場新人工作壓力大，都會易左一點即爆。有磨擦，同住其實對父母定子女都一樣係忍耐。
2個讚
有啲嘢就係咁覆水難收
呢句擺明睇死對方搬唔走，下下迫住妥協
到時又話對方有毛有翼啦
講真，有啲嘢要潛移默化，佢地比得開心同埋覺得應份，而唔係好似mpf咁強搶
2個讚
呢句真~個屋企自己有份住, 如果咁大個人都唔覺得自己需要為屋企貢獻, 同啃老無分別。
好似上面網友例子果位表妹咁, 明明有能力俾多少家用都唔肯俾, 把口話儲錢, 轉頭又一年去兩次旅行, 明顯係借d 意唔俾, 而且仲一直當阿媽係工人嫌三嫌四, 難怪加加埋埋阿媽嬲到想趕佢走。
2個讚
揾萬幾未到2萬叫佢比4000都唔比、啱呀、出去住吧！比我係父母都心死、不是貪你錢、係你無良心
3個讚
咁可以係2樣野來、我一出來工作已經首先比25%家用、之後人工高左才加上去、但我買樓父母一樣比一大筆我買。我覺得比家用係講孝心、良心。
1個讚
我覺得2件事分開嚟睇
又唔排除有父母真係講錢講到好大
或亦有仔女好老馮唔比
每個家庭都有自己生活方式，以唔傷大家感情為佳
1個讚