家用講實一個數就好難話係多家少，夠定唔夠，因為要睇基數。
eg搵50k，同住，家用俾10k，係20%
同樣係俾10k，但收入係20k，即係俾左50%喎
雖然一定係case by case咁睇，
不過我覺得，同住咁計25%-30%算合理家用。
1個讚
外國人d 𡃁仔好早自己出嚟住，但同父母關係都可以好好，成日話人哋關係唔夠中國人親，下下都要講錢講家用幾時請飲茶，搬遠d 又唔得，移民都要生要死。
3個讚
你心態同我表妹係唔同，佢似係唔想俾。但你媽如果市儈，當初俾少d都嫌，但你而家完全唔俾佢反而又得？我主要覺得佢趕走哂你地，講錢佢慳仲多。
1個讚
我姨應該唔係咁，佢只係覺得做人唔好雙重標準，收家用就話外國人唔洗收，但又唔諗下外國唔同住，永遠淨係攞對自己有著數既事黎講。
3個讚
咁先叫孝順，真係要重新定義。
2個讚
所以我放棄左佢地, 反正我俾佢地都唔滿足
“為自己生活負責” 我一向都明, 當有人話咩"你搬出去都要俾錢", 鬼唔知咩
O係屋企已經係冇地位, 成日俾人用黎出氣, 我做咩都唔岩, 心理影響好大, "返屋企"只係為床位, 下刪3千字…
關係本來就唔好, 我自己留返個錢旁身好過…
1個讚
唔係個個肯貼錢養仔女到老，一時有困難俾唔到就話姐，到你真係面對時都未必肯。
我姨叫表妹同住俾$4000我覺得無問題，只不過而家表妹低頭佢又唔俾人搬番去，呢下我覺得企得太硬。
2個讚
我諗問題係果位表妹無諗過住響屋企應該都要貢獻番少少俾屋企
先令阿姨唔gur
如果表妹話我無錢俾家用但我收工番黎可以幫你做家務
可能阿姨條氣會順好多
諗起幾年前大台有個節目訪問d 想買樓既人
有條女叫macy
又係話為左買樓, 所有衣食住行都係屋企人/ 男友俾晒
自己所有野一個仙都唔使俾
個個月儲105% 就係為左自己買樓
3個讚
你表妹其實afford到自己搬出去, 8-9千都唔洗住劏房啦, 自己控制下洗費, 當佢搵萬中, 唔會搞唔掂
佢又唔係好似我以前咁得8千幾, 仲唔俾家用, 又唔肯搬, 父母真係冇可能養佢成世
佢出去了解下生活唔係咁容易, 其實係好事
1個讚
冰封三呎非一日之寒
可能表妹仲有其他問題令到阿姨好唔想同佢同住?
另外姨丈又點睇?
1個讚
個個case 唔同，我100% 唔認同啃老。
我講緊外國人同中國人孝嘅分別。
2個讚
佢地又真係母女緣薄弱，以前已經成日鬧交，呀姨覺得表妹咩都鐘意嫌三嫌四，當佢工人，而家發現唔同住仲好。姨丈覺得屋企人無隔夜仇，其實我媽都係咁勸呀姨。
1個讚
所以你同我表妹心態係唔同，你係真係俾唔到，我都唔知點安慰你好，希望第日你人工高左可以脫離唔開心家庭。
4個讚
我上面好似無講外國人個款係不孝？
不過中國人既孝又唔淨係講錢既，同意上面有會員所講出唔到錢就出力，只要為家共同有貢獻就得。
1個讚
唔係話你，講緊有d 人成日話外國人家庭關係唔親。
中國人嘅孝，家家定義都唔同，如果父母覺得仔女有心，有貢獻就好，但仍然唔少都講緊錢。
3個讚
華人係咁諗，我阿媽都係成日講D外國人無親情。
又話同父母食飯都要AA制，D細路大個就搬出去得返D老人家自己住。
我問佢，依家D大陸人咪又係老野O係鄉下後生出城做野，咁又唔孝順? 一齊住但要兩老養又叫唔叫孝順? 係咪娶埋老婆生埋孫俾佢湊三代同堂做到阿婆隻狗又係唔係孝順?
無論點樣講佢地都總會轉另一樣野話中國人孝道係點點點。
6個讚
thx 
已脫離~
2個讚
其實一開始就攪成咁，就一定父母有責任啦
唔好講到比錢就大曬咁
1個讚
其實外國人都家庭觀念好重，一樣會返屋企食飯
3個讚
真心問，你阿媽識幾多外國人丫
印度人成個家族一齊住一間屋，肯定佢地贏
2個讚