我從事命理行業都有好幾年 略有小成
最近屋企都有小朋友出生 喺改名方便想分享一下
BB名點為之係好名呢 ？
好名= 合乎命格 + 有意義+ 耳順
一定要合符命格
五行上 爭啲乜嘢嘅 要俾到佢
仲要配合姓名筆劃天地人三格
有意義
合命格的名字也不一定是好名
要有意義 包含父母嘅祝福 期望
例如 奕欣
奕代表盛大
欣代表快樂
父母希望子女做一個開心嘅人
好聽順耳
即使有多配合命格 意思多好, 不好聽 繞口的名 小朋友自己也不會喜歡
不喜歡的名字自然效果不好
但係點為之好聽呢 ？原來廣東話有九聲
1,4聲係平聲 其餘係仄聲
組合平平仄 平仄平 仄仄平 最好聽
例如 李澤楷好聽過 李澤鉅
我都聽過係講平仄
中學阿sir 教 平仄平 同 仄平仄 讀落去響d
希望可以藉呢個平台分享多d玄學知識
等大家有多d了解
一命二運三風水
四積德五讀書
六名七相八敬神
命與運很難改變 改名是最容易催旺運程可以幫小朋友贏在起跑線
名字影響小朋友性格
名字影響可以潛意識 從而後生格改變
例如 霆鋒 性格鋒芒畢露
凱琳凱意思快樂 琳解作美玉
Good sharing 
好有興趣。英文名有冇影響？定係人地叫佢邊個名多啲就會影響大啲？
謝謝分享
咁外國人改中文名又有冇特別要求、留意？
其實英文名呢都有佢嘅讀音啦 都係姓名嘅部分
叫得多 用得多 自然潛言默化 有影響
坊間有師傅話呢每個英文名都有佢嘅五行
但我經過多年驗證 發覺影響不大
唯獨是係響音會比較大影響
譬如係jack alex ellen elsa
比較響亮 會 適合八字比較外向嘅人
相反比較沉嘅 Tom, Edith, jess
適合八字比較沉穩嘅人
外國人改中文名都一樣需要配合八字五行
最理想嘅係英文姓嘅諧音 做姓 名就用佢想得到嘅預期 或者理想
E.g. Will Smith
姓可以用史 或者 聶
謝謝你解答
我仔嘅中文名係我幫佢改，姓「歐」係姓第一發音嘅諧音，雖然好多混血兒鍾意跟媽媽中國姓，至於名係佢名少少諧音&出至成語
Will Smith
史願宏
聶望 等等
通常一般師傅畀大約5至10個
我多數會分2個 類別
側重五行類
父母願望類
大約每個類別比十個
因為太少名真係好難揀
非常好呀
始終有啲家族傳承嘅感覺
而且出自成語又有意思
唉。。。仔仔改左一個人人都話吾好聽既名。。。好後悔，但吾搵咩人再改，驚又係好差浪費錢
關於改名有少少分享
話說我每年都有睇流年，但小朋友嘅名我就好想自己改，想改自己覺得有意思嘅字，所以冇搵師傅改
大女個名係我自己改，之後都有比師傅睇睇，佢話冇咩嘢，都可以用。到細女出世，個名已經向肚嘅時候就改好，但佢出世頭半個月一直住向醫院，我日日去睇佢都冇心神去拎出世紙
同朋友講起細女要住院，朋友同師傅好熟，就話幫我問吓師傅我細女點樣，師傅收到訊息，第二日一早就搵我朋友，話我個女個名改得唔好，仲要係兩個字都唔好，用頭果個字就養唔大，用尾果個字就成日病
跟住師傅話送個名比我個女，比左4個名我揀，叫我自己諗下改唔改咗佢，我話講到養唔大咁大鑊，咁就梗係改啦，同埋好彩未攞出世紙，唔洗改文件咁麻煩，於是就揀咗其中一個名
改名之後果日我去醫院探bb，不停叫佢新名，話比佢知舊名唔用啦，而家叫呢個名。到第二日晏晝，就收到醫院電話，話bb可以出院了
自此之後，我都叫信命理嘅朋友，要改名最好比人改，自己改真係有機會改錯名
請問可以介紹嗎。。。想幫仔仔改名睇下有無改善
我都信玄學, 有時會上吓堂, 我都覺得個名好緊要, 係幫到下條命(當然只係輔助吓啦)… 我個女十幾歲先第一次俾個八字師傅睇, 師傅話佢個名改得好好, 係非常好…問我係咪俾人改, 我話自己改, 因為想跟返族譜改… 師傅話可能係阿女前世福厚, 今世上天賜佢一個好名等佢條命好D喎… 唔咁講好好, 但阿女總算凡事平平穩穩…
的確有好多坊間師傅 畀父母選擇嘅名唔多
而且好多都唔好聽 又或者好老土
記住唔啱嘅 就叫佢繼續畀多啲選擇你
個名跟一世 多啲選擇都好嘅
我個人覺得 最少都要有15-20個名揀
關於改名 其實都係輔助
不過要自己諗名 其實都唔容易
畀師傅幫下手諗下 都可以嘅
盲目信曬 用啲老土名 就唔好啦
好聽 心安理得最好
我仔個名成日比人嗌錯
咁依d有無影響,
佢個名係我同老公諗, 個陣無諗過比師父睇, 求其係網站/app到測下有幾分, 咁岩都係9x/100分,見都幾高分就用, 但後尾發現有隻字成日比人讀錯
好似自己改幾個心水名，再俾師傅睇吓會好過佢俾我哋揀
佢哋俾親啲選擇都好老土咁
