想係英國倫敦短租三個月多啲，Airbnb可唔可靠？我都有係rightmove email agent問過，未有回覆。有冇人有介紹？好似都幾難搵屋。
我睇正常2 bedroom，離巿中心30分鐘車程都要大概三萬港紙一個月。仲好似得幾個listing。
我兩年前剛到埗都係住airbnb 大約一個月，仲唔係倫敦已經要£3300, 你個價錢算平。我係直接係Airbnb 訂
如果租樓應該冇短租3個月，正常一簽係一年
我搵左一兩間話有，但又驚係scam，因為唔俾睇樓，佢話宜家有人住緊。
個agent話係winchester white，唔知係咪出名既agent。
咁so far airbnb係咪都可靠？因為都要一次俾10幾萬佢，如果租三個月。
唔係住London 所以唔識呢間agent. Airbnb 我都係第一次用，你應該要睇有多啲good comment先好租，話曬一次過比十幾萬
1個讚
本身倫敦租一個2 bedrooms都要£2500以上 1years contract， air b&b包埋水電媒一定貴過租樓
我覺得三萬係接受到但係我見得好小listing，有啲我搵個airbnb host又話唔租啦，諗住賣樓，但airbnb係俾人預訂既。
同我想知airbnb係咪都可靠？
Rightmove有冇留英國手機號碼？ 你響Rightmove 見到盤係要打電話俾agent約，留message唔係個個會覆，就算覆都係打電話俾你，email多數唔會覆。同埋你唔洗留言叫佢WhatsApp 你，佢哋坐office所以只會用office電話，唔會用WhatsApp 
不過我覺得租三個月Airbnb 太長，當你人到咗英國會快趣好多，通常一個月左右多數都租到長住地方。其實暫時租Airbnb一個月先，嚟到即刻搵租盤，萬一一個月之內仍搵唔到，就續租、或搵搬去其他酒店、sa，係麻煩要搬多轉，但好過你一次過俾十幾萬喎。
唔止Airbnb，Agoda及booking.com都可以搵到民宿有自己廚房嘅單位，都安全，你可以睇哂格好價先租。
我無英國手機啊，我係rightmove見到一個listing，send左email，咁啱個agent from winchester white肯whatsapp同email，但反而我有啲驚係scam 
佢有send幾間屋既video俾我睇，話可以所有野都online做，但我問佢如果我有朋友係英國可唔可以inspection，佢就話唔得因為有人住緊同三個月租屋性質同airbnb差唔多，話你都唔會inspect airbnb，價錢就就都係三個月租加一個月deposit。你覺得正唔正路？
我其實呢三個月去英國係有野做，所以要短租，我本身有英籍既。去到英國之後要忙其他嘢應該唔可以再搵樓續個月續。
另外我都搵左一間香港agent叫 HKUK support係幫人搵樓既，唔知好唔好，有無人聽過？
第一次隔山租屋，好驚係scam或者去到間屋貨不對版，英國係多唔多呢啲case定我諗多左？
有D好似肯半年。
其實都好難答你， 因為真係要用過果間agent先知。 一般租樓要過reference check, 租Airb&b就簡單d， 起碼無咩council tax, 水電媒， inventory check, professional cleaning先
看看Travel lodge 吧、有短租的、起碼可靠。我覺得不用租3個月Airbnb , 一般肯full paid 一年租金的話、一個月內已經搵到屋搬。
我只係想短租三個月係英國有野做同想要2bedroom 2bathroom。可能都係air bnb適合啲。唔該晒！
1個讚
而家中部租間套房都要£1200
你冇諗多，係好多人租屋俾人呃，例如張約間屋嘅業主資料同本身個業主資料都唔同，然後份約係冇法律效力嘅
雖然你冇諗多，但你啲要求完全唔落地，同我奶奶一樣
又係話要短租，然後又話要平，又係要可靠，仲要喺我隔籬街即係London附近
但好老實英國嘅文化，根本就唔興短租，仲要倫敦咁熱門
加上你要穩陣，但係你呢啲要求大agent根本就唔會理你，細agent 又唔知可唔可靠會唔會呃你
理論上如果你有朋友喺當地幫你，同agent交涉同睇樓，應該會好好多
問題係你得嗰三個月，真係好難搵到有人Serve你
至於Airbnb，得嗰三萬蚊要London 租兩房兩廁，真係會得返啲condition好差嘅，又或者係一啲好差嘅區，因為你預Airbnb嘅價錢係比正常租屋嘅錢貴1.5至3倍。
學你話齋，一次過俾咁多錢，如果你住一兩晚發覺唔對路，例如冇熱水或者間屋好臭有老鼠或者門鎖有問題嗰啲，你都要睇吓cancellation policy
你個case如果淨係住三個月，不如考慮吓住酒店 / service apartment 算。
你可以 google “ London aparthotel”，或者下面有個網址睇吓啱唔啱用
不過你預係會貴，因為你係搵緊London而唔係搵緊bangkok
5個讚
我都知我個case特別啲，但因為我要煮食所以唔可以租hotel，同我之前都有係booking.com睇過佢哋只可以最多30日。
其實我唔係要london巿中心，我search大概wembley個啲位或者再遠啲都有啲三萬上落。其實三萬上落under 四萬我都ok(zone3/4我都可以接受)，但當然想搵性價比最好啦。如果好似宜家咁睇，好似都係airbnb最啱，無agent唔幫問題同council tax水電費問題，但真係要努力搵下。我見係有啱我心水既listing裝修都可以，但你話熱水個啲我都有擔心，可能真係兩手準備。
我之前試過住Wembley Park 既Novotel，佢哋有啲one bedroom 房有個open kitchen 位電爐頭，你可以試吓問吓！
1個讚