朋友都係由吹水開始
好嘅私校都要考，唔一定收，唔好嘅私校你都唔想讀啦
我仲一路以為有錢就讀得
Hi, 大家好，我係樓主，我見出完post，有啲朋友都誤解咗我嘅意思係覺得遲黎嘅香港人擁晒過嚟乜物乜物咁，澄清番我無。
另外或者可能真係有啲早到嘅香港人會覺得自己黎先，就好似自己霸左個地盤，見其他香港人新到就覺得人地搶咗自己地盤之類，其實好無謂。
樓上都有朋友講過大家都係用同一個方法黎，冇話邊個比邊個高尚。
唔會遲黎嘅人會分薄你資源，其實多啲香港人黎你果區，你地嘅話語權就越大，或者想爭取嘅野會越容易。
再者，你早到其實都冇乜野擔心啊，你小朋友又易入學校，遲黎嘅反而比你難有學位。早黎早享受，遲黎貴幾舊
揀得熱門區實預咗多人㗎啦，陸續有添，唔鍾意嘅可以自己搬遠啲，擔心人多複雜比本地人另眼相看嘅，其實你做好自己，無人可以入到你。
3個讚
呢個真
香港人一定要痴油團結起嚟
我去的並不是熱門區，落地八個月
之前未決定落腳點，都有上呢度問意見，睇下那兒相對較多學位，大人花一小時返工我覺得可以接受，但租屋俾一年upfront 後我希望可以近中學方便細路返學，這是我個人的睇法！
記得當時有會員話每個家庭都面對同樣的問題，大不了一年後搬，當時真的放鬆了去坦然面對！樓主講的問題好籠統但真係存在，但如何面對都要睇自己，有人會選擇照去，有人會選擇轉區
我覺得講個事實出嚟（好區無學位）係利多於弊
不過每個家庭有自己想法，你分享咗，責任已盡
我反而擔心有些家庭準備不足就出發，去到先發現落差打擊更大
移民係牽一髮動全身，如果真係要讀免費學校（尤其中學）值得搜集多些資訊才決定去邊，或預備要讀住私校先邊讀邊等。
揾學校從來都不易，香港也一樣
我仔想入嗰間IS我等咗三年幾先有位，之前都係讀住私校等
我諗想俾好教育仔女，功課要做足，相信好多準備移民嘅父母都會咁諗
祝各位在UK生活愉快
2個讚
我識有啲人就係咁
1個讚
有啲人聽完覺得係忠告，有啲人聽完覺得係放負
我覺得只要係真實發生，有人講係好事。鐘意睇就睇，唔鍾意就唔睇
不過其實都難嘅，未出發前揀地方，上網搵嘅 YouTube 分享嘅好多啲都係啲好熱門嘅區域，雖然好多都話學位爆曬，但唔親身到過果個地方生活兼感受，又好難靠人地分享而去決定係唔係當地落腳。
如果小朋友仲細，咁花一年時間去習慣下都唔獨壞嘅，麻煩在有啲小朋友年紀岩岩卡住14歲左右咁，咁就難搞啲
期望太大，準備不足
錢之外仲有心理準備
我剛剛去UK就係去咗一個港人熱點，學位爆滿情況係超乎想像
聽講有人派咗need improvement嘅學校
如果諗住去插班讀中學，隨時大失預算
未親身去過都唔會相信
雖然朋友力勸我仔仔year 8過嚟讀中學，慳大學學費
但我真係唔敢搏
如果未出發，係要做定兩手準備（讀住私校等）
其實local 大學學費唔係平過international好多㗎咋，都係好貴
2個讚
要黎就year 7啦
好多BNOers本來送子女去外國讀大學都冇諗過. 10萬同20-30萬一年對佢地來說好大差別.
我諗大部分人都無了解過local 大學學費係幾多
4個讚
每年十萬左右，一向知，但我都發覺冇乜人知
1個讚
加埋住宿，其實同international唔差好遠，local fee都係貴
2個讚
可能佢地以為免費或者香港咁幾皮一年仲可以申請資助
上面條link寫得幾清楚
我識人真係為咗個小朋友大學，趕喺11歲前過英國，但父母英文麻麻（聽睇寫都唔得），日常生活同搵工都溝通有問題，但又買咗樓，而家好頭痕
1個讚