自己移咗唔係好耐，差唔多一年，眼見日日係啲group 都分別有唔同家庭黎緊或將會黎自己周邊嘅區域，唔係唔歡迎，而係心知附近區嘅中小學爆到無得再爆⋯⋯
依家回想下，可能當初一年前我地到嘅時候，比我地早到嘅香港人估計都係同我依家一樣諗法，好爆啦喔，仲揀哩區？
不過又咁諗，眼見英國咁大，除咗熱門區爆之外，一啲無咁熱門嘅區都多咗香港人，唔知仲會唔會有好區未被發掘。
其實多香港人唔係唔好，而係人一多，唔知點解大家自自然然就圍爐，圍爐都無問題，但眼見都有唔少人喜歡玩小圈子，一陣哩個排斥下果個之類，唔知移咗民嘅你附近又多唔多哩啲情況？
你黎左一年，有小朋友？如果小朋友入左學就唔好理其他家庭黎拎學位喇，人地揀呢區都係一樣有自己原因。
至於圍爐，我無埋堆，所以無呢個情況。
不過真係有人嘅地方就會有是非架喇，如果鍾意圍爐，自己內心要強大啲，唔同人比較，亦唔怕人地拎自己黎比較。多香港人同聲同氣係會易啲適應新環境嘅！
我最怕係虎爸虎媽，我住果區無所謂「叻學校」，所以完全唔使同果啲家長溝通，非常之happy! 小朋友學校係大熔爐，過半有色人種（我地自己都係），我地全家都好鍾意咁樣，比佢由細接觸不同文化不同背景嘅人，將來出黎社會都係一樣。
我住呢度都勁多香港人。
學校都爆晒，唔知算唔算好彩，我仔讀嗰間小學無乜香港人睇得上眼（Good school only）我仔嗰班得佢和另一個女仔係香港人。
我住個區都係，明明個市唔係熱門個區都唔係熱門，完全冇kol提過，但呢一年越來越多香港人，好彩早買樓早入學，否則針都插唔入，好多人都話只要個區學校好少少治安好少少都即刻好多香港人湧來
講起tiger parents，我識一對香港夫婦（好後生）個仔已經讀緊outstanding school，話而家排緊另一間outstanding school，因為嗰間outstanding勁過佢仔而家讀緊嗰間outstanding。
我好懷疑呢啲人如果晌香港，係咪真係咁大口氣咁話「我個仔非皇仁、華仁不讀架」
真係人心不足蛇吞象。
一樣啦，屋企另一間outstanding小學勁多香港人，即使明明附近幾分鐘已經有間good嘅都要去15分鐘外既outstanding
圍爐-》我無埋堆，所以無呢個情況x2!
你唔入個d 香港人谷、唔埋堆、又點會知咁多是非。
至於多人去個區、都要搶到樓先得、租及買也不易。買或租到就等於個區仍有空間比人住啦
其實我成日覺得，坐十幾個鐘飛機嚟到，比小朋友番學，點知班入面半數都係香港人嚟⋯⋯
咁我個區未去到咁誇張，不過我以近為本，接送方便，而且間學校又唔係差，唔會追求outstanding小學
我住緊啲鄉交地方冇乜香港人啊，但條村間小學keep 住見到有新到香港小朋友黎返學，見佢地要跨區兼冇車，都咪話唔麻煩
我冇埋堆，係follow 開啲FB專頁見有人咁樣分享話多香港人嘅地方有香港人玩小圈子姐
我仔而家讀緊間小學，其實係我初初搬入嚟個印度鄰居recommend 我，於是我填表就填咗佢嗰間，都無諗咁多。
主要係見到佢仔仔好乖好有禮貌。鄰居已經搬走咗，有次佢哋請我哋去佢新居食飯，佢仔仔對我小朋友非常照顧，陪佢睇電視（我仔5歲、佢15歲，陪我仔睇埋啲低能嘢佢都制
）
我都冇埋堆，不過見有街坊刻意埋堆
係米有校車？冇車點跨區返學？
小學冇校車啊，可能搭巴士
搭巴士，跨區就算好近 (揸車十零分鐘)，可能要成個鍾。重要巴士成日失蹤同 delay, 點返學
秋冬天等巴士，大風時吹到頭都甩，好虐兒。
讀返屋企附近好過
圍爐冇所謂，始終人在異地多啲自己人玩傾下偈會開心啲，不過一有是非就應該避同抽身
係啊，揸車可以好快10分鐘就到，但搭巴士仲要預咗佢要兜埋周邊嘅小村，冇一個鐘都返唔到學，讀唔到屋企附近啦，爆得好犀利
所以如果有啲仲未起行而又有小朋友果啲朋友真係要快，越遲越難搵位
其實自己係香港人又唔想附近咁多香港人係唔太好嘅想法，唔通你自己去得，人哋就唔去得？
移民潮，講明係潮就係一堆㗎喇
我又唔係咁諗. 英國當地都有班家長目標只有名私校. 首先考入名prep或龍校, 下一個目標就係名senior/boarding school, 最後係G5大學.
你所講的香港家長, 如果佢經濟上有能力, 一樣會咁做.