上星期日開始，突然小小暈，不安，瞓覺時會手瞓無啦啦顫抖咁震（不是凍）， 震到小小抽搐，但意識，心跳，血壓正常。
入了急症室抽血，驗埋電解質，都解釋唔到就比我走了。在醫院床等緊時，我頭暈+手腳都不停震，有時控制冷靜無咁震，但一陣又震番。
我上年照過腦，也沒有癲癇病。
而家唔知點解，上網見有人話缺鐵會手腳震，我都買症樽多元維他命食，而家好好好不安，一瞓落床，就有點頭暈和手腳震。
有人知點醫嗎？
1個讚
會唔會關精神緊張事？
咁你飲食正唔正常???
正常 日日飲湯 三餐ok
會震到咁
？
三餐會否隔時間太耐, 我曾經都因為隔時間太耐而頭暈…
少少暈，但一瞓落床就手腳不停震，震到好驚
去睇私家啦
或者試下睇中醫…
1個讚
我見過有人話「神經痛」食B雜，
你雖然唔係痛，係抽根 及 震，不過都可以試吓，得唔得。
Panic attack?
2個讚
缺鈣
解釋唔到通常都係身心症
岩岩食左粒綜合維他命
都有機會
非專業意見，覺得似係因為頭暈而出現panic attack ，心理不安令到有手震出現，持續肌肉震動令到手腳抽筋，而且你話而家瞓覺都會覺得頭暈同手震，都有啲類似創傷後遺症咁
其實頭暈可以有好多原因，可能係血壓低/耳水唔平衡就已經可以頭暈到天旋地轉，我都試過咁樣，所以知道呢個感覺係極唔好受，唔知自己係咪要死咁樣，因此會感到好不安，好恐慌，俗語話驚到震係真嘅，即係生理性顫抖
然後因為你曾經瞓覺時頭暈再引發連串不適，於是乎每到瞓覺時間就會覺得不安，好似創傷後遺症咁，而不安又會引發panic attack，導致一連串不適，做成惡性循環，最後就會引致失眠，唔夠瞓又會令到精神緊張，繼續惡化你嘅精神健康
當然都有可能係病理性問題，可能真係有個疾病係頭暈手腳震同抽筋，呢方面就要搵醫生幫你check check
有冇睇過中醫？
我都覺得似咁。
心理方面，樓主最近生活有冇遇到咩事或者遇到啲咩變化？
生理方面，唔知樓主係咪女仕，會否撞啱經期／剛嚟完經？
唔夠鐵都會手震
最後入咗醫院吊咗鹽水先好 都唔知咩事
但我去咗睇精神科醫生話係藥物影響