一對男女到沙田愉翠商場一餐廳準備用膳，疑不滿落單後半小時未上菜，截單離開時，該名女食客遷怒餐廳收銀員，肆意指罵，氣燄囂張地拋下金句「你企樓面就要受氣」後拂袖而去，令同場顧客側目。網民看不過眼女子的行為，大鬧「無理取鬧」，指「關收銀乜事」、「畀幾廿蚊當自己大客」。
樓主昨日（23日）在facebook討論區「香港茶餐廳及美食關注組」上載長約18秒的短片時附上事件背景，指該對男女「落咗單半粒鐘冇嘢到要cut單冇問題，但係又搵收銀姐姐發洩怒火無理取鬧」，並形容女子拋下的「你企樓面就要受氣」真係金句嚟。
收銀員：「你係咁鬧我做乜嘢啫？」
女食客：「服務態度咁差！」
收銀員：「唔係我炒㗎！」
女食客：「咁你對客㗎嘛，對客係咪咁樣呀！」
收銀員：「你黐線，咁客係客，你唔可以鬧我㗎嘛！」
女食客：「咩叫唔可以鬧你，你企樓面就要受氣，話畀你聽！」
女食客：「哈，你對客㗎嘛依家！」
唔係幫個女食客
好多樓面真係態度好差，基本禮貌都冇
就算個客正常叫落單/埋單都好，佢地都好似撩交嗌咁
咁事實真係唔關收銀事, 樓面態度差係一個問題, 咁個食
客見未有菜上枱點解唔追問樓面?? 欺善怕惡??
我唔知個收銀係唔係做埋樓面，因為好多都會咁, 定係個人係負責人, 因為段片得個十幾秒，冇前段，只係影到個客鬧職員
廚房遲出菜係唔關樓面事，但樓面應該要幫個食客各廚房了解，我唔知依個CASE有冇
但依家好多樓面只係求其拋下一句"廚房整緊"，其實廚房做唔切大可同食客講
食客趕時間而廚房又未整，食客可以選擇離開，唔洗人地白等
又咁講，就算發生咩事，個女人好似跳掣咁鬧（侮辱）人，就點都係肉酸
呢個情況，我相信好多人都會話個食客唔啱，但我覺得個客講得無錯，我完全明白，好似我前公司咁，內部成日出錯，但對住個客係我，個客有咩不滿都係對住我鬧，所以我當時都會一樣鬧內部班廢人
人地 service 達唔到你要求
你可以選擇唔幫襯
大大聲鬧糾纏落去就會有改善？
店西咪等睇佢執囉
等於啲細路頑劣唔使勞氣
將來人地好與壞都會自己受返
太多紛爭源於 “睇唔過眼”
發生喺大陸嘅話想像到個樓面入廚房立菜刀斬個西客
尋日O係太興食飯就係遇到個樓面，我地都只係想佢睇睇出到未。
5杯野飲出左4杯，第5杯都有一段時間未到，家人就問樓面姐姐，話有杯凍奶茶未出。
樓面姐姐講話要睇下你落左咩先(睇佢部機)，讀晒我地落左既飲品，睇我地檯面有咩，之後同家人講你杯凍奶茶未到。
家人話係呀，第一句已經講話凍奶茶未到先叫你埋黎。
樓面同家人講D飲品既流程係點樣，話其他果幾杯同凍奶茶唔係同一個地方出所以唔一定一齊黎。
我地聽完佢解釋流程佢先話，我睇睇出左未
首先我唔相信依家既飲食業係有完善既TRAINING，所以我唔認為依個對應方式係公司教要咁答。
其實食客唔CARE你D流程，講左流程都唔係俾到杯野我，講黎托咩。
舊式細鋪茶記應該唔會有traning, 但佢地D呀姐/叔都會識話去問問廚房同水吧
佢地有冇去問其實食客都唔會真係知佢地有冇去問，但起碼佢地咁講唔會令食客扯火先
反之而加連鎖餐廳冇依樣野
啲客無品鬧你，唔代表啲客咁樣叫做啱，連尊重都唔識，好人極有限。
客人鬧唔代表一定無品，當遇到問題，有情緒一定會有，鬧，只係一種宣洩情緒方法，當然，睇下鬧嘅內容合唔合理，我做過不同服務行業，有D客鬧嘅內容係合理嘅，我會明白，但如果內容唔合理嘅，呢D當然無品啦，所以唔可以話鬧就無品嘅
你講嘅我都明白，但宣洩情緒唔代表要鬧人吓嘛？其實我自己都學習緊，年輕時我都一樣火爆
但個客果句‘你做樓面就預咗要受’ 哩句真係錯到冇得再錯，佢試下走去外國然後指住個樓面鬧？俾人拉兼遣返都似
佢呢句係有問題，但諗真又真係，個句又無錯，
，好多時有咩都係搵樓面先，所以鬧都係鬧樓面先，因為佢地做前線，係接觸客嘅，所以係受鬧嘅首選
No, 你個概念錯晒啦，根本就唔應該鬧人，有情緒就自己諗辦法解決，而唔係發洩喺人哋身上
香港我都唔敢同食店職員嘈、除非唔會再食
兩個都有問題，個收銀代表間餐廳，唔係佢炒都要講聲唔好意思啦。
睇唔到成件事，唔知邊個錯，睇唔到樓面之前嘅態度係good/bad. 但講得出「做樓面預咗受氣」呢句嘅人都係西客，句嘢就=做女人預咗俾人強姦。
比著外國，個staff做錯/遲上餐佢哋都未必會認錯，打份工，俾到個餐你就得，唔包受氣。
講到尾，都係當年劉華廣告句「今時今日咁嘅服務態度…」累到一眾服務性行業。
另外，好多西客都會講「你間餐廳xxx，你公司不知所謂，你哋以前冇咁衰」etc… 其實佢哋有冇諗過，個員工本身都係好憎自己公司。如果係管理or人手or出餐慢嘅問題，就唔好鬧個staff (除非態度差另計），有意見就同間公司講，同個職員講係冇用，佢老闆如果有聽員工意見，就唔會等30分鐘都出唔到餐。
廚房出唔切野, 的確係樓面做左磨心
但係唔係咁就等於"你企樓面就要受氣"呀?
真係好難聽
同埋個樓面好無辜
