我媽年紀大 80+ 個腦和乳房都發現有腫瘤, 醫生話應
該係已經擴散左, 之前主診醫生話咁年紀個腦應該唔
會開刀, 星期五先至見腦腫科醫生, 乳房就今日會描
組織驗…
之前都有睇過話雲芝對癌有幫助, 而家想知多啲唔知呢
度有無人有經驗可以話我知? 我知我媽情況唔樂觀 
,
只想睇下有無咩方法等佢唔好咁辛苦.
sorry to hear that, big hug.
以我認知，雲芝係對化療電療後身體免疫力降低後服用，要黎撻返個免疫系統工作。
同埋減少進行化療電療期間既不適，但要隔住食，因為會影響白血球同埋肝，唔夠白血球或者肝功能有事就要暫停化療。
無人希望放棄家人，但如果媽媽佢有意識有決定能力就要尊重佢既意願。
乳房腫瘤已擴散應該都係去骨或者淋巴腺，睇下醫生點樣講同埋都係睇媽媽既意願。
我媽媽69歲時發現三陰乳癌無擴散，切左之後只可以做化療，佢選擇切左之後唔做化療，睇中醫同埋食雲芝丸。
中藥同雲芝有無效我唔知，feb/23 手術後兩年touch wood無復發，人係精神，會行會走可以去跳社交舞，日日返工，尋日拜山行少量斜路唔見氣喘。
後補多一句，無論媽媽揀乜方法都要相信佢係對自己最好既方法，保持心境開朗係最好既藥。
4個讚
Thanks! 明白… 多謝你既意見…
雲芝增加到身體免疫力，又精神啲
係貴，但有用
1個讚
我媽情況同你媽媽好似，不過佢係差唔多廿年前乳癌，前幾年子宮癌，兩樣都切晒，做晒化療電療同食藥，但年頭發現上咗腦
年頭做咗開腦手術電療，冇耐發現肺都有做化療冇用，冇得做手術
西醫話冇得醫，我哋睇中醫令佢冇咁辛苦，又可以食到屙到同瞓到，但而家都係賺日子咋
不過我中醫話雲芝靈芝個d其實作用不大，有多餘錢，無地方使嘅食下都無妨
1個讚
多謝你意見… 共挽之…
會同屋企再傾下, 因為我地都明白咁既年紀, 可以做既嘢唔多,
只係想我媽可以好似你媽咁食得痾得瞓得… 唔好咁辛苦…
2個讚
依個都係我媽擔心，所以佢連化療都唔做。
佢平時已經胃口差個人又瘦，佢怕化療副作用後仲吸收唔到。
1個讚
無錯, 食唔到嘢係好大獲…
該主題在最後一個回覆創建後180天后自動關閉。不再允許新的回覆。