純呻，希望有同道中人都分享下。
工作上我有個好大弱點，自己一直都知道，就係數感差。
雖然日常工作管理居多，但響咩都睇數據嘅崗位，數字呢家嘢係避唔到。我自問對基本資料包括數據方面嘅收集、整理同分析都做得唔錯，足夠應付依家工作所需。但如果數據一涉及到複雜嘅formula, 例如好多銀碼、數字，仲要轉嚟轉去，類似會計同財務嘅嘢，我個腦會自動屏蔽，唔想理唔想計。
大部分時間，遇到要睇呢啲數字嘅時候，因為我唔係主力人員，所以通常都有其他主要負責人，或我轉方向去解決協調、present方面嘅問題，然後數字果part交比人做。
數感差呢個弱點可以話係天生，我一見到數字就想避，就算同事解釋完邏輯明晒，但心理上都係唔想做，能hea就hea過。岩岩過咗嘅財政年度，上司講咗嚟緊我要升職，叫我克服呢個問題，話再升上去點都避唔到。
事實上我唔升都冇所謂，為咗做少啲嘢同避開接觸呢類工作，我都有轉工前科。但年紀越來越大，管理層嘅職位好難唔掂數字，就算轉工，用依家資歷搵低啲嘅職位真係唔易（我同人面試時都發覺呢個係問題），而響我離開香港之前係應該盡力搵多啲錢做水腳… 所以最近有啲苦惱。同上司講過唔升得唔得，佢軟硬兼施否決呢個建議，仲叫我去讀書（財務嘅嘢估計讀咗都畢唔到業）。同老公講佢就覺得我唔夠長進，話係時候開放自己
屋企取態就係咁；工作上我唔可以同同事講；如果因為咁放棄份工我又覺得可惜，結果個心屈住覺得有啲壓力可能有啲工作範疇，我呢類唔鐘意數字嘅人係會行人止步。如果因為咁令工作有任何變動，我都唯有無奈接受
呻完
樓主係指計budget，revenues, 呢類工作？
我都係好唔鐘意計呢啲，之前有project manager 好好心咁，逐步逐步教我睇excel budget table, 我先睇得明自己要管理嗰part （好感激佢）。
好老土講句，除咗自己努力睇、努力計、努力試，無其他方法，我都只係煮到埋嚟就食，暫時只學識咗自己要做嗰部分。
想升職就一定要學識，我同意你老公嘅講法，你留喺comfort zone 太耐，如果連上司都開口了，你其實無得避。
1個讚
1.唔識耍太極，好多時都唔識婉轉地推返個波俾人
2.英文唔好，有時想email指出對方問題或解釋，會語塞，擔心會用錯字眼，令件事變得復雜
我都無信心再升上去，因為唔想面對更多的辦公室政治。我都係想有份收入又唔太辛苦，可以兼顧到家庭
1個讚
本來只做自己team, 嚟緊要做埋大數… 總之就唔想做上司同我老公都係數感好好，邏輯好強嘅人，佢哋呢類管開數嘅人，應該唔係好明我嘅苦惱
其實我繼續做依家個位都好開心，的確係comfort zone，但學上司話齋，上面唔升，邊有位升下面啲人
其實你老公講得啱，放開自己試一次，你上司都明白你嘅弱點，咪放開自己試吓囉，唔得先再算。
睇report都係要學睇關鍵位，我會襯而家問定上司先，係初頭攞多少少準備，如果佢可以教多啲就最好。
不過我都係同你一樣，其實唔駛太多挑戰，做好自己嘢，準時出糧收工就夠，但係機會嚟到，唯有迎難而上，令自己更進步。
你有冇諗過自己嘅職業生命仲有幾耐？ 如果仲有一排先至諗住退休嘅，我就會嘗試升職。
1個讚
- 我係廢，唔想表現到好廢好蠢拖累人
- 以勤補拙但弄巧反拙，上頭覺得我想搏，想 “train” 我做 fit 馬
- 奈何我真係冇咁做得嘢，上頭要求高，我唔係下下做到佢地想要嘅最佳效果
- 我太緊張人地點樣睇我
呢幾項都係一直以來嘅煩惱。我只係想做個悠閒唔拖冧人嘅打工仔，上頭好做得嘢好肯教新人，同時都要求高，絕對唔係 old seafood，但我好清楚自己冇料道只係廢柴一個。
1個讚
上司知你弱項都堅持升你，如果冇鑊氣都可一試
到時頂唔順再諗下步
心態都好重要，加油
1個讚
我一向唔係屋企收入支柱，所以冇乜生涯規劃，自己本身亦冇乜事業心，只係覺得做到就繼續，賺錢自己洗感覺良好。
如果要繼續留響呢間公司，應該都焗升，因為下面仲有個assistant manager, 我唔升佢冇空間升（上司都講到明），我都無謂阻住人
1個讚
鑊氣實有，因為要接觸好多我以前想避嘅嘢。
接受個位即係接受埋個責任，咁到時就唔可以輕易話放棄就放棄，唔係就會麻煩到人呢個都係我猶豫嘅原因
我覺得真係要學，花好多心機時間，總會學到。但我又真係冇乜動力學，心態都唔太積極，都係想避得就避… 會試下調整心態先
1個讚
做好本分盡好責任，盡量唔麻煩人，間中同後輩下屬分享下經驗，希望做到行業知識存承，叫做對行業有貢獻。最緊要準時收工到月尾又有糧出，放工可以返屋企照顧頭家跟下功課… 其實我只想要咁嘅生活。
1個讚
咁你不如試吓搵工，搵同職級嘅工，唔搵高一級嘅，咁咪可以讓位比人，又繼續做同樣嘅嘢，唔使學新嘢。
3個讚
如果係咁，你上左會好辛苦，會吃力不討好
我絕對明白 
但有時候現實係唔可以俾你咁
難得你上司肯坦白同你傾，你都要為自己再爭取多次，明確表達意願
如果結果唔係你所想，學其他JM咁講考慮下轉工搵返同POST
