大家好，第一次留言，唔知開喺呢度得唔得
我同男朋友諗住年尾結婚，大家都想簡簡單單，諗住想去海國旅行同簽紙（唔諗住喺外國搞埋婚禮），之後返香港同兩家人食餐飯
但之前去啲結婚展見啲agent都係要幾隆重連埋婚禮，想請問吓大家知唔知香港有無agent係可以搞外國簽紙結果但唔洗要埋婚禮？地點初步諗住都係日本台灣韓國
麻煩晒 
2個讚
咁咩都唔搞點解要係外國簽紙？
3個讚
日本簽子之後返香港要再註冊，日本好麻煩，
1個讚
唔搞婚禮但外國簽紙只係聽過vegas。但香港都唔認可，要返黎再搞。
1個讚
你哋以後想長居邊度，就去嗰度簽。
美國註冊
PASSPORT都可以呀，加州既話仲可以唔洗見證人
但留意，需要有個美國境內地址收正本 Marriage Certificate
題外話，如果想搞"旅行結婚"都唔一定要海外註冊既，一樣可以香港註冊同屋企人食餐飯，去HONEYMOON
1個讚
香港認可在vegas既註冊
雖然係hk01，不過都要update。
if you marry in vegas are you married everywhere
我搶答，因為我覺得自己個名唔配同中華人民共和國香港特別行政區依幾個字在同一張證明文件上面 
我講得唔清楚，我講緊係旅遊區見到個啲結婚多數唔係正式，佢哋唔包將啲文件送去marriage registry。要之後自己再處理。
我已經結咗婚，但都好想好似拍戲咁同老公飛一飛vegas再搞個二人婚禮。
最好係香港註冊，再去外國旅行，唔知承唔承認好麻煩，唔想大搞，係香港註冊都可以唔使搞
1個讚
朋友lunch break落律師樓簽名，兩個都一般白領打扮，正到爆，係我目前見過已婚人士中簽得最快手嘅
1個讚
多謝各位意見
原來外國註冊咁麻煩，咁我應該會喺香港註冊咗先之後先旅行結婚
1個讚
屋企人去 關𡷊 旅行，順便註冊結婚，我估應該都好方便。
手續係點樣，我唔係好清楚，你可以試吓上網搵資料。
我向布拉格註冊同行婚禮，都係搵wedding planner攪，想當年真係平，攪晒文件、當地合法註冊、租婚紗禮服、化妝、拍片、影相、禮堂、證婚人，包晒都係4萬幾蚊
我哋冇請親友去，兩個人行個簡單婚禮，花咗半日時間就攪掂，捷克語嘅結婚證書係即時有，但要英文翻譯本就要時間做，差不多一個月後寄番去wedding planner度，之後我哋再去攞
因為係當地合法婚禮，所以返嚟香港之後唔需要再註冊，香港政府係承認外國合法結婚證書，咁多年嚟我哋都冇特別去政府度改status，但照合併報稅冇問題
但提一提，如果要離婚嘅話（希望唔會但世事無絕對），可能要返去註冊國家攪，而各國婚姻件例唔一樣，所以可能會好煩麻
據我所知，外國你搞得到個當地 court 嘅官方證書，香港就會承認，問題係好多程序你未必清楚超煩，有時可以搞你一兩個月
又要準備晒單身證明呀有冇犯罪記錄呀嗰啲，跟住隨時又話要證婚人，再嚟又要睇下佢本身有冇附帶埋英文，否則整埋個官方認可嘅翻譯版本，嗰度又係時間與金錢
如果伴侶唔係話外國人焗住，根本唔會想搞咁多嘢，明明而家就係想簡簡單單丫嘛，專注返個旅程真正投入，好好享受好過啦
該主題在最後一個回覆創建後180天后自動關閉。不再允許新的回覆。