如果以上國家全部都合資格申請移民，你地會揀邊個國家？原因？
澳洲，天氣好，有好多海鮮。。。
Aussie
駕駛習慣及生活模式制度與英屬香港相近，如仲有家人在香港，時差無咁大，搭飛機都係八小時
天氣一定蠃另外兩地，只係同北半球掉轉左聖誕會變左夏天
1個讚
加拿大，少歧視，本身都係移民國家
1個讚
都係英國，文化歷史冇得輸，書＆博物館＆劇場＆流行文化贏晒
不過加拿大嘅人及澳洲嘅陽光都好吸引
樓主可否加埋美國及歐洲？
絕對澳洲
澳洲。
天氣好。係有一、兩日特別熱，但通常都係十幾二十幾度，夜晚唔過三十度，好舒服。
環境好。有樹有公園有大草地，仲有好好嘅空氣，開車周圍玩，多選擇。唔開車可以坐內陸機，大把景點。或者坐遊輪去唔同地方，玩幾日同個幾月都得，一係平平地自己買隻船出去釣魚，勁多靚沙灘同水上活動。
教育好。係大學冇英國咁出名，但我覺得已經好好。有好多選擇，要hea可以hea，要谷可以好谷，有精英學校、精英班制度，肯努力大把機會。
醫療好。GP見一個病人可以見25分鐘，問得清清楚楚，仲好負責咁refer去唔同專科，有Medicare基本上好多嘢都包，因為夠資源，約checking唔洗等好耐，仲有香港醫護遍佈Sydney不同醫學範疇。
食物好。出街食嘢好多時係當哋人煮返比你食。生果蔬菜好新鮮，肉好平，海鮮靚，唐人舖d亞洲食品超多。去Costco仲平，幾蚊一隻燒雞。
自給自足。據我了解，成個國家可以唔依靠外國食物同燃料，農業發達，風力發電亦開始出現。
當然，有d嘢又比較遜色。
樓價貴。大城市獨立屋比較貴。香港人聚居嘅地方亦比較貴，但物有所值，因為可以方便得好緊要，甚至係做到落街行大型商場、買餸、食嘢、返學、行去搭火車返工。
太陽猛。出門三寶：太陽油、帽、黑超。曬太陽有褪黑色素，幫助入眠。太陽能發電普及，三年左右回本，用唔曬嘅電仲可以賣返比政府。
6個讚
對於香港嘅年輕人，極小機會三條pathways都有齊，歷史應該得一次，希望好好把握
老人家好心唔好阻止啦，入咗籍再返嚟盡孝都得啫，個人生係佢嘅，比人飛出去啦
2個讚
澳洲
想滑雪又有,想陽光與海灘又有
天氣宜人,生果/海產好食
啲人好chill好玩
剩係內陸機/road trip都大把地方可以旅行
本身就勁多移民,感覺冇咁多歧視
利申:試過喺嗰邊生活半年
我都覺得係澳洲，係個邊stay過幾年，天氣好，人都心情好啲。又多郊外海邊，幾多好嘢食，治安算好。人工薪金對比樓價算合理，交通方便。
有英藉但會想要澳洲藉多啲，我妹移民澳洲中。
我一定揀澳洲，天氣冇咁凍，同香港時差幾個鐘，珀斯直程一樣時區添！食嘢買嘢方便尤其華超選擇多，而且出街食飯質素起碼都正常先，唔會預咗難食先。個人感覺當地人友善，笑容多過我係英國見到嘅當地人，我之前經常去澳洲同去過不同城市，亦都好多朋友喺嗰邊，羨慕你可以揀地方移民
2個讚
如果大人就住澳洲，有小朋友就大學時送佢去英國讀書(如果考到頭五名大學嘅話，考唔到就留澳洲)
小弟喺英國長大，覺得當地人暗地歧視，階級觀念重，難容入，而且先敬羅衣後敬人。但大學質數梗係好過澳洲。
喺澳洲，公司時時會好emphasis 啲土地係屬於呢度嘅原住民，成日提醒所有種族要共融，咁樣教導會對小朋友成長好啲。
3個讚
澳洲派學校係咪跟住屋距離？
公立學校要睇school zone, 但selective school要考試先可以入！
即係同英國一樣
好似好迷信，但我有睇八字睇下邊個地方啱自己命格
2個讚
大家會點選擇?
Vancouver: 住靚景新淨house/大apartment, 方便安全. 飲食更勝香港. 小朋友讀普通學校.
London: 住現代細apartment, 冇咩景觀, 唔算方便. 食方面無謂同Vancouver及香港比… 小朋友讀名私校.
1個讚
澳洲，天氣好無咁凍，生活指數物價平過英國，同加拿大差唔多。
加拿大
我唔鍾意落雪
澳洲