如題，唔知可以點樣解決。
返工想hea，但係公司比機會你，唔應該hea。想努力，語言能力又未夠（係外國），主要理解能力唔夠好，力不從心。企咗係十字路口，唔知自己想點。
3個讚
直接話想做返簡單位？
我都曾經幾迷失，但我教自己唔好淨係以職業呀工作呀等等define自己，生活仲有好多其他方面去證明自己人生嘅價值以及提升生活質素，例如健全身心，精神生活，靈魂嘅自由
咁諗都幾work，幾開心
7個讚
我淨係想知幾時可以退休抖下
5個讚
搞好個身體狀況先
1個讚
係呀身體行先
後生時精力充沛都係因為身體好
人到中年，力不從心，係正常嘅，
除非有啲人，野心好大，身體特別好，腦部記憶力學習能力強，
正常人到咗某一個年紀，新陳代謝慢咗，整體而言真係慢慢會向下調整，安於現狀嘅。
自己知，自己事，
婉轉啲 ，講出自己嘅意願，
題外話：
根據前人嘅經驗，退休年齡定係60歲，
雖然現在D人表面睇嚟都仲好健康，但體內機能有明顯衰退，骨骼軟骨組織都磨蝕唔少，
我最唔明白，出面愈來愈聲音，把退休年齡延長到6 5歲，
唔通真係做到死嗰日先至停。
我同你一樣，公司比機會，可以上位但要鬥，自己好似無乜戰鬥力，唔係能力係心力。離開左香港，想放多啲時間比屋企，但同時機會唔係成日有，我仲調整繁心態。
1個讚
其實四十幾係事業黃金時期，要博殺仲可以，只係心態上想唔想。
1個讚
社會老人化，唔夠新力軍
政府想減低負擔，老年生活各下自理
1個讚
人到中年，不安感同矛盾時常發生
總是自我爭扎，不能活得自在似的
我都係面對緊同樣問題，集中力總是差點，力不從心，語言更加唔使講，係香港用英文開會免強可以，係英國開會對住班外國人，真係怯。漸漸地，就想Hea做，收埋自己，但公司又比機會，自己又唔想錯過，當然我都承認自己有點好勝，好矛盾…
其實佢地都係人,
你係料, 有idea, 你表達到出黎, 佢地明就得架啦
我認識既鬼佬, 佢地唔多介意你係咪native speaker,
佢地介意既係, 你可唔可以比多更多實際工作上既創意, 工作效率, 令件事更好咁完成 比佢地
佢地明你本身唔係講開英文, 用字係無佢地咁好, 咁多, 但只要deliver到你既idea
佢地有耐性聽你地講, 更加唔會笑你 , 唔好怯, 怯就一世架啦, 當你遇到想做就事, 試左先(既然你都話你好勝)
6個讚
好多謝你用咁多文字鼓勵我，我地依啲香港長大嘅人，港式英文，講出離真係驚比人笑。不過見你咁講，個心又舒服啲，要鼓起勇氣係全部是外國人面前表達自己想法，是一種挑戰；挑戰自已離開comfort zone （華人社會）用second language (英文)生活溝通，承認面對自己自卑但又唔想比人睇低…
me 2
我之前都好怯, 相處左一年好 d. 但都係怯
香港人係有工作能力，如果唔係語言問題，可以有好多機會
想掙取返manager 嘅待遇，但唔係幾值，又唔想做
如果要做，就要做得比本地人好，先對得住個機會
我都好怯，不過去到重要字眼，唔明都要直接問返
例如 and finished 聽左做 unfinished，要去問返人點解係unfinished
覺得自己好樣衰 
我反而係外地講英文大膽過香港，口音每個地方不同，同大陸印度口音比，香港口音唔算難聽。而且唔係母語，無人會criticize 我講得好唔好，反而以前香港有啲人會執某啲發音唔正。
1個讚
見到胡楓90都咁精靈、我又覺得因人而異、最緊要係做得開心唔係為生活
我自己就語言同能力問題、知道要做到要求真係要出二百分既力、而家真係想放緩腳步、但可以同時學習其他技能、例如煮食同揸車、安排到家庭都會想搵份hea 工、唔想同社會太脫節但都唔想出盡力拼搏
老左坐喺度，愈唔動身體愈鈍
1個讚