睇埋你爬文我覺得姑仔輸硬了、又係仔又睇落無咁富裕、通常父母都係想照顧睇落弱勢果個、唔打劫富裕果個算好彩
2個讚
父母應安排好，係遺囑寫明平分/未賣出照市場租金收阿哥，然後阿妹收一半租金。
2個讚
父母正常係會咁諗。
我又覺兄弟姊妹唔好太計較，話哂係父母嘅資產，雖然心有不甘，但佢哋中意俾邊個係佢哋嘅自由。
2個讚
大佬出聲先阿妹唔同意就變左計較、掉轉阿妹咁做大佬會唔會又咁順攤先、父母決定左都無得好講、但心中都有刺吧
真係一石激起千重浪
2個讚
俾咗我，可能都會有小小唔開心。
但既然阿妹經濟好過阿哥，就唔好太計較。
如果有2個以上仔女，父母真係好難做到絕對公平。
3個讚
如果係我我都會咁做，雖然話呀妹而家呢刻經濟好似好d，但難保將來係點，全部均分最公道又少爭執。有時數還數路還路白紙黑字寫清楚，看似無情，其實更保護到家人感情。做父母都唔想兄弟姊妹因為錢銀問題搞到老死不相往來。
3個讚
佢自己阿爸阿媽出250萬
佢老公阿爸阿媽出左幾多？
睇人架咋
我老公屋企反而仔錫阿爸阿媽多d
女有異性冇人性 
又話財產係父母既，我無資格出聲
下面又話
我希望佢地唔好轉名
唔認謀住父母d財產淨係spin去唔公平
最公平父母要求收返兩兄妹250萬，幫左首期上左車二揭還錢 
1個讚
我睇晒七頁
阿妹聲稱第時父母過身後
如果阿哥唔交番個三房單位出黎
佢都唔會搵律師告佢, 費事俾律師賺喎 
又話唔想搞到反目
話最多只會自己搵佢傾, 傾得幾多得幾多
真係好有親情
2個讚
其實我覺得佢咁講都好正常， 除非佢阿爸阿媽, 遺囑寫明係留畀佢大佬，如果唔係，佢都有份。
其實父母一日未死未立遺囑, 都無講層樓第時係俾邊個, 可能第時層樓俾阿哥, 其他現金等價物就歸阿妹? 但阿妹已老馮assume 層樓佢一定有得分一半
又如果第時父母無立遺囑, 兩老死後阿哥唔肯交番層樓出黎, 你真係認為佢唔會打官司爭番半層樓? 
咁就真係睇下阿哥會唔會有日需要賣父母層三房… 如果無立遺囑, 照計係子女平分, 咁個女就會直接有一半業權… 只要阿哥一想賣, 阿妹就有條件同阿哥傾…
但如果一路自住 (可能呢樣先係阿妹最擔心), 個妹就好難套到層樓出黎喇…
2個讚
呢樣先最煩，去到呢個階段，咁大筆錢係眼前，好難唔爭，始終係人性
3個讚
理解既。但我又覺得如果係正常人, 都唔會咁衰真係自己住哂唔理個妹掛。
我身邊有 case 係阿妹同阿媽一齊住到終老(又係市區細三房), 阿媽臨走講好層樓分 30% 比個妹, 阿哥想要層樓自住, 於是阿嫂比返等值既 cash 個妹…
如果有心傾, 其實都好多折衷既方法 
唔公平，我照顧(同住)阿媽終老，連一半都無，唔公平
阿媽日日煮飯執屋抹地, 阿妹連家用都無, 阿哥個個月比足… 到底邊個唔公平啲?
有時真係家家有本, 好難計咁清 
1個讚
朋友嘅case,
單身老人家有層自住樓，暫時仲健康，每日去親戚a食飯，平時小病都有親戚a幫手睇下，
大半年前老人家話百年歸老後會比層樓a,
其他親戚就多多聲氣，話a貪人地層樓。
但我又覺得，有人照顧到百年，呢啲先係無價，就算貪，都抵比佢貪，又唔見其他親戚去照顧人地，咁咪可以有層樓囉
5個讚
咁有心照顧真係好難得, 好多親生仔女都做唔到 (有時工作忙啦, 要顧自己家庭啦, 本身個人無耐性啦)… 其他親戚咁唔抵得, 叫佢搶左 a 嗰份黎做囉, 做得好可能老人家分半層樓比佢呢 
2個讚
依樣就要睇阿妹想要既係咩同埋前題3房單位係邊個名。
好多可能性
- 父母聯名，無遺囑，其中一邊走左，50%伴侶承繼，50%幾多個仔女就除幾多份(依個CASE 即係阿哥25% 阿妹25%)
- 父母聯名長命契，無遺囑，其中一邊走左，單位100%歸在生果位。等在生果位都香埋，阿哥50%阿妹50%
- 父母聯名，有遺囑，應該兩位都要寫遺囑因為先後次序都有機會出現。老豆可以寫晒俾阿媽，等阿媽份遺囑先分，或者阿媽寫俾老豆等老豆份遺囑先分。
- 父母送埋3房單位俾阿哥，阿妹唔洗再計算。
- 父母將3房轉名俾兩兄妹，其實咁樣對阿妹既感覺可能好D，一早就有名可以問阿哥收一半租金，風險就係阿哥趕兩個老人家走就GG。
1個讚