有父幹付首期買樓，當然可以加快上車做業主。一名港女近日在網上討論區分享，父親資助她與哥哥各250萬買樓，惟她不滿哥哥一家四口住進父母3房大單位，兩老則改住他們的2房單位。港女擔心哥哥住下去，變成「鵲巢鳩佔」。
該名港女於「香港討論區」，以「阿哥用2個小朋友做借口，要用佢2房換父母3房」為題發文，表示父母經濟條件不錯，更資助她和哥哥買樓，每人各250萬作為首期。兄妹均購置約400呎2房單位，父母則住3房大單位，實用面積近800呎，而且位置便利，就在港鐵站旁。
兄細屋換父母大屋
不過，她大吐苦水指哥哥以兩個小朋友為藉口，想用他的細單位換父母大單位交換住。她表示︰
佢要父母住佢細2房，佢一家四口住父母大3房，因為同區，父母已同意。
港女怕哥哥圖謀不軌，「會唔會住住下，當大3房係佢嘅？」、「將來要阿哥交回單位，應該唔易」。她指父母沒有重男輕女，不因她是女兒而待薄她︰
我父母係新朝（潮）派，對兒女一視同仁。
網民斥計較謀家產
網民大多覺得港女斤斤計較，認為父母已為她付首期買樓，加上哥哥只是有需要才與父母交換單位住，父母並非將層樓送給兒子。有網民表示，「要靠父母就唔好咁計較啦」、「始終你係外嫁女，有層樓俾你已經好好」。
另一方面，有網民直斥港女獲資助買樓仍不知足，更想謀住父母身家，留言「阿爸阿媽都未死，就諗住到時分身家點算」、「你咁講，即是你都謀住間大屋啦」、「你都有拎著數，只不過驚自己蝕底咗啫」。
D人話咩外嫁女有得分算執到，各位姊妹，一定要帶眼識人呀，唔好比重男輕女嘅家庭埋身，影響幾代人。
9個讚
唔係貪唔貪心，係公唔公平問題
小至爭玩具、食物，大至錢銀，分得唔公平有時係衰過冇
7個讚
可能兩老覺得2個人住兩房都夠，阿仔有需要住3房多啲，咁咪交換囉，始終物業係父母嘅，佢哋決定做仔女嘅都冇權出聲
但個仔又樣衰啲，已經父母比首期買樓，生兩件又話唔夠住，有本事就自己比錢細樓換大樓，唔係吓吓都開口叫父母幫嘅
16個讚
呢個 case 係兩兄妹都已經有長老資助各 250萬, 買左一層 400呎樓… 點樣唔公平? 
個個仔女需要都唔同, 好難做到完全一模一樣喎…
2個讚
認同係有啲攞著數, 慳租, 慳供樓錢 (換大肯定要供多啲)。但如果長老心甘命抵同大仔交換, 阿妹出聲都無用, 而家無講到話長老會成層三房留比個仔, 阿妹有少少過慮
2個讚
或者咁講
可能阿妹由細到大都習慣左父母對佢同阿哥公平
就連當初買樓資助首期都係一樣
所以宜家就唔gur 阿哥響250 萬首期以外再拎到著數
又如果阿妹本身都有成家打算, 佢都可能覺得俾佢生左兩個BB 之後, 邊個同佢換三房?
呢個都明白, 但有時諗真啲好難做到 “完全一模一樣”。例如長老幫手湊孫咁, 湊左一個, 兩個… 仲湊到第三個? 咁遲生嗰個好唔抵? 偏心? 
我覺得兩老係有心 “公平”, 唔係都唔會每人 250萬首期, 可能見三房自己住唔哂, 阿仔又有需要, 咪做個順水人情囉…
1個讚
我覺得阿妹就係慣左父母經常地有心公平
(同埋可能同阿哥關係唔太好?)
變到咩都要同阿哥比較
亦都唔明自己都係身在福中不知福
我都覺得呢個係主因… 老實我自己都有長老資助首期, 當時我妹未結婚, 但佢一啲唔開心都無, 仲叫我爸媽比多啲, 話比我買大啲, 供少啲…
到佢結婚, 我媽話樓價高, 我妹夫有居屋唔比首期我妹, 我都有叫我媽照買層細細樓仔比阿妹收租…
如果感情唔錯, 見對方有需要, 照計唔會咁計較
3個讚
我都覺~
點解唔自己換樓
或者租出自住單位, 自己再租大少少單位住?
一家四口住400呎都唔係好委屈啫?
真係好多呢d 人
見過一個case, 父母自住居屋有三房, 兩個女本身一人一間房。
家姐大左之後, 理財不善, 多年黎同條仔出面租樓住, 一年最少兩次去旅行 (係一次起碼去兩星期果隻), 搵幾多fing 幾多, 唔儲錢
後來到結婚就話噢原來一直租樓儲唔到錢, 買唔到樓, 於是家姐要求同男友一齊搬番外家住, 仲要唔俾家用。
個妹就不嬲都同屋企人同住, 亦都有努力儲錢買樓同結婚打算。
最後家姐同男友搬番去, 阿妹覺得接受唔到一齊住。自己決定買樓搬走。阿爸就資助阿妹首期, 點知個家姐仲好意思講, 覺得係阿爸偏心喎……
早輪都有個網友分享大家姐姐夫搬入媽媽遺產單位，唔知處理成點呢。
生活費係小數目，一舊錢拎出黎就好覺
不過都係果句，個單位係父母既，好仔/女不論爺田地，佢地鐘意俾邊個就俾邊個。
如果自己有份供(唔係講俾家用呀，係直接供樓)就理直氣壯可以俾/唔俾邊個。
2個讚
我明呀, 我男家嗰邊有親人都係咁… 佢既 “公平” 只會用係佢覺得人地著數的地方… 但佢自己攞人著數就唔知咩叫 “公平” 架喇 
2個讚