由以為黎M到每朝都有少少粉紅色血，覺得唔妥就check下棒原來係有咗，之後去產檢check到閃閃，醫生就開咗安胎藥食，食完之後就冇再流啡同粉紅色血，以為穩定左，點知最近呢一次真係嚇親，完事之後流血，即刻打俾私家產檢醫生去檢查，就話我胎盤低，行房就有機會出血，另外穩陣起見都寫信比我去急症室睇吓，叫我觀察一兩日睇吓仲有冇出血，好彩就係bb冇事，叫我要停止行房，我話以後都唔敢啦，坐完月先算啦，醫生話仲有機會可以胎盤升返上去，想知係咪都大機會升返上去，仲有咩要注意？另外試過有一次去poopoo大力左少少，一抹就有血，以後都唔敢用甘大去. 好似少少事就出血攪到我乜都唔敢做
我兩胎都胎盤低，但就冇出血情況，醫生有提唔好行房，其他都冇乜特別嘢注意
我係一早決定私家開刀生，但因為胎盤低醫生唔建議私家醫院開刀，話政府醫院設備好啲
但醫生話個肚再大啲有機會升番上去，到34w如果升番高就可以私家生
最後兩胎去到34w都升番，向私家同政府照過都話冇問題，可以私院開刀
1個讚
流啡即係胎唔穩
你又會咁安心行房…
1個讚