識一個同學有強烈潔癖，返到學校成日噴酒精，唔比同學接觸佢書本書包枱椅，如果同學接觸到，佢就話罰人企。每次去完厠所，就要全身噴酒精。還有，唔肯上體育課，因為唔想坐地下……
係餐廳見到一個男孩扭計，個媽堅決不順從佢意，個男仔繼續扭計玩對抗、又話想死、駡亞媽，甚至打亞媽塊面……
好似多咗兒童情緒問題，現今做父母真係好辛苦，純粹大家傾吓偈
唔只係小朋友大人都有潔癖其實都有好處，
有舊同事出街食飯，
都要攞濕紙巾抹下台，
餐具要搵熱水燙過先用。
成日比我笑佢.
我中學同學係嚴重潔癖，噴酒精噴香水咁噴，洗手會洗埋成個手臂，會「洗」銀紙，佢隻食指咩都唔會掂，所以揸筆會彈起隻食指，上 PE 堂要坐地下嘅話佢會準備一大攤紙巾同埋膠手套。佢性格又冇咩嘢，friend 到。
下面嗰個會唔會個男仔係有自閉症？
我都唔知，個男孩一時話想死和自摑，一時駡和打亞媽塊面，一時又話點解別人對佢咁好，係到喊…
潔癖個女孩影響到其他同學，佢唔俾人行佢個位後面，怕別人接觸到佢任何東西。佢唔肯上體育課，搞到全班都無得上體育課，因為老師唔能獨留佢係課室…
冇乜可能囉
無可能，正常係叫佢自己去學校圖書館坐，和叫佢父母寫封信，講明佢唔會上體育課。
1個讚
係仔的同學，仔親口同我講。
潔癖冇問題，但唔好影響到人
人地行過都唔舒服嘅你話佢可以點生存
強迫症呢啲真係要搵專業人士
記得曾經睇過一個外國紀錄片
個男人每日都要花晒全部時間去執間屋
屋企買咗新嘢放入雪櫃都唔掂
這就是問題重點，咁細個（初小）已經咁樣，幾時捱到大…
如果我同小朋友一齊出去食嘢，都會用濕紙巾或搓手液抺枱。
但自己一個或同朋友，張枱唔係太DIRTY都唔會理。
其實呢D唔係兒童情緒問題，係父母問題
2個讚
你覺得個男孩係父母問題？我諗緊佢會唔會係自閉譜系才會做出這樣行為…
1個讚
我都係咁，我覺得好正常冇乜嘢
1個讚
我都覺似係父母管教問題，多於自閉
2個讚
有機會，因為教育自閉譜系小朋友唔係一般親職教育可處理，父母都要專業指導去疏導小孩情緒。如果小朋友有特別需要，就算父母正常都會被激到有情緒，那壓力非有正常孩子家長可理解。
好多人誤解自閉是小朋友只活在自己世界不出聲不同人講野。其實有些自閉症小孩是很多野講，固執行為亦唔係你打佢鬧佢或好言相勸佢會停止。要預先預告每日會發生事情，幾點做什麼有晒程序。但生活就係充滿意外，有少少不是預期就會崩潰。
所以我學會了不要隨便judge 別人唔識教。因為好多情況就算親子專家都唔一定唔踩蕉皮。
6個讚
同意，照顧正常小朋友已辛苦，更可況SEN
我有朋友係去邊都係咁抹，洗碗洗兩個鐘，我好想同佢及另一半講佢有問題，但前者自尊心好重，後者逃避，所以我猶豫咗成年都未講
我自己都有少少怕咗佢了
佢話買電話一定買iPhone，因為安全。咁都ok，但佢上所有網站都覺得有人監視佢，去街一定有人跟蹤佢，係咪有問題？
好唔好開聲話佢知？
Sor離題
睇吓佢呢啲行為有冇影響佢日常生活
佢只係講吓佢嘅感受就冇問題，但佢會因為覺得上網比人監視就完全唔上網，出街覺得比人跟蹤就唔敢出街，咁樣就有問題
1個讚
我覺得是老師處理得唔好，我仔小學生，如果當日著錯校服無著運動服回校，都不可上體育課，只能在運動場企埋一邊睇同學仔上堂，但不會影響到全班同學需要留在課室
1個讚
第一個係強迫症嚟
唔係父母管教問題
餐廳男仔似自閉傾向 不過要多少少資料先可以知係管教問題定男童係有特殊學習需要