其實自問都冇孝順父母， 但我朋友成日同我講，到我父母不在的時候我一定會後悔， 叫我唔好做遺憾嘅事
我依家同媽媽一個月出嚟一次吃飯或行下， 因為佢腳痛，佢話行唔到好多地方， 兩星期打一次電話比佢，問候下佢身體狀況
除此之外仲可以做啲咩?
大家又點樣同父母溝通?
可以再密啲次數多啲，
3個讚
咩原因腳痛有無睇醫生, 有無輔助工具等佢可以行得無咁辛苦…
唔成日見打電話可以密啲…
仲有無其他人一齊同住??
多謝你的回覆
返而我媽咪話唔使見得咁密，有時又就唔到時間
1個讚
我兩星期一次都冇
我同父母好有距離感，就算我打電話俾媽咪，好多時佢都會話我啲兄弟姊妹打電話俾佢而cut左我線
我諗佢地都錫我嘅，不過都係唔close，節日生日我都做足，我媽咪有唔開心我都會聽佢講開解佢，但要再做多啲我都覺得好困難
謝謝你有心的回覆
我媽咪有去睇針灸，佢都講唔到比我聽點解， 咁係咪應該兩三日打一次?
佢同我爸爸一齊住， 但我爸爸冇乜點理佢， 你知啦上一代兩夫妻都唔係點溝通
我覺得有時母女呢樣嘢都係雙向， 有啲女真係對阿媽好好，出錢出力，但阿媽又好似唔係好受， 關係真係好微妙
其實問心嗰句，我都係為做而做，我覺得我媽好煩，都溝通唔到。。唉！
2個讚
家用俾多啲
這個我暫時唔係好做到，真慚愧
孝順父母係好事，但係知易行難，
2個讚
完全明白
我媽媽行動不便，所以多數用視象電話，影吓周圍環境比佢睇
我估睇人。
有啲老人家鐘意人陪；
有啲人鐘意仔女送禮，可以係朋友面前show off；
有啲獨立啲，想仔女出身後逍遙自在。
好難一概而論。
如果係陪伴type，就算拎自己嘢番父母屋企做，然後係屋企食餐家常便飯，父母都會覺得高興。
2個讚
請教返你朋友咪得
其實你做嘅比好多人好㗎啦。
2個讚
我完全都知
都好 
我阿媽係，鍾意我返屋企食飯，我上次同佢食完飯，佢都話出面啲嘢食唔抵
每個父母都不同，孝順這件事真的因人而異，只能投其所好，順他們的心也是孝順的一種，並非要朝見口晚見面就叫孝順！
有些父母只看重錢，不重視情感，不重視生活質素，只需要有足夠$就安心的，不需要陪伴。有些父母看重情感，喜歡分享每天所碎事，打個電話閒話日常就已經好高興。
有些父母喜歡吃，就去找好食的地方帶他去，讓他開心地吃也是一樣的孝順！
就好像A,B,C餐, 勉強想吃A餐的人吃C餐，只會大家都辛苦，勉強冇幸福！共勉之！
4個讚
我都覺得每個人/每家人都唔同
最緊要大家都舒服地相處
但樓主話為做而做，實在令人傷心
例如第時我兩個囡陪我食飯行街問候我原來只係費事俾人話，佢哋其實覺得我煩唔想對住我
我會好 hurt 好傷心！我唔需要佢哋施捨會覺得唔尊重
所以請樓主問心，真係唔想既就無謂勉強
1個讚
我有時都會，未搬出去時日日都咁覺得，講幾句就頂唔順講唔到落去，我哋幾兄弟姊妹都係咁
而家搬左反而會慢慢聽佢講野，會感恩佢
我都認同應該雙向，所以都係盡做
有諗過佢哋過身我會點，想像唔到，在我黎講有時見面唔好有拗撬已經係難得，我暫時希望自己多啲表達自己對佢哋嘅關心，都幾希望可以多啲同佢哋帶埋小朋友去玩
或者你都諗下有咩幾想同媽媽做，可能平時探下佢口風睇佢好乜
佢行動唔方便會怕煩到你都未定，未必出去可以整下野佢食煲下湯咁，佢鍾意煮食就陪下佢煮下，投其所好，你唔陪或者幫佢安排好都可以，好似搵啲短期目標一齊做咁
如果佢乜都唔感興趣唔做其實都冇咩所謂，好似上面有sis講，人人唔同，我覺得了解佢喜好比較重要