我媽要出去照 MRI，醫院個邊話
而家好難安排到非緊急醫療車，
所以要自己車出車入。
我知輪椅的士要預先約，需要比預
約費百二左右再加跟咪錶收費。
唔知有無人用過邊間比較好啲？
我冇真係用過服務，係我爸爸有病果時搵定以備不時之需
見其他果啲好似要早一日call定，呢間就話15-20分鐘就會有車，好似比較方便
1個讚
Thanks! 研究下先, 有得預約都會約左先, 如果佢無車就大件事.
係呀，去果程要預約咗先，但回程比較難預計，有時政府覆診等兩三個鐘都試過，所以如果有得即時call車就會比較方便
但好似有啲車係可以等埋回程，但唔知收費係點，你可以再格下價
係, 我之前睇左另一間, 佢都有提到話覆診接送咁…
我會問清楚先至預約.
唔該晒你… 
之前我同d長者去醫院，佢哋可以協助下上到車，我哋call Uber
長者只係上落車個陣要企一企，其餘時間可以坐住輪椅
1個讚
見過有病人叫 st.john 救護車送去私院 
之前我爸爸成日出入都要預約輪椅的士㗎
講緊2年前都係120元，再另加正常咪錶嘅收費
不過我就會3日前預約的
我嗰個司機住青衣
佢個團隊司機都幫手車出車入過
我就覺得Service好好
之前爸爸每次覆診
因為都要佢哋幫手回程
我知道如果預約咗佢哋
佢哋只會喺附近接吓短程車
因為隨時要返番醫院接我哋
好多時覆完診或者等攞藥我會打番電話俾司機
次次都好快喺番醫院等我哋的
4個讚
明白晒… 我一陣會打去預約.
今日我用左 TAXIVIP 我全程都係用
Whatsapp 預約，佢地都好快，我
有講明需要回程，佢地都好好因為
我媽係無力而家係係醫院出去照 MRI
所以唔想佢郁動太多，全程坐係輪椅
度唔使佢郁無咁辛苦，回程前 30 分鐘
通知就有車，咁樣真係方便好多。
2個讚
如果係院舍可以問院舍職員，有私人 VAN 仔可載直上輪椅，係包來回但多年前都要兩百蚊，依家就唔知幾錢啦，都要睇路程計實價，我來回都係約廿公里。依稀記憶回程等得比較耐，好似等咗約最少半小時 … 定一半個鐘 !? 
鑽的好難約，你可以試下呢間
1個讚
我媽唔係院舍, 係醫院度外出去，幾年前我
奶奶都係入院要自費出去照 MRI 個時醫院
幫埋 book 非緊急醫療車去，但今次醫院就
話很困難所以要我地自己自己安排。
吓，如果住緊公立醫院，未聽過要自己安排車去做檢查?! 估計應該係你家人住緊公院，但醫生寫咗紙轉介去私院做檢查，所以先要你自己安排去去，係咪? 如果係，就有可能要病者家屬安排。
因非緊急接送車輛，主要係由公院接送至其他公院，例如病者住病房，但病人附帶其他專科問題，但住緊醫院冇該專科部門，或冇該項儀器檢查，就要轉介去其他醫院，咁就係一定由病房安排車輛。
係，自費出去照，幾年前我奶奶都係自費出
去照，但當時醫院係可以安排到非緊急醫療
車接送，佢住既醫院和我媽唔同。
最後我只諗到因為醫院做加建及改建工程，外面
每日車輛出入都好混亂，所以我理解到點解姑
話好難安排到就係咁原因。
幾好原來都好方便
係，雖然每程要比預約費$120，但唔
使老人家郁黎郁去，全程就係坐係輪
椅上面就得都值得。
依家公院轉介去私院檢查，應該係有大部份資助、唔係病人要自己俾哂係咪? 以我所知如果某啲昂貴放射性檢查、例如 Pet-CT Scan 過萬蚊，連好多大醫院都冇免費，就要病人自己自費。但一般 MRI 如果本身公院排得耐，公院醫生可寫紙轉介去私院，咁樣就有大部份資助或免費 !
照你口風咁講，似乎有可能係果個部門病房職員，唔想做咁多借意卸膊，叫家屬自己出資安排免麻煩喎 !? 如果真係咁，就有病睇醫生都係要運彩數，好就遇著好嘅醫護幫你解困、唔好就遇著個不斷出難題俾你，自己去拆局，現實中我都見唔少 !
1個讚
係，我媽係入左院醫生有講排政府要好耐，
所以建議自費出去照，有轉介信出去係有折。