最近老公提議返大陸買樓，佢覺得佢阿哥需要幫，就出錢買大陸樓寫佢名，話有錢多就幫下屋企人。
但我想講佢大佬個女讀國際學校，人地都無出聲要你幫，你就沖出去。
我地兩公婆無仔女，d 錢要留黎養老。
仲有佢assume 返大陸養老，會慣。點解唔留番個$ 俾自己，留多d 選擇俾自己！
真係一肚氣
1個讚
如果有錢會幫貧困嘅兄弟姊妹，不過似乎你先生亜哥唔算貧喎。
4個讚
比我都唔鍾意
3個讚
我阿爸都向大陸有樓，又係諗住買嚟養老，但到佢有病返嚟香港醫，都冇機會返上去，而家佢老人家走咗，佢老婆都唔會自己一個返大陸住，最後都打算賣咗佢就算
3個讚
你都話你要幫你阿哥
有冇同其他人瞭解下賣樓之後D錢係銀行點拎出嚟？點運返香港先再考慮，
1個讚
上去退休即係唔賣啦
1個讚
所以激到一肚氣，又唔同得阿爸阿媽講。佢真係前世欠
佢俾個啲錢係真係老公既錢定你哋共同財產？會唔會諗啲計話你哋都有開支要用，例如睇醫生話有啲咩長期病(腰痛之類)，話要留多啲錢睇醫生？
不過有啲人係咁，我老爺都有啲垃圾親戚成日問佢攞錢，佢又成個財神爺咁派錢俾人，我奶奶都好憎佢哋，我都對佢哋無好感，唔明老爺。
2個讚
我老豆在生時都係咁，我地仲細個唔知咩事，阿媽講返話隔兩三年就話要起屋又話要買車，試過話堂阿哥就快畢業想買部車做下送貨。
明明我阿哥都同佢差一兩年，又唔見老豆買部車俾佢送下貨。不過結果無買，因為阿媽小爆我老豆。
另一個老野親戚(咬老綜的)，一向都知佢o係大陸既仔女食開人血饅頭，有次，大陸仔叫佢老豆買部14座果類既mini bus，話唔想打工想做生意，老豆買左，唔夠3個月話部車俾人偷左 
老爺個呀媽仲在生個陣又要俾錢佢哋買屋又盛，不過我個陣未同老公結婚。宜家老爺個媽過左身終於唔使成日俾錢。我都係聽我奶奶講先知。我就算有錢都唔會俾人，唔明佢哋心態。
Well said… 呢件事係當下, 難度分係9.999999999999999 呀… 可以賣樓, 但未必見到錢, 或者可以見到堆數字…
依家諗返，我估係阿爺同老豆黎左香港搵食(老豆係最大既男丁)，而阿麻同其他兄弟姊妹留左o係鄉下，阿爺走左之後老豆就有擔起頭家既責任同埋用錢去買返親情(起屋買車間中俾生活費)，但係老豆又唔係果種年年要返鄉下既人，30年以來返鄉下既次數唔夠10次，而佢仲要有1x年份工要中港兩邊走
yes
錢係離唔開蛆國的
1個讚
Wow…你呢句好中point…用錢去買感情… 但感情牽涉到錢銀就唔會係真感情啦…
當然啦…
1個讚
講真，唔係同路人好難傾
1個讚
都啱，可能我無經歷過呢啲所以唔會明佢哋，清官難審家庭事。
親生仔不如近身錢
佢應該好pound咁做
1個讚
我唔知佢proud唔proud。但有時啲傳統思想係咁，姐係唔知點解有錢個個兄弟姊妹就要照顧其他人，正常小小幫助無所謂，但總係有啲好似梅媽的神奇小子咁。