之前媽咪用緊紙尿褲，但噚晚入左院，
需要買成人紙尿片，想問下醫院個啲醫
療用品店買會唔會貴過藥房買好多？
有無咩牌子推介？
唔該晒
睇下你邊間醫院，醫院嗰啲都唔係佢哋本身，係外判比人用
唔該晒你.
頭先醫院打黎提我買尿片, 我都問過姑娘佢話買普通個啲就得,
佢話會四個鐘就會換一次, 如果換個時見無濕就唔換. 佢話係藥
房個啲買就得.
唔介意望下慢零
藥房唔會平啲咩？
但
唔使客氣咁你自己take care
有心…
我估醫院貴啲，去藥房買會平
得嘅買埋cream, 可以幫病人揸，唔使佢生尿疹
2個讚
如果只係一包半包，而又無時間去第二度買，醫院買一包用住先都ok，會貴少少，但唔過份嘅。
之後有時間同有需要，先去返藥房嗰啲買返老人家著開嘅牌子啦。
祝福樓主媽媽快出院。
通常出面藥房會平D
正常醫院係會貴D㗎
可以去藥房買，我爸爸以前中風成日要用尿片。葵芳3X元都有1包。忘了10定12條的。
如果買去醫院，每次買定2包都唔怕。記住喺袋面寫番屋企人名同房號、床號。
醫院買會貴少少，但唔使拎得辛苦。
睇你經濟能力，有錢就用靚片，Hartmann…德國做
添寧…馬來西亞做
abena abri …好似丹麥做
呢幾隻貴成倍但無咁焗，好過焗爛pat pat.
其他片多數強國做 
仲要買濕紙巾，我會推薦 medicom羊毛脂果隻。
2個讚
噚日已經係藥房買左~~
感謝祝福，有心！
我買左 3 包去，要寫名？？
買啲好質素啲乾爽啲
1個讚
想知藥房賣幾錢包 ？一包有幾多片？
一包係十條… 30+起…到 7/80+ 不定… 正如樓上有人都
提到大陸造既就平會焗身, 其他地方做既會貴啲但透氣…
咁都唔係好貴
我每次一定會寫名、房號同床號的。
只係安全D驚會俾人拎咗。
幾年前醫院職員都建議我哋寫的。
而且我以前做老人院嘅時候，都建議家屬寫名的。