返大陸既心態就係 便宜莫貪
有明碼實價既都仲放心, 無價錢都照入, 比人湯都無計
「估唔到事隔3年幾第一次去深圳，竟然遇上咁呃人嘅銷售手法！分享下畀大家，以免有下一個受害者。」該名人妻於facebook分享在北上消費中伏經歷，稱日前到深圳辦理銀行卡，完成後與丈夫到附近的「卓悅滙商場」逛街，期間突然有人搭訕，「問我是否想改變下自己髮型」。她本想直接拒絕，因2星期前才於香港染髮，但對方繼續推銷，稱只幫她設計髮型，不需進行染或電髮。
由於丈夫同行，人妻抱著一試無妨的心態答應前往髮型屋，「我諗住我老公都喺度，只係剪個頭髮應該都唔會貴得去邊？當洗個頭都好」。她指，該髮型屋位於商場內，進店時亦見到有其他顧客，因此漸漸放下戒心。坐下後職員表示會安排「髮型總監」與她商討，稱「總監」曾與不少明星合作，「我即刻問『幾錢先，貴我就唔整啦』，佢話『幾百蚊左右』，咁我都keep住追問係幾百，佢話一陣間髮型師會同我講」。
後來「髮型總監」現身向人妻講解頭髮問題，她聽罷即追問價錢，獲告知需要1,288元（約1,469港元），於是立即以「太貴」為由拒絕，但對方即時改口稱「佢話平時佢收¥3,888，今日當交朋友俾我試做價¥488」。沒想到洗頭後，髮型師只為她剪了髮尾，更稱若要修剪頭頂的頭髮，就要改收1,288元，令她大感愕然，「佢話佢收開¥3,888，所以呢¥488髮尾實屬正常，覺得我應該要用¥1,288再修個髮頂」。
人妻於是黑面拒絕，髮型師見狀便為她吹乾頭髮，但期間亦不斷推銷過萬元的會籍，「不斷推銷我買plan，話¥58,888、¥38,888、¥12,888，話開咗卡今次可以免費幫我，我話冇錢，佢不斷銷，我都企硬」。最終她僅付488元便離開髮型屋，但形容髮尾經修剪後「好似俾狗咬」，對效果非常不滿。
事後人妻將「被劏」的經歷公開，承認一時疏忽而被人有機可乘，「因為喺正規大商場，真係冇諗過，少咗警惕心」，直言「學到嘢，不過冇下次啦」，又呼籲網民注意，「原來好多大型商場都有，大家過去洗剪一定要小心」。
她又上網查看相關資料，發現類似的「劏客」手法已有多人中招，「噚晚都睇到小紅書，好多大商場都用有呢啲呃人推銷方式，目標係一個女仔自己行街」、「原來呢幾年已經好多呢啲呃人手法，只不過未開關香港少人知」，建議若遇上同類搭訕可一律拒應，「千祈唔好同佢講任何說話，即刻走」。
可能佢俾人呃都唔知
係喎