我地嚟緊將會移英，之前見人話book GP 難，就算book 到，都可能係一兩星期後，都分分鐘已好返，咁其實通常係去藥房配藥就自己醫好自己？ 咁自己會知要食咩藥咩？
？？一直都好疑惑⋯⋯
我呢啲媽媽緊張大師上身家嘛
係香港，d小朋友一病就睇醫生，好衰唔衰，我女由小到大好易病，需然通常都係傷風感冒、喉嚨發炎，但如果無醫生睇，真係會擔心自己唔識處理，想問下其實係點？
以下全是自己經驗：
我小朋友高燒40以上、痾嘔，更加唔好講幾聲咳、流鼻水呢d，醫生只會叫你飲水、休息、食多d 生果，老生常談，又真係work
返香港，小病唔睇醫生就愈嚟愈嚴重，可能空氣關係，唔識自己好咁，基本上佢無停過食藥，食到我都驚。試過睇兒科，講到明普通感冒藥都有負作用，心跳加速、成身汗，但食完又唔見佢好，仲擔心。
但我自己、身邊朋友遇到嘅GP 都幾pro，佢哋識睇發燒係上呼吸道感染、定流感或其他，如果嚴重會開抗生素。其實一般感冒藥係唔會令你好返，只會舒緩等你無咁辛苦。所以聽話飲水、休息、生果一樣令你快d 好。
如果小朋友身體唔好，試吓生活習慣增強抵抗力，好天時郁動多d，曬太陽，免費㗎，好好享受。係時候放低香港嗰套。
12個讚
英國主張靠自身抵抗力，所以好多時睇醫生都係叫你飲多D水休息多D。GP其實主要問題唔係話要排好耐先有得睇，主要問題係直頭無得睇，因為我哋香港人大病小病都要睇醫生，但呢邊係小病根本唔需要睇醫生 
呢邊GP有個系統叫e-consult，有唔舒服通常都係做咗e-consult先，跟住佢會有D建議，如果你都係想連絡醫護人員的話，佢哋通常1-2日內會搵你，可能電話診症，可能有得面見，視乎佢覺得你嘅嚴重/需要性。不過通常越細嘅小朋友都會越大機會有得見醫生。
呢邊所有藥局都會有專業藥劑師，基本上你可以同藥劑師傾，佢哋會比建議你。Touch wood病多幾次試到啱自己藥之後，其實一般傷風感冒發燒都係直接去超市/藥房自己買藥，藥劑師都唔使搵 
不過開頭都要物色下藥劑師同好藥房。我自己最近屋企嗰間同我女唔夾，反而去Boots幾好~ 有次阿女膝頭哥腫咗，搵完111同GP之後都係得個吉，最後自己去Boots搵藥劑師，佢即時幫我女睇個膝頭哥再建議咗藥膏同消炎藥比佢食。
另外我同朋友都覺得呢邊D藥嘅藥性係無香港咁強，所以入冬我會開始比我女食接木骨增強抵抗力，呢邊小病是福，每次靠自身抵抗力病好，抵抗力又會增強DD
4個讚
多謝你分享，我就係驚自己放唔低果種小朋友病既緊張；我自己病就好地地，打死都唔睇醫生咁，但小朋友一病，一兩日唔退，我第三日就會立刻帶佢睇醫生
其實我明知佢係傷風感冒only ……
其實我之前都試過去藥房買成藥比佢試（因為想實習定將來
），而最後係會好返既，但個過程就真係比較慢，就如大家講，香港醫生d 藥可能勁，㩒住左病徵，咁就覺得快啲好返咁，而如果自己買藥，見到佢一好得慢，就個心囉囉攣，成日好擔心 
希望我過到去唔好咁騰雞
多謝回覆呀～ 希望過到去可以有返多啲時間，同佢做多啲運動，段練體魄啦自從香港放寬可以唔戴罩之後，佢已經病咗三次了，但係佢自己係冇除口罩的
嚟到英國首先節奏、空氣會改善，唔會咁易病，香港濕氣重，好多病痛咁
小病先去藥房買paracetamol ，多休息，會不藥而癒
呢邊睇醫生難book,，但book到個過程會好愉快，醫生關心病人，你feel到佢唔趕時間，佢會比好多其他advice你，除咗比成千蚊嘅專科，我已經好耐冇喺香港試過咁
不過呢邊水嘅問題，濕疹會嚴重啲，我就關第二針事嚟到呢邊都未好，睇過兩次GP好返
3個讚
冇細路，但我睇過2次，約到即日醫生
1個讚
如果係普通傷風感冒，就算比你即日睇到醫生都唔會比藥你
去藥房介紹仲好
無試個因為小朋友病而睇GP.
有試過小朋友發燒發紫咳去急症，睇咗都無藥食，因為醫生話係cold，發紫係正常身體機制，自己休息飲水會好返。 醫生簡直覺得我無常識，想教我biology咁
絕對係
我屋企人又係好緊張一兩聲咳就要帶口罩食咳水嗰啲人
有次幫佢去boots買藥
藥劑師講明，基本上6歲以下一既唔建議食藥
架上話可以6歲以下食嘅除咗panadol之外，啲咳水呀之類其實只係syrup令你喉嚨舒服啲，一啲藥性都無
建議係飲水休息等佢自己好，一兩個星期都唔好再book GP
睇邊區, 我自己住個區。一早打電話去 、16 歲以下小孩子的話可以即日睇, 非常緊張佢地。大人方面、我老公又呵又嘔、要等1日才可睇、不過睇左都係冇藥、不過叫安心d .
朋友摸到胸有粒野、1 星期多便安排到照ultra sound
1個讚
我之前做帕氏薄膜，個staff提我如果摸到有異樣要即同GP講清楚，佢哋會排條快隊，兩星期內
我問本地人食乜好，佢話檸蜜
仲有一批飲烈酒
1個讚
hpv? 我都未約
1個讚
佢寄信嚟叫我去約做test
1個讚
我有收到，但未約
我哋本身係香港幫小朋友有配定d平安藥就出發，一到步小朋友就屙嘔，不過食完退燒藥就無嘢。前排佢隻眼發炎，有問過gp，佢叫我去pharmacy配藥，如果無先打另一個電話，咁藥劑師係配到比我哋，滴咗兩日都好返。但係之後就中耳炎，我覺得係嚴重嘅，咁就朝早打去約半個鐘後已經有得睇，有開抗生素，食完就好返。但係大人如果唔係d咩心臟，高血壓，糖尿呢d，傷風咳個d係唔會理你，靠pharmacy藥同自己好返。
喉嚨痛對我嚟講勁work
1個讚
呢個幾好，我有時飲維c沖片