見個個都話未出世就要排定
但我打電話去育嬰院問，職員話未出世無得報名，只可以留資料登記，唔當係排隊
要有出世紙先係正式排隊
依家搞到有啲不知所措添 
育嬰院係真係出世先可以排，仲要預起碼排1年，一位難求呀。我以前都諗住排，但最後都係搵保母湊
1個讚
間間機構唔同啩
我個陣陀緊5個月就遞表申請，到出世時補出世紙繼續排
我個間寫明懷孕足5個月可報名
1個讚
間間不同，有只d接受出左世，有d要預產期前5個月，有d只要係懷孕就排得
1個讚
我出世後排，而家個女2歲啦，都無聲氣，所以其實已經係保姆湊，就算而家育嬰院打俾我，都唔會轉啦，呢個歲數已經讀n了
3個讚
介唔介意問吓保姆大約幾錢？
社區保母，$20／小時
學樓上所講，間間唔同，我排個間預產期前5個月交表，然後生了之後補返出世紙比佢哋就可以。我好好彩，兩胎都排到。
1個讚
保良局同香港保護兒童會都係大緊肚就可以交表,我囡返緊
1個讚
社區保母係咪帶小朋友上佢屋企，放工接返咁架
你係咪有用開？你覺得好唔好？係咪低收入先可以用？
我之前都想搵育嬰園，不過聽到好多都要排好耐，有啲人都好好彩會排到，樓主唔好灰心打多幾個電話搵多幾間
我仔個半月開始用社區保母服務，用到返n班就冇用了。
每區有唔同嘅服務機構負責，我唔肯定係咪每區服務機構都一樣，我只接觸過深水埗區嘅深x軒，同油尖旺區嘅東華x院。
最開頭只係聯絡左東x三院。因為一打去就約我第2日去見社工填表，之後溝通一下需要湊嘅日子時間，社工當日下午已覆有保母湊（呢個可能要咁啱睇下有冇保母得），之後會約家訪，社工會同埋家長上保母屋企，做一個中間人，講下湊b嘅習慣，例如母乳？奶粉？暫時食幾多ml之類，同夾下邊日開始。當時保母已湊緊另外2位小女孩（我仔個半月，另外2位小女孩分別歲半同2歲，1個保母最多湊3個小朋友）。之後每次上去比保母湊，都要簽張紙，證明實際湊嘅時間（每月保母會交落東華x院），之後社工會我收錢）。另外每個月社工都會突擊上門“探”下保母，我覺得呢樣野幾好嘅，睇下係咪真係保母湊，門口聽落會唔會有咩打打鬧鬧之類。如是者湊左1年，個保母都因為自己d女畢業了，佢去出去搵ft job，唔再做社區保母，所以我要轉保母。
咁之後東華x院都有幫我搵，而同時間我都有搵深水埗區嘅x恩軒，呢下先最覺分別喺邊，因深水埗區只係比個保母資料你，你自己上去搵保母溝通，而果個保母原來每日都仲要落街湊自己個孫放學，即係會帶埋我仔落街（東華三院果邊講到明保母係唔可以離家同埋唔可以帶小朋友出街），所以深x軒嘅保母會帶小朋友落街呢，我唔係咁接受，同埋始終冇左社工呢個中間人，加上東華x院服務真係好好多，所以好彩最終東華三院都幫我再搵到保母，雖然相對遠左好多，不過社工做得足d，我都會放心d。所以第2個保母又湊左1年多d，直到返n班。
唔需要低入收都用得呢個服務，只係如果低收入，可以申請費用減免之類，我唔合資格，冇申請過，同埋費用本身都唔貴，當時係$20／小時，平過出面私人嘅好多好多了。
仲有，東華x院係有d課程比保母上，訓練保母，始終湊b方式都有可能變，例如早唔知幾多年係奶粉b多，而家係母乳b多，咩溫度整熱d奶？呢d保母要學，另外都有d gathering比保母，所以社工同保母之間都有溝通。其他機構有冇呢d活動我就唔知喇。
8個讚
嘩多謝你詳細分享
你講嘅地區都岩我
我了解下先
1個讚
多謝詳盡分享~
呢個論壇無咩會員介紹過點搵保母 
推一下
睇黎東華三院個服務真係幾好喎
(利申: 我都排過育嬰園, 我都覺得等好耐, 我女都排到差唔多一歲先有位 
)