自行上星期五已經出咗結果，唔知大家覺得滿唔滿意呢？
最後我幫阿女報咗兩間神校，Maryknoll 同 St. Mary’s，但都冇收到 offer (電話同 email 都冇)。嗰刻我真係覺得唔知點算好!
星期一我同阿女個班主任了解咗，原來聖家從來冇人入過 St. Mary’s，而入到 Maryknoll 嘅都係級頭。
咁依家係咪要等統一？如果甲部繼續填返Maryknoll 同 St. Mary’s，機會大唔大？乙部填 Maryknoll (九龍城區得9個位) 同 St. Mary’s (九龍城區得2個位)，最後用聖家書院 (直屬中學有85%學位留俾兩間小學)，咁嘅組合穩唔穩陣？
求回覆，多謝!
今年阿女嗰班同學有人自行入咗上智 (成績唔尖，但講英文好似 native speaker)、伊中 (級一)、跑馬地 St. Paul (之前插班生，成績全級十名內)、聖母玫瑰 (成績唔尖，但進步咗超級多) 同埋聖家 (成績唔錯，奧數攞晒獎，視藝超級好)。
隔離班好似都有級三入上智，亦有講英文好似 native speaker 嘅入咗德望。
報親 Maryknoll, St. Mary’s 同埋協恩，唔係 waiting 就係 reject 咗。級一報咗協恩、德望、銅鑼灣 St. Paul、Maryknoll 同埋伊中，最後都得伊中收咗。
今年啲神校連一線小學級一都唔收，咁到底咩人先入到呀？
1個讚
求大家回覆，幫助阿女入到好中學，有舒服嘅人生，多謝各位有熱心助人嘅精神!
1個讚
1: 直屬中學有85%學位留俾兩間小學-》只係係你放佢乙一的情況下才會抽直屬位、放乙二或以後不會的。
2: 放任何一間乙一都可以、唔關之前有冇人入過事。我識一個聖家上年入左maryknoll .
1個讚
3: st Mary’s 之前收過廣東道官小的級頭生（非級1-3）、收唔收不是只睇成績、仲睇面試等各方面既野. 及唔好忘記仲有三私一直及林文燦、真光等英小、名校勁喜歡收佢地·。
4: 朋友女聖家小、非級頭、非特別勁、今年自行入返書院。
5: 乙一放maryknoll 的話、乙二st Mary’s 入唔入到冇人知（因冇人知會有幾多人揀）、但九龍城足band 1 位、至差都係入女青、唔介意的話可搏盡、搵女青做安全線
1個讚
Thank you 明白晒
係咪即係話乙二放聖家冇機會？
知道，唔該晒!
今年阿女全級唔少人自行入咗書院，而好多人諗住三條一揀書院，唔收再去叩門。
之前家長會校長話統一乙部揀返聖家好大機會入，而往年 band 1, 2 都收晒，band 3 未必收。
直屬位79個分俾兩間小學，九龍塘呢間好多人去咗勁啲嘅中學，全校 band 1 佔大半，band 2 佔 30%，band 3 佔 20%。全級84人，自待走咗，得返64人，統一甲乙可能都有人走，往年都走唔少。
如係band 1, 乙二聖家有機、不過冇人100% 肯定。因區內不少band 1c-2a學生乙一會揀聖家。
1個讚
全級得84人？九龍城？
1個讚
要問自己滿唔滿足於中學部了。
策略
- 想搏就儘填，1. MCS/SMCC 2 聖家 3 然後丘記同培道包底。
1.2 再搏啲就儘填埋他區 Band 1，包括 協和、張永慶、QES、SR。 - 唔搏，滿足於聖家，收工。
- 填聖家，操 fit 自己支筆等 MCS 叩門。唔清楚 SMCC 叩門條件，21 年有叩門資訊。
1個讚
係呀，九龍塘呢邊得84人喳。
前幾年移民潮啲人走晒，依家得番84人。
阿女嗰班20人，隔離班分別係23人、19人同埋22人，但今年小一每班都係32人。
今年嗰屆兔年出生率好高，移晒民都仲剩80幾人。舊年嗰屆虎年出生率低啲，升學都易啲，師姐家長話全級得75人，平均18-19人一班，最差都包艇入晒聖家書院。
記得阿女升小一嗰時，競爭非常激烈，好彩自行入到41校網嘅小學，仲有埋直屬中學，升中冇咁大壓力。
聽朋友話名小走一個 fill 一個，冇空缺情況，好似 Maryknoll、Marymount、St. Mary’s 同埋 St. Paul’s Convent。
阿女想讀女校，可能因為佢小學嘅環境全部都係女仔。
如果乙二以下嘅組合，穩唔穩陣？
- St. Mary’s / Maryknoll
- 九真
- 聖家
- 培道
BTW 問多句，九真上咗位，由B2升B1，揀呢間笫二入到嘅機會大唔大？
仲有，St. Mary’s 同埋 Maryknoll 邊間先會好啲？
Thank you for your respond!
乙1 我覺得揀st Mary’s 定mcs 既機會率都差不多、揀最啱心水個間吧、一間讀書型、一間比較輕鬆但自律性要高的、看看喜歡什麼。
2 選聖家比較好、起碼有同學升上去
3: 九真
4 st Rose’s
5 培道- 打底、正常九真入不到、band 1 第三十先揀培道都入到。
1個讚
正常 Band 1 女仔揀聖家》九真，好少擺佢乙二。九真係真心谷。
我都認同上面講擺聖家乙二，聖家成績好過九真（暫時），而且多同學。
反而係考慮下到底係 SMCC 定係 MCS，自行面試後女女應該感受到自己同邊一間更加夾。
1個讚
Thank you very much!
之前聽咗 SRLC 講座，校長話間學校重視文科，往年 DSE 成績一般，入大學率大約六成，級頭入港大環球金融，冇人入醫科，最勁都只係入理大物理治療。
上 schooland 同 big exam 睇都係 b1c，全港排名90幾。有朋友囡囡舊年沙田區小學乙部 SRLC 填第九都入咗。
校長話唔好信網上話沙田得8個位、九龍城扣直屬後得6個位，好多時自行51個位都收唔晒 (間學校唔係好好，冇咩人報)，九龍城直屬位小學啲人唔係全部直升上去，仲剩返唔少位。佢強調如果確定囡囡係 b1 學生，乙部多數放第一至三都入。
如果囡囡最後入咗 SRLC，咁都冇辦法，可能叩門或者插班，否則我會考慮高中送佢去外國讀書。
Thank you!
咁如果乙部以下嘅組合，穩陣？
- SMCC (囡囡 in 完之後話啲老師好好人，校園好有愛，同依家小學嘅辦學理念差唔多)
- 聖家 (多數入)
- 九真 (搏下，唔知得唔得)
- 培道 (其他入唔到先算)
全部都唔收再叩 SRLC 或者聖家啦
知唔知培道到底係 band 幾？
Schooland 同 Big Exam 都話係 b1B
既然預左要搏，咁樣填都 OK。但前幾日話叩門位有變數：
Schooland 同 Big Exam 都唔準。例如：深水埗聖母玫瑰 1A，SMCC 1B，德雅 1B。咁你話，make 唔 make sense？兩個網站都係根據 3322 判斷 banding，更何況有啲學校都冇公佈 DSE 成績，點樣斷定 banding 都係一個謎。
培道 2022 年 DSE
3322 80%，表現接近嘅學校有：九真、東區 CC、SMCC、SJC。咁呢個只係基礎斷定，有好多學校 3322 低係衰中文，唔代表其他科能力低。
主科 4+ 53.7% (有 53.7% 同學主科有 4 或以上)，表現接近：觀瑪。
入讀三大率：15.8%，表現接近：陳兆民。入三大可以係三大醫科，亦可以係三大工程。
培道甚少公開選修科數據。根據公開數據，培道頂多係一間 1C 學校，注重文科同主科補底，選修科文科好啲，理科好麻麻。佢係一間有持續補底進步嘅學校。佢年年收好多 Band 1C-2 學生，做到呢個成績實屬不易。有啲學校收足曬 Band 1，都係勉強 1BC 水平。
3個讚
唔該晒你!
咁培道係英中定中中？校風好唔好？入大學率幾多？呢啲資訊上網都搵唔到呀。
另外，甲部如果填 SMCC、MCS 同埋 HTC，入到嘅機會大唔大？
聽聞深水埗區好多女仔都會喺甲乙填 HTC 同埋 OLRC，而油尖旺區好多女仔會揀 SMCC 同埋 TLGC，另九龍城區女仔就會填 MCS 同埋其他 B1A 男女校。
培道係中中吖！不過初中有三班英文班，而且都唔少科目都用英文教，只不過成績靚嘅選修科都係中文教…反正我係冇見過佢登 Phy Chem Bio 成績，通常勁人先揀呢三科嘛，冇奶油考得差。
佢自己網站有寫入大學率，2022年 本地學位 (可以包括私立嘅樹仁/都大/恆生) 44.2%。
冇人話到畀你聽大唔大機率。同小學個甲部一樣，二三填靚學校唔可能中。嗰啲根本唔會有位剩，只係搏下 impression mark。
油尖旺反而唔會首選 SMCC，大家都覺得位少，一擺就係 TL 或者伊中，咁就領到好多街坊小學入左去。
其實好多 Band 1 學校公海位少/他區少量位而收左 band 2，學校當然唔會同你講收左 band 2 啦，咪技術性咁講 “我地收曬全港性 band 1/本區派入嘅都係 band 1”。
我朋友做嗰間有他區借位幾個，佢話帳面睇，嗰區係完全唔夠 band 1 位，但年年開會都話有收 band 2，只不過部份係全港性嘅 band 1，得 1-2 個係實際 band 2。睇學生地址同小學，好明顯有啲係他區偷雞中獎。一睇全盤成績，冇一科係 band 1 成績。
2個讚