遲咗八日黎m，驗clearblue發現懷孕，即刻預約去港安醫院睇醫生，點知預約左都要等差唔多兩個鐘，想問產檢都係要第咁耐嗎？
我係諗住30週去英國生既，如果只係係香港做檢查，有冇話搵邊個醫生會唔洗等咁耐？
同埋醫生係幾時轉都得？我預約左港安過兩星期再檢查。
另外，我平時都無咩病痛，但有左之後就感冒，同覺得忽冷忽熱，熱個陣真係好熱，係咪正常既？醫生開咗收鼻水藥我都唔係好敢食，之前唔知道有左，食左粒幸福傷風素同幾粒喉糖。
應該係幾時轉都得嘅, 我睇開果個都等得耐架, 同埋通左關又有返堆人來打HVP針 
不過我諗有啲會快啲, 睇下有冇人介紹
醫生知你有左開嘅藥應該係安全嘅。呢啲未知有左之前食嘅就唔好諗啦, 可能有影響又可能冇, 呢啲成藥你跟份量食應該ok嘅
我有問過醫生, 佢寸我話, 要咁小心嘅話, 你備孕果陣要好似啲娘娘咁齋戒咁先叫做足 
哈哈，我都有俾我食過既藥俾醫生睇，佢只係叫我唔好再食，都無講咩。但我第一次咩都擔心。
咁最重要既檢查係咪只係照結構同T21?
係，每次產檢預約左都要等一個鐘以上。
T21強烈建議做，度頸皮準確度好低，照結構都要做，睇下bb d發育生長有冇問題。
我之前都係向港安做產檢，等一兩個鐘係正常
但因為我睇個醫生唔接生，所以轉左第二個醫生產檢+接生，去醫生診所睇，佢booking唔會book到好密，最多等15分鐘就有得睇
感冒可能係你懷孕身體起變化，啲病毒有機可乘
如果醫生開嘅藥係可以食，因為啲藥物係有分grade去睇適唔適合孕婦食，A grade食咗對胎兒冇乜影響，去到C已經唔適合孕婦食，醫生多數都只會開A,B grade嘅藥
但我懷孕果時就盡量都唔食藥
忽冷忽熱應該係妊娠反應，我兩胎開頭都會咁，大熱天額頭出晒汗，但個身又凍到打冷震咁，過一排就會正常返
1個讚
好好，我兩個都會做，只係諗緊總共要檢查幾多樣野，幾耐檢查一次。
介唔介意講係邊個醫生啊？唔該哂你。
希望我快啲正常返，好唔慣自己周身唔聚財個種感覺，一時又無胃口，有時又反胃，又忽冷忽熱。我本身都想忍住唔食藥，但後尾都忍唔住食左，希望快啲好。
幾密檢查一次可以問下醫生, 我果陣4-6星期一次, 30週後2星期一次, 足月就1 星期一次
其實無一定，睇每間診所安排，我去過啲booking同booking之間好密，不過醫生睇每個症係細心嘅，所以等勁耐，個醫生好好嘅話我就覺得值得等。亦都有朋友做過間診所，但個醫生鍾意特登等有5／6個先會開始叫人，務求做到好似好多人去咁。我自己去嗰間就算係準時（間中要等一至兩個），不過喺元朗未必個個方便。
我自己兩胎都有中途轉醫生，不過就要留意返可能有啲多人睇嘅醫生未必肯中途接新症。如果睇得好好地，就唔好成日轉嚟轉去了。
如果醫生知道你有咗而開俾你，咁應該安全嘅，最緊要跟足指示去食。
通常知道有咗，7w先會去婦科醫生照超聲波睇心跳
而家仲早，可以等吓先
你去出名嘅私家醫生，姑娘會同你做Booking
去到通常都係15分鐘有得睇
除非有時醫生忙先至會耐啲
我個醫生掛牌明德，養和，聖保祿
你有興趣可以PM我
我第一胎係佢睇同接生，第二胎就幫我睇到26w然後出個報告俾我喺UK 私家醫院生。
我第一胎係完全冇痛過，20分鐘順產生左，佢真係超勁，不過你預醫生費會貴啲。
醫生間診所向旺角區，你方唔方便？
同埋佢唔係出名醫生，係後生女醫生，可以pm我攞醫生資料
我個陣喺st Paul等成3-4個鐘，所以之後搵咗另一個本身睇開嘅
T21同結構、度頸皮，我都有做
我兩胎都係病到傻然後驗到，我都唔太敢食藥但有需要太辛苦會食，醫生開得係ok ge，你辛苦bb都會辛苦
私家產檢一樣 hit 嘅醫生就係有排等
我次次約晨早都要坐喺度瞓住等
咁相對個醫生唔係求其嗰啲
通常去平價又出名先等得耐，俾多少少錢，約平日早上，其實預約好時間，等1-2個人約20分鐘就睇得
我之前去石門彭醫生，通常20分鐘內就睇到
可能我新手咩都唔識，佢幫我照左超聲波，但解釋都有啲求其，同姑娘都有啲態度麻麻。我都廢事問佢咁多。個時我都等到呆左，有想問既都唔記得咗問。
我專登去搵私家醫院，唔係諗住平價，我打去個陣都唔知邊個醫生，只係問有冇得睇，佢就求其俾咗個醫生我，我以為好似普通睇醫生咁。我俾咗1300-1400照，我唔知咁係平定貴。
不過我後尾google，個醫生係有youtube接受訪問個啲，唔知咁係咪出名。
宜家佢話未照到心跳，所以未出懷孕証明，我係咪睇多次，之後再轉好啲呢。
唔係呀，隨時都可以轉醫生
最緊要搵個夾自己嘅醫生，懷孕証明就個個醫生都可以開，呢方面唔洗擔心
$1300-1400都算貴，我睇900蚊左右
之前睇過一個出名醫生，都係$1300-1400，等左2個幾鐘，我頂唔順，睇咗一次就轉第二個醫生
1個讚
護士我就唔理，我係睇醫生啫
有啲醫生係好理性
比較直接唔太顧對方感受
但唔代表佢唔專業
有時會覺得好過模棱兩可
人夾人，如果覺得唔啱早啲轉
太遲第二個未必肯收症
高錦安醫生千幾蚊我睇過
黃建生醫生五百蚊我睇過
照結構王紹宏醫生都四千
不論價錢全部受歡迎一樣要等
個醫生使唔使咁串?
個個有左都緊張驚食錯野架啦
何況係藥物
你宜家可以轉架啦
反正無乜野要搵佢先識 follow up
最快六週已有心跳 (俗稱"閃閃")