人在外地，計畫要小朋友，但未諗好邊度生。老公唔係香港人，對坐月之類完全冇概念。呢度冇任何親戚，到時要自己搞掂。如果番香港，起碼有得請陪月，有屋企人。但之後要搞番小朋友証件。大家覺得第一胎有幾大需要幫手？
有冇passport煩惱？
如果你先生對坐月冇概念，咁又有冇反對？
因為有聽過外國人對「坐月」覺得奇怪同唔體諒，真係難為
第一胎乜都唔識，緊係有幫手好過冇幫手
但你老公都係人啊，佢都可以幫手
佢對bb第日出世既參與性高唔高？
有啲男人真係完全唔理的
屋企人有冇話考慮過黎幫你幾個月？
陪月少少神化左，只係多個人幫忙姐
錢唔係問題當然冇所謂，但唔認為「一定要」
1個讚
好多外國人生完都係自己兩公婆搞掂，因為男人都有產假，所以佢哋都會幫手。香港男人得幾日，無人幫手媽媽真係會頂唔順，先需要陪月。
食嘢方面，我個人覺得正常飲食就得。
如果喺外國無長老嚟幫手，建議請人嚟清潔，咁你哋就輕鬆d
我見好多西人既老公都好肯湊BB，佢哋唔會話「幫老婆手湊BB」 (help out my wife) 而係覺得湊BB係爸爸責任咁
anyway 答番你個問題，外國都有陪月呀，你要搵返華人媽媽 group/ fb 之類周圍問吓有冇 contact
不過可能未必香港人 （例如我朋友搵到個台灣既嬸嬸做陪月，雖然食療上有D差異 不過佢話都好ok，佢主要要人幫佢照顧BB同煮飯等佢可以休息多D）
1個讚
會唔會叫屋企人過嚟幫手？
我朋友澳洲生都係屋企人過去住一排幫手湊，過咗頭果兩三個月，你身體好咗，bb又大個啲又介埋夜奶嘅話，自己一個都攪得掂
3個讚
第一胎係好需要幫手，因為咩都唔識，情緒上又好易波動，但如果可以，搵屋企人黎幫手好過返香港生，一來bb 細，生完搭飛機返去居住地無咁方便，二來係自己屋企會舒服啲
2個讚
如果返香港生, BB都可以有外國PASSPORT既, 咁返香港生.
如果PASSPORT係一個問題既, 咁我會考慮出錢叫可靠既親友飛黎你果邊住1個月照顧你同BB
如果老公唔係香港人… 唔會明幾需要休息, 亦都好睇老公有無心, 有無能力幫到手 (能力這回事…有時真係要講天份)
第1胎, 你自己咩都唔識, 又緊張個B… 其實你要明白, 休息先係最重要.
所以我會話, 需要幾大力既幫忙, 係… 90%! 果10%係自己好奇心用於嘗試自己照顧BB同學習照顧BB
我係一個緊張大師, 我生2個全部都係自己攪掂, 老公亦幫唔到我手 (無天份, 自己亦睇唔過眼)
我媽媽係100%幫我, 佢完全可以幫我24小時照顧BB, 煮飯比我食, 我亦100%對佢有信任…佢亦好希望比我有充份休息. 但我太緊張, 死命唔肯放手, 結果BB湊唔好, 自己休息唔夠, 連我媽媽都開聲話心痛我坐月個樣人唔似人… 但我死都要自己湊… 而家老來就知道坐月坐唔好既壞處~
所以, 小心考慮啊~
2個讚
BB出世後要適應天氣, 水源, 細菌各樣野. 如果返香港生,之後再返屋企, 會唔會bb要適應兩次?
同埋BB用品 e.g. bb床可能要買兩張?
打針, 檢查嗰d 喺香港做左, 返到屋企要去健康院入過晒d record. 香港同外國打針時間表未必一樣, 可能爭幾個月. 同埋打針種類可能唔同e.g. 3合1, 4合1, 5合1.
我黎緊生第二胎, 會留喺外地生, 有屋企人會飛過黎幫手2個月(主要幫手照顧大b同煲湯, 我同老公照顧細B). 我有朋友都係咁.
好似樓上講咁樣, 考慮下請當地華人陪月/請屋企人過黎幫手. 亦可以喺香港訂坐月湯包/滴雞精/沖涼薑包寄去屋企, 有d網店可以幫手寄埋.
題外話, 老公唔係香港人, 其實好多湊b習慣都唔同, 事前要傾好行香港嗰套/老公嗰套 e.g. 飲熱奶/凍奶, bb會唔會日日沖涼.
1個讚
証件應該問題不大。係呀，老公真係好唔明，佢覺得生完會唔沖涼洗頭好污糟、要即刻活動多啲先會快啲復原、佢會覺得我地平時煲既湯好奇怪etc。佢都好肯做，但要畫到好岀腸step1step2咁。到時又攰又煩仲有冇精力同佢逐樣逐樣慢慢講
四大長老都FT，請成個月長假可能有啲難。
其實我都會
生完成身汗，每次洗完頭先覺得自己似返個人。
1個讚
其實而家咁多香港人移民咗去外國生活，真係冇人做陪月咩？
如果我會移民，我走之前應該會讀個陪月課程，去到外國專幫香港人做陪月
而家都少咗生完唔沖涼洗頭
我果時阿媽用香茅+薑煲水比我沖，熱辣辣沖完好舒服，薑仲可以驅風
只要小心唔凍親可以照沖涼
係咪要郁多啲就視乎你點生，不過外國唔興開刀，如果順產都建議生完要做啲產後運動，唔可以完全唔郁
至於煲湯呢，我唔係好受補，所以坐月都唔係日日有湯水飲，有都係啲清淡湯
炒米茶就日日都有飲，炒米茶好易整，你可以一次炒定幾日米，之後每日攞嚟焗水就得
1個讚
睇大家分享，原來仲有好多好多好多細節野要考慮
香港訂嘢黎都係個好方法，減輕啲啲。
可能住得偏遠，頭先求其Google 見得一個內地網有月嫂，講黎講去仲係同一個人睇黎陪月真係有得做呀。
其實好吾明陪月概念從那時開始變成必須。因我生嘅年代都無，（仔巳讀大學）係媽得閒叫煮少少咩雞飯，有少少薑醋食下，亦吾見得好認要食咩，我都自己同小朋友沖涼。只是自己有時日間想休息才叫人幫下手。吾見得有咩後遺症之類。所以吾洗驚，亦吾洗睇少自己，好多野煮到嚟，自然搞得掂
1個讚
只要用熱水沖涼，洗完頭即吹乾，根本唔會有事。其實產後乜乜乜，各處鄉村各處例，我哋覺得要做咩先得，其他地方人都不以為言，所以只要平常咁保溫保暖，搞掂自己，搞掂個B,根本個啲所謂產後乜乜要做，可以不理。吾洗太擔心。
2個讚
現代陪月都贊成沖涼洗頭，
只需要確保房間溫暖，洗完即刻吹頭唔好凍親就得。
台灣有間陪月公司搞網上課程，
可以自己讀攞啲概念又得，又或者contact佢地睇下你個區有冇佢哋嘅connections。
唔一定呢間，只係咁啱我之前讀左覺得佢師資ok。
如果你當地都有香港人/華人朋友，
不妨問吓有冇人識陪月。
我見我呢度有啲陪月肯跨省去番工，
顧主出住宿同包三餐。
請到個夾嘅陪月都真係好，
起碼可以休息下，養番好個身子。
返香港生/ 搵屋企人飛過去幫手
第一胎真係要多d人幫手 。
唔理咩人都好總之要有人。
我覺得陪月係一個好成功既商業產品，我以前產前產後都有睇中醫，醫師話以前啲人無熱水冲涼先唔沖，今時今日有熱水，只要沖完吹乾頭唔好冷親就ok. 至於食，以前啲人無營養先要特別食好啲，今時今日正常飲食已經夠，過補會肥，我無特別食只係電飯㷛加紅朿木耳蒸雞焗飯已經攪掂，夠奶同時亦瘦得好快。
餵人奶連樽都唔駛用，餵前清潔好自己就餵，我無請陪月，老公幫手自己攪掂。係返工前儲奶先用樽。
第一胎緊張啲，第二胎已經好輕鬆。
我有親人係做陪月，對於佢既理論我一直覺得係Gimmicks 多過實用，佢唔收我錢同我坐我都拒絕左，自己輕輕鬆鬆仲自在。
1個讚
陪月呀，咩wedding planner呀都係商業產品，亦都造就不少新工種。由求婚搞咩包場大龍鳳，映婚紗相要去外地，婚禮要去酒店，要請wedding planner，婚宴又要買堆無謂回禮，生仔要請陪月…… 所以先越嚟越多人結完婚就一窮二白，因一大堆要洗好多錢嘅理由。
好彩我早20年結婚生仔。否則肯定好難儲錢。
1個讚
該主題在最後一個回覆創建後180天后自動關閉。不再允許新的回覆。