其實sen係唔係無論能力如何（尤其adhd）都係注定左無辦法讀到地區/傳統小學名校（中學就聽過唔少讀到band1，但小學就好少見）？真係幾乎無個讀到嘅例子嗎？
大抽獎有機會抽中，但明知小朋友有sen/adhd 都谷入名校，究竟為乜？
1個讚
適合就可以，否則大家辛苦、開心的童年好重要
6個讚
我有 ADHD, 小學讀真光, 中學讀培正. 但係真係唔適合, F2 未畢業已經差唔多俾人踢出校. 我阿媽要提早移民.
我去咗加拿大之後先至發覺嗰邊嘅教育適合我好多.
11個讚
名校未必一定間間都谷嘅，反而聽聞有D二線/band2學校為上位仲更加谷
地區/傳統小學名校大部分課程都深半級，學校未必勁谷小朋友，但課程深，小朋友同家長一定讀得吃力⋯⋯
ADHD 有冇training, 家長係咪Supportive已經差好遠
2個讚
未必一定絕對，ADHD都有讀到band1中學嘅例子，小學就唔知
全港咁多小學，有都唔奇，只係你唔知啫
仲有啲case係有adhd symptoms 但冇做評估冇確診嘅呢，可能一樣照入到名校架
1個讚
入到一回事
可否畢業係一回事
可否愉快又順利地係名校畢業又係另一回事
其實資優都算sen, 都可能有adhd底架
8個讚
我都知世事無絕對，一定有例外。如果小朋友有ADHA或者SEN 就唔好強求入名校，大抽獎入到父母當然覺得好，但對小朋友黎講係唔係好就太多未知之數，其實小朋友健康快樂成長都好重要
三思，強行讀名校會嚴重打擊自信，否定自己的能力。
3個讚
香港大部分地區及傳統小學學位係抽入或家長係舊生/哥姐係在讀生而入，點會無？
你條問題係咪想問讀得開唔開心或能夠順利畢業多啲？
yes，主要就係問讀得開唔開心同順唔順利？
咁你要先了解間學校對sen 既support 夠唔夠
名校有d 唔太願意收sen, 有d 願意收資優sen, 有d以關愛作主打，比較岩sen讀。
你做好功課，就自然答到你既問題。
3個讚
小學既聽番黎都係唔開心多，小學雞會覺得佢地曳唔鐘意一齊玩，有d 冇乜愛心既老師會覺得阻住課堂進度本身已經趕課程趕到暈，我甚至聽過有小學家長唔想佢地坐自己仔女旁邊。
但中學反而ok好多，名校中學生個個chur公開試，而且人大左成熟左識尊重d, 我以前中學都有同學sen/adhd, 佢地成績好，同學唔識都會走去請教佢地。
2個讚
好老實，即使關愛學校都係睇個別老師
因為學校以關愛為名，一定吸引到唔少同類處境學生，結果老師未必負荷到
反而傳統男校有聽過讀得開心嘅例子
1個讚
唔係，我教 Band 1 中學（唔講邊區），9 成 SEN 學生小學都係讀名小，包括係資優、身體障礙、情緒、自閉。一級頂多10% 確診而且非輕微，輕微嘅都好多但我地當佢地普通人處理。有部份仲係自行收左（學校系統有寫，同埋唔少係跨區學校）
SEN 大部份都容易教，衰啲講句，因為係自己衰自己問題，家長同埋個仔女都知道要讀書同埋守規。佢地好少考包尾。加上我地教書都知的確唔係佢地想咁樣，所以包容都大啲。只要佢地唔打人唔暴走就得。
反而係冇事冇幹但死蛇爛鱔嘅正常人先最扯火。
7個讚
同意~我本人唔係SEN, 但中五前有幸入讀所謂名校, 感覺風氣都好勢利同現實。自問唔係有名次果班學生, 學校對於非精英班的確係全無催谷, 係連會考past paper 都係考mock 前一個月先俾我地做。同學一係研究補習社補邊個名師, 一係追星。我家貧無咩錢去補習, 亦都無追開星。完全無幾多個同學係吹到水, 對學校亦無咩歸屬感。
預科轉左去另一間屋村學校讀書, 呢間只係普通學校, d 同學反而更有自發性會約埋一齊溫書。入到去仲有幸成為考到名次果班, 個人有番自信, 最後都入到大學
純粹睇標題, 樓主其實係咪想網友鼓勵佢SEN 一樣可以響名校讀得上? 或者希望網友介紹邊間名校係特別願意收留SEN? 可唔可以講多少少?
3個讚
主要係想知有冇咩小學名校係特別願意收留SEN（支援）?聽過唔少band1中學都有sen讀到既例子，所以想研究埋小學（真係冇咩點聽過有家長分享sen小朋友讀小學名校嘅例子）。