大家好!我自己本身係97年前出世，我正打算申請BNO續期，我老公都有BNO，我地有一個7歲的兒子。老公在香港工作穩定，英語能力很差，所以他不肯去英國。
我打算過多幾年，我做申請人自己一個帶阿仔去英國定居，5+1入藉，老公一直自己一個留O係香港，請問有冇人知咁樣可行嗎?我同仔仔入到藉嗎?
我見網上好多討論的都係兩公婆前後腳咁去英國，但我個CASE係老公根本唔去。
唔想依家即刻過去英國，想幾年後先去，因為唔想阿仔的童年入面有爸爸同住的日子只有7年咁少，想比多幾年時間佢先。阿仔大個D先去，我地可以多互相照顧，而唔係淨係我照顧佢。
唔想搞到最後要離婚，因為手續麻煩好多，又要捨棄好多野。
單為細路越早走越好，但事實要考慮好多嘢，單你哋兩個走也有風險，試下同仔過去，半年回港一次，一年後再檢討情況，或等幾年一齊過去（難啲），最差係離婚，佢如再婚都很難再理遠在他方的你倆，提供到金錢資助都算好
請問知唔知呢個方法我同仔仔入唔入到藉?謝謝
有好多人做緊
相信係可以的
你應該冇問題，但呀仔可能要等到18歲先入到藉
幾年後唔知仲有無5+1
呢個都聽唔少, 太空人家庭好難維繫感情
小朋友要兩個家長都入藉佢先可以入到藉，一係一直續visa直到18歲佢先可以自己申請入藉
過到嚟經濟仲要唔要依賴老公？未離婚，唔係sole custody，可能會kick住係child safeguarding issue
幾年後先走，幾年後先問，因為幾年後唔知仲有冇5+1，同埋就算仲有5+1都唔知到時個要求係點。
如果以而家計，小朋友未夠18歲，要父母入籍，小朋友先可以入籍，否則一直續visa直到小朋友18歲可以自己入籍。
我認為係可以入籍，但早啲起行比較好
一齊過去，你搵工，老公照顧小朋友。咁樣睇下得唔得？
要走就盡快啦
其實咁同離婚有咩分別？
英國唔支持一家人太空人
認為要齊齊整整
「太空人」應該你入唔到
小朋友就靠自己18歲後申請
見有幾個家庭係老婆帶仔女過嚟，老公留係香港
我都好好奇如果以family去申請bno visa, 老公唔過嚟乜都可以入藉咩？
如果以個人去申請，帶仔女離開係咪需要配偶同意書？
我都唔明、老公堅持唔去、一係唔去一係就放棄婚姻
其實外人根本不用為太空人擔心
做得太空人，大部分已對另一半嘅存在可有可無，只係為左仔女唔離婚而已。所以太空人同離婚，根本就係雞與雞蛋嘅關係；並不一定係因太空人而離婚，可能係想離婚又未離住，咪索性做太空人，少啲見面仲好
見有啲媽媽話做太空人做得好開心，有錢洗佢又唔洗返工又無老公管住晒
係喎，老公嚟探佢地，仲話想老公快啲走，嫌佢好煩管住晒
可能本身關係都麻麻，bno visa離開做太空人只係順水推舟
其實d老公有時係幾煩，但有時粗重野、雜工、揸車又需要佢哋