有個朋友想報護士課程，但佢學歷差少少，要求要有DSE唔知幾多科有幾多星星or 同等學歷
因為我另外有個朋友係讀毅進再駁護士課程，毅進讀年幾就攞到證書，而且考校內試會易啲合格，所以我都提議佢讀毅進，會比考DSE快同容易
但佢好反感，因為咩原因就心照啦，佢話寧願花幾年時間重讀DSE，都唔會讀毅進
比著大家會點揀？快+容易啲嘅毅進 or 花幾年時間考DSE？
我都有類似感覺
上個月財政預算案好似話之後冇左毅進，變左另一個課程？
讀完再轉出去冇問題喎
2個讚
認真, 假如 DSE Bio 都考不好, 如何讀護士課程?
趁仍有夜中學, 讀好英文和Bio 仲好啦
2個讚
下~ 又為左果班人變呀?
係22222, 5科2級, 唔駛星
1個讚
係咪即係換湯不換藥，改過個好聽啲嘅名
同意, 基礎打得唔好, 上唔到去…香港醫院嘅資深護士真係半個醫生嚟架, 醫護都唔易做, 如果基本Bio / 英文都唔好, 提議好好讀個護理員課程, 再慢慢進修, 讀正統護士學校先係正路… 樓主, 朋友讀毅進再駁護士課程(係EN / RN), 兩者前途同收入都有好大分別…
偽進…
同意先打好基礎
否則就算入到護士學校讀EN, 跟唔上進度都會比人踢出嚟
1個讚
做醫管局唔係一樣咩？ 睇職位跳point
讀DSE再讀護士課程人工會高啲？
1. 兩者收入有一定差距，工作性質有何不同？
登記護士EN起薪約$1.5萬至$2.2萬，而註冊護士RN起薪約$2.5萬至$3.3萬，不過，註冊護士要學習的知識較多，修讀時間也較長。如果在醫院內工作，其實兩者的工作內容非常相似，分別在於一般註冊護士（RN）可以獨立工作，單獨處理各醫護程序；而登記護士（EN）則必須在註冊護士的監督下才能執行工作，如處理危險藥物、血液檢驗、靜脈輸入等。不過，千萬不要把登記護士當成註冊護士的下屬，兩者只是工作上的伙伴，有些登記護士的工作經驗比註冊護士更多，資歷較深。
另外，部分註冊護士也會選擇在院舍工作，為長者或殘障人士服務，薪金有機會比在醫院管理局工作高。
考DSE 夠分入讀大學護士課程就係Degree… 畢到業攞埋牌就係RN
讀Nursing 要讀病理, 英文同Bio 唔好真係好難讀上去…
有中文中學學生考夠DSE 入nursing, 都要保底讀返晒D英文呀…
你講緊EN同RN，咁好大分別
不過朋友個case佢唔會DSE再讀RN，因為RN要讀4-5年full time太長時間
佢係中年轉職，所以想讀咗EN做住護士先，之後先進修RN
同埋做緊醫管局如果進修RN有得資助，唔洗自己比晒錢
我淨係稔到毅進仔（sorry 都係咁話）， 另外，醫護前途會點？睇到將來會大批落哂嚟做，好多嘢會改嚟就哂佢哋
好明顯我朋友都係咁諗先唔想讀毅進
朋友唔係淨係諗香港前途，佢考慮埋第時有機會移民嘅話，做醫護人員都叫有一技旁身
而家有啲護士課程已經轉做教中文，係咪就係準備比果批人嚟到易啲上手呢
我copy 左3段比較重點既出黎，佢係咁講，大家點諗就唔知了
新一份《施政報告》提及下學年起推出「應用教育文憑課程」，自資高等教育聯盟今（9日）公布內容，指課程設中英數3科必修科，5科補充或選修科目，完成課程相當於中學文憑試（DSE）5科2級的資歷，對象是中六離校生及滿21歲的香港居民，下月5日起接受報名。課程總監黃志堅表示，本港產業多元化，希望課程為學員提供更多出路。
政府10年前批出10億元推毅進文憑課程，撥款用至今學年。被問到推出DAE課程，是否因毅進學員被污名化為「毅進仔」，DAE課程總監黃志堅稱，新課程絕不是「毅進2.0」，是全新課程，理念為培育未來時代的人才。
另外，DAE課程同時要求所有學員參與10小時或以上全方位學習活動，例如大灣區考察、基本法或國安法問答比賽、博物館參觀、運動比賽等。一般情況下，全日制學員可一年修畢整個課程。
Omg，唔係毅進仔啦，而家係大灣仔