佢想去外國（英國），唔想再留香港，至少依家唔想
我唔係唔想去外國，係冇信心
我地有舊錢（唔好話已經好過好多人，其實一樣咁憂心，人地經濟差過我唔會令我唔擔心）
舊錢拿去租屋（唔會買）、交水電煤、council tax、交學費（私校）校車費、買車、交通費、食物之類
其實每個月猛猛緊
加上我老公有焦慮症
我怕英國搵唔到好醫生睇加上成日陰天落雨又凍會搞差個病
好多顧慮
好冇信心一家人去英國會係一件幸福既事
其實我都唔知出post做乜
唔係要大家幫我解決，其實最後都係我地一家自己解決
只係想同人講下
3個讚
咁你覺得喺香港幸唔幸福？
移民定留港都有得有失、有利有弊，你哋無共同決定，唔會鼓勵你點行。
兩公婆傾好、決定咗，先再分享俾你，加油！
3個讚
咁唔講政治層面
只係每一日至少我搞得掂又習慣
冇咁大壓力
我好唔容易自己情緒先由三年前連車都坐唔到、響公園突然心跳好驚，到依家叫算好返
你都有焦慮症？
小朋友幾大？租貴唔貴？打算之後揾工定點？
傾吓啦，就算解決唔到都呻下
我冇睇醫生所以冇確診
但我應該係有
兩三年慢慢好啲，依家好左好多
不如同專業人士傾下，解決咗個問題，或者睇嘢、討論嘅方向都唔同。
你老公知唔知你擔心你同佢嘅病？佢點睇？
外國生活節奏慢d， 地方大，相對人口密度低，可能會對病情有幫助？
或者去當地視察下環境，睇下會否令你信心大d/令老公減低移民意欲？
上網睇d有長期病患嘅人過到去都話醫療支援幾好。
2個讚
英國南部冬天天氣比其他好. 如果樓主覺得依家生活滿足，其實唔需要為走而走。
1個讚
當去個旅行體驗下先都好
2個讚
比多少少資料例如小朋友幾大，焦慮症如何等等
講真既 住香港 又不太缺錢 如你都已有焦慮症或大壓力
聽落你唔太適宜移民 住落左唔敢講 但頭果一兩年一定好難挨 好多嘢都會幾急&不如意(尤其是搞小朋友D嘢時)
咁既情況 你老公需要有極高既正能量先得 但聽落 搞移民時 佢最簡單 要handle埋你既感受&情緒都應該唔可以(佢自己都有焦慮)
… 咁就不要免強移民了
(你既焦慮或壓力係黎自2019既又另計)
(你既焦慮可能係因為發生過大事件 但你無講 我就唔知了)
8個讚
呢個係我個情況，所以我走，整體係好有改善嘅
但如果係其他原因就要先搵焦慮來源
1個讚
你list下擔心乜嘢，同埋點拆解，或者有乜能力拆解
英國天氣、交通、食物、工作，你要預有一定落差，睇吓有冇信心適應，我識有d人嚟到住得好唔開心，唔適應，想回流
1個讚
唉 有能力真係早走早著最無錯
呢一兩日 又醫療事故打錯針 又器官咩想互通 又羊村被判 仲衰到公厠旁集體立食杯麵都做得出又影響民生市容(雖然都所餘無幾) … 真係無眼睇
7個讚
佢有無講點解咁迫切想走? 因為政治定乜野?
同埋有無plan 到時可以過到去想搵乜野工?
give you a hug first!
1個讚
其實你地係咁諗嘅話啲野已經易左好多
你地係唔想留係香港, 唔係一定要移民
BNO visa只係個可以工作, 返學嘅visa姐, 你暫時目標唔係入籍嘅話, 你地就可以就走就走
冇移民做目標就唔會有回流呢個概念, 唔洗下下諗係捱住過
心病好返啲嘅咪返香港囉, 住落開心嘅咪留低囉
你當自己真係實行緊"我想離開下呢個世界"呢個諗法啦