小朋友係上堂時, 被班主任叫出嚟, 話佢寫某個字唔清楚, 小朋友答"知道", 突然班主任好大聲你小朋友耳邊話"我問你聽唔聽到呀!“, 小朋友被此突如其來嘅大喝嚇親, 即刻喊住答"聽到”
根據小朋友講, 係舊年聖誕節, 其他同學拎左屋企人整嘅食物, 返嚟學校開party, 呢個班主任無啦啦同佢地講"因為你地唔乖, 今日無得開聖誕聯歡會, 全部人同我溫書!" 結果全班同學都十分之唔開心.
小朋友亦有講, 呢個班主任好鍾意叫某個女同學做"阿姐" (我覺得勁冇禮貌), 有男同學試過被佢鬧到出聲, 話"我會叫爸爸告你" (但最後佢爸爸冇做任何嘢). 個班主任就成日借故同佢地全班講"我知道你地唔鍾意我呀, 不過咁又點呀, 你地都最後一年" (小朋友小六)
我應該同學校反映呢個班主任好差嗎? 我可以點處理? 謝謝
無得開聖誕party果度唔係好信，老師咁做，作為家長一定會同學校投訴喇。老師係學校既態度，行為，你估學校唔知咩？如果佢對我仔女態度差，語氣差，我會搵班主任問下，究竟發生什麼事，大家傾左先，唔洗下下都投訴既，再講，衰啲講，投訴又如何？老師玩野，寫衰成績表，又係搵自己笨。
或者婉轉啲反映下？
小朋友小六自行有著落未?
如果事情係真，一定會同學校反映
依家好多人有情緒病，老師都唔例外，要學校注意下該老師
我有班主任嘅whatsapp, 我都明白, 如果直接同佢講, 我小朋友之後係學校會好慘, 小朋友自己都知道
睇完"黑暗榮耀"更有感. 就算小朋友就嚟畢業, 都唔想有其他小朋友受害
諗緊經咩途徑去做呢件事, 但又知如果比個班主任知道左, 小朋友嘅校園生活會好慘淡
我明白如果依家同學校反映怕小朋友在校會受不公平對待
會等小朋友搞好哂中學事情，再同學校反映
我唔知學校會點處理，因為依家D學校都唔似係辦教育，處理問題手法太不理解
首先要知道班主任係學校嘅地位，有無勢力處理方法好唔同。
會唔會忍到出成績先講，驚佢針對你小朋友
叫小朋友有咩事照出聲，邊一日鬧邊個講左乜，過分嘅你全部寫低哂先
然後出成績再搵老師傾左先，佢態度傲慢咪搵校長講
可以先問吓其他家長佢哋嘅小朋友有無類似投訴，尤其聖誕PARTY事件。
同學校反映老師問題，學校未必會處理，加上依家老師流失率高，就算學校有心做嘢都未必即時能夠迅速處理。反映問題係比學校知道家長經常同小朋友溝通，清楚知道及留意老師對學生的態度。
佢班主任, 試過有一年見家長, 佢遲到, 仲要叫我比10分鐘佢食埋個早餐. 我當時都係要返工, 同上司講要遲少少返公司, 真係冇諗過佢會咁同我講. 舊年見家長, 佢又唔準時, 仲遲左半個鐘, 好彩果日我請左half day. 但係佢一句"唔好意思"都冇講.
見家長時就話, 其實佢地老師好忙, 問我有冇同小朋友溝通. 佢話小朋友好差(但學校社工同另一d科目老師話小朋友表現幾平均) 問佢邊度差, 需要改進, 就發脾氣好倔咁話, 佢最多去到band 3A學校, 總之次次見完家長, 我血壓標升
有無問過其他家長有同一情況先
呈分試攪掂未? 直資私校有 offer 未? 你要先收集證據，有片有錄音，Once 你上哂岸就同佢玩大佢。
明顯佢人格有問題，情緒有問題，EQ 低，根本唔啱做教師，但人手唔夠，呢啲人先有機會做，害人害物，你就咁去搵校長，唔夠㗎！校長請唔到人，呢啲垃圾一樣仲長做長有，要玩到好大，令佢覺得揚咗出嚟會影響收生，咁先會迫到佢交人頭出來。
我會問下其他家長有冇遇過啲咩事，睇下佢係特別針對自己小朋友，定堅係佢份人衰對個個都係咁。
如果都多同學遇到不禮貌對待，唔知可唔可以寫匿名投訴俾學校呢
不過都就嚟畢業，可能學校都係冷處理多…
唯由叫小朋友做好自己，將來出社會大把意啲人。
我啱啱係群組問左, 暫時d家長答班主任惡d好, 要惡d學生先聽教. 一係就話個班主任好好
我諗最後都係得我面對呢件事.
咁唔洗理其他人
仲有3.5個月，我會忍埋佢。呢段期間收集証據
到7月時寫投訴封信俾校長校監，一野爆大佢。
我諗都係要低調處理了，除非你搵到幾個同你女有相同情況既同學and想面對既家長
老實，真係好唔公平！我講出叫你「忍下」其實心裏都非常討厭
但可惜現實中我哋就係要咁樣處理
就快4月，仲有3個月多就完結呢個學年
唯有多啲關心小朋友心情，教佢點樣處理呢啲心情
擺明恰成績一般嘅小朋友
你如果想搵同黨嘅，問下阿仔邊個俾班主任惡言相向過，再私底下pm個啲家長啦。
家長谷咁多人，唔會有人講真話架
有一位家長pm我, 話個班主任都對佢個小朋友好Mean.
我唔會拉呢位家長落水, 但我會學大家講, 忍埋最後一次考試完左先, 要諗吓直接同班主任講, 定同校長講(雖然我都認同, 而家教育界流失量咁高, 就算個班主任係差, 校長都唔會對佢點)
仲有幾個月，忍埋佢，分分鐘投訴完仲俾個老師針對咪仲衰