今日搭車見到佢哋同汽車一樣佔用咗一條行車線，
令我想起細個嗰陣搭親戚私家車遇到一次掃興嘅事（算係交通意外），當時架私家車剛剛停咗向瑪麗醫院燈位，突然間左邊有架單車失控（失去平衡）由後面撞埋去左面鏡度，成個鏡俾個車手撞/壓爛咗，事發後我聽到個單車手好似講咗句sorry, 跟住交通燈（仍然係紅色）都未轉就踩咗落去沙村道，我親戚當時真係眼光光望住佢走。
應該要賠償架喎，撞爛塊鏡
其實我覺得有啲單車係有心踩喺繁忙既馬路
喺英國有啲行人路係俾單車行，方便啲學生踩單車返學，而馬路亦好繁忙，偏偏有啲人係要踩喺馬路慢慢行
2個讚
單車使用人士 (行人too）係需要守道路使用者交通規則，違例一樣可以被抄牌被控告！
我去年剛學車，睇過藍色小冊子，真係覺得呢本書應該被列入教科書嘅其中一本！
1個讚
其實有好多灰色地帶，如果冇相關措施同方法（例如行使馬路上嘅單車車身，車手嘅衣服同頭盔都要有車牌號碼）的話跟本好難規管，
見過唔少單車手都冇跟交通燈指示踩單車，（如果係汽車，你係可以抄抵車牌打去1823投訴，甚至將車cam 片段交俾執法部門跟進）但係依家單車就完全冇記認。
係呀，依家出街真係要小心，有d就係行人路行得好快，有d就逆線行車，試過兩次係單程路差d俾逆線既單車撞到，所以依家所有馬路我都會望晒兩邊先過
其實如果所有人都自律，根本唔需要立例，將d野簡單複雜化
2個讚
啲單車成日都大地任佢街
2個讚
咪係~見過有d 單車本身行馬路, 到馬路轉紅燈就剷上行人路
3個讚
呢D情況 追唔到就當蝕左 就唯有當遇到賊佬
咁諗應該會快D無咁嬲卦 
立例唔難 無人執法先難
2個讚
條行人路濶既都可能唔鬼理佢廢事同佢嘈
條路窄既一定唔會讓佢 落車推啦喂
2個讚
我之前試過差少少俾單車撞， 落小巴時有架單車係馬路與行人路之間衝埋黎， 跟本睇吾到， 幸好佢停到， 全架小巴嚇到死， 我直情當場呆左
2個讚
該主題在最後一個回覆創建後180天后自動關閉。不再允許新的回覆。