大家好，我最近寫咗一篇新詩，打算同大家分享，請多多指教
。edit: 感謝大家意見，已作少許改動！
《流星的聯想》
把兒時的願望放進心頭的寶箱
我捧著它跳出月亮的圓窗
在充滿可能的夏夜裡
回到故鄉
輕輕的我躺在柔軟的綠地毯
熟悉的涼風
依舊親切地問好
但今夜瑩火蟲瞪大了
一閃一閃的眼睛
似乎在等待著一個
奇妙的夢
奇妙的夢？
我戴上了幻想的雙翅
好奇地向螢火蟲飛去
在夏蟲隱約的歌中
和她們仰望那神秘的夜空
漆黑的銀河
突然
裂開了一條縫
原來妳
正從天庭上降臨！
妳穿著被燃燒的白裙
捧著人們無數的心願
在生命的最後
忍受痛苦
揮動五彩斑斕的魔術棒
把願望一個一個
實現
我迅速打開心頭
裝滿願望的寶箱
可是當我
一轉頭
一眨眼
黑布便成空
這是否一場夢？
遠處聽見
恆星對妳的嘲笑：
實現願望有什麼用？
也察覺到
北斗星對妳的不屑：
傻的才會承受這苦痛！
我和螢火蟲
默默對望著，對望著
在對望中互相露出了
溫柔的微笑
儘管我還沒來得及許願
但妳已裝飾了
我夏夜的夢
此時我再抬頭
又瞥見了
另一位和你一樣的小仙女……
這次我不再打開
那滿是貪念慾望的寶箱
反而閉上眼睛誠心許願：
我願是一顆流星
哪怕只有一刻光明
只要我的存在
能為人間帶來美好！
（P.S. 詩題冇得改，係功課要求)
一位初中生上
7個讚
「螢」字寫錯左呀
兩句既"你"/ "妳"同指流星係咪? 會唔會統一用女字邊?
sorry 我無咩文學修養, 慧根亦有限, 但感覺到有d 意境: 有一晚只有你本人、螢火蟲同夏蟲響度, 突然出現流星劃破左漆黑既夜空。 
3個讚
感謝你嘅提點同讚賞
！
係呀，「螢」字同「妳」字打錯咗，無察覺到添
其實呢首詩嘅主旨/立意就係咁嘅：
通過記一次喺故鄉觀看流星嘅經過，以流星象徵喺短暫生命入面為社會犧牲同貢獻嘅人，並抒發對佢哋嘅讚美之情
3個讚
我覺得你好叻
不過我都冇乜文學修養同唔太識睇新詩
舊詩好似好短，好押韻，幾句就完。
新詩係米要求要咁長？
1個讚
過獎了，其實我覺得寫得一般，仍有好多進步空間
舊詩（特別係近體詩）格式上通常有好多要求，（又要對仗，又要押韻），比較難寫。有啲古詩好短，但亦有啲好長（如《長恨歌》）
而新詩冇咁多限制，形式上較自由。佢都可以好短㗎（兩行嘅都有，例如顧城嘅《一代人》：「黑夜給了我黑色的眼睛
我卻用它尋找光明」）
但係我哋老師要求寫250字以上，所以我就寫得比較長
1個讚
作得幾好呀，某幾句令我聯想起再別康橋，讀落有少少似
1個讚
我本來對詩詞興趣不大，作為一個初中生，你的詩寫得好好
你提出短詩的例子-顧城的「一代人」深深打動了我，多謝分享
加油！
1個讚
講左欣賞嘅地方先：
- 節奏韻律感唔錯，張馳有道，收放自如，配合到情緒意境。
- 結尾昇華值得稱讚，有內涵、靈魂，串連全詩，賦予意義。
- 結構完整，起承轉合做得唔錯，中間轉折例如流星出現表現突出，貼合主題。
- 細緻地方描述得幾好
依家初中生功課要寫新詩？！而且仲要係250字，都唔算短。完全想像唔到初中生有呢個要求，所以個人覺得，寫到呢個水準已經唔應該係初中要求範圍。
姑且當左一個成年人要求來建議：
「瞪大了」雖然描述貼切，但處於背景描繪階段，而且你鋪墊嘅係平靜夏夜，「瞪大」會有種打破寧靜氣氛感覺，但呢度未到轉折點。可以考慮用「睜著」或者「眨著」之類比較輕盈描述，保持平靜氣氛。
因為已經用「妳」指流星，「她們」呢度包括左螢火蟲同夏蟲，但係呢兩者其實係詩中角色並不重要，比較似環境一部分，甚至配角都唔係好算（例如恆星、北斗星用來襯托）。所以不如淡化佢地角色，「和她們」改成「一起」感覺意思不變，唔會引開讀者注意力，集中返係「我」同「流星」之間。
前面提到「戴上幻想的雙翅」、「天庭降臨」、「白裙仙女」等等，已經隱含左夢或者幻想，唔需要點出唔係現實。不如留白比讀者想像係童話定係發夢，所以建議唔需要理性詢問，否則反而破壞左幻想意境。例如改成「彷彿從未出現」，咁樣好似餘韻未完，意猶未盡。
「傻的」唔係好通順，如果小改感覺「傻瓜」、「傻子」會好少少。不過呢度「不屑」本身唔係最完美，因為不屑有「睇唔起」嘅意思，但係流星「願意承受痛苦」，唔會成為被睇唔起嘅原因。我覺得如果改成「北斗星為妳感到不值」會更加好，跟住後面果句可以寫「地上的人不懂你的痛苦」之類，睇你想點發揮。而且咁樣都比較匹配：恆星自己發光發熱，所以覺得流星實現願望根本同佢無得比；北斗星帶有領袖感覺，所以會為流星感到不值，同時再一次烘托流星偉大。
呢四句其實完全唔明白係咩作用（坦白講有種湊字數感覺），我會覺得可以直接刪去。因為螢火蟲唔係主角（有想過係唔係借喻流星，但唔係），而且之前作為環境，一直感覺係一片螢火蟲（而唔知係一個），但係呢度感覺又變成一個。何況前後都係講緊流星，將流星偉大烘托到最高處，但係呢度感覺插左一段無關嘅入來。如果為字數，不如後面三行可以發揮多少少。
對新詩來講太累贅，例如改成「另一襲燃燒得白裙」，可以直接借代唔需要直接講。不過呢個問題都唔大。
「貪念慾望」太負面，影響整詩塑造嘅氛圍。例如改成「那沈甸甸的寶箱」，一樣隱含好多願望好貪心（其實貪心係正常人），但係唔會咁負面。如果用沈甸甸會形象化，亦唔會同前面重複。
「只要」唔太恰當，因為「只要⋯⋯就⋯⋯」。呢度「只要我的存在能為人間帶來美好」，你一係最尾再加一句「就是永恆的回憶」/「我願付出生命的全部」之類。或者唔好用「只要」，改成「也要讓我的存在/為人間帶來美好」
4個讚
初中生竟然有咁嘅造詣實在感人，我好鍾意啲感嘆號
我對新詩唔熟，但我會建議多少少意象，再抽象啲表達，令讀者多份空間想像
1個讚
system
於 關閉
12
該主題在最後一個回覆創建後180天后自動關閉。不再允許新的回覆。
