自從幾個月前食錯咗個菜肉包腸胃炎後，成日胃氣脹，照了胃鏡，無胃炎同幽門螺旋菌。 去睇腸胃專科食咗一大堆胃藥冇好過。 Keep住食益生菌同日日飲中藥一啲好轉都冇。 照埋成個腹部肝膽超聲波都無咩野。 心情越嚟越差，日日胃氣脹，睇精神科食堆穩定放鬆情緒嘅藥，都冇咩幫助。
仲可以點做？ 係咪應該去驗大便種菌？睇吓會唔會有寄生蟲/金黃葡萄球菌等等嗰啲？ 係咪喺家庭醫生話想驗大便就得？ 
Thanks
蘋果醋可能幫到你
不過味道未必人人頂得順
1個讚
我有飲 無咩幫助
已經買咗隻有機蘋果醋 溝水飲
接受到 飲完胃氣都好多
你平日…食開咩類型既食物多?
可能腸胃炎後, 個腸胃都改變左…
我自己呢, 好明顯… 食素 係會特別多胃氣, 頂住頂住 (特別係果D 素扮肉果D 菜色)
可能大多數都係麵筋果D掛… 但食飯食麵我又唔會…我都唔知點解會咁.
飲食習慣同以前都係一樣 比較清淡 魚 肉 菜 飯
暫時唔好食會產生胃氣既野，例如所有豆類（包括豆類制品），西蘭花，三色椒，蕃薯，辣野，酸性野，有氣既飲品，gluten既野食，奶類，奶制品
停食一段時間，再續樣食少少試下，例如先食返少量豆腐，睇下有無胃脹。如果無胃脹，隔幾日後再食一樣（例如西蘭花）
續樣試同記低，試到食完邊樣野隔日就胃脹，咁以後就要少食d
我本身胃炎+幽門螺旋菌，我就係用呢個方法搵下邊樣野食左會唔舒服，同埋知道邊d時間食就出事
益生菌都有分種類同成份，同埋未必有用。精神科藥物都可能對腸胃有影響
你平時係唔係郁得少?
天氣熱就啱啦，去游水，啲水壓幫你排氣，唔想游都可以運動下，出身汗都有用。
同埋唔好飲凍野。
我都有每樣食物試，停食一啲可疑嘅食物但係胃氣都冇小過，頭都大埋。
仲有蔥，蒜暫時唔食得
所有凍嘢都唔敢飲，現在有去跑步
完全停蔥蒜 
我打算一陣間落去樓下家庭醫生試吓大便種菌，睇下有冇其他細菌/蟲仔，雖然機會微，因為我唔食生冷的，但都要試吓。 冇理由幾個月都仲係咁多胃脹氣
腸胃環境改變左，壓力／成日諗住都會影響。壞情緒都會對腸胃唔好。
小食多餐，食慢d，減輕個胃既負擔
係暫時停食者，好返就可以食麻
係要停食好多野架，連糯米，果仁類，南瓜芋頭，朱古力，甜野等等都要停。
腸胃有事真係要同飲食絕交咁
，我戒口戒左N年，因為咁就暴瘦左好多，當減肥。只可以係某d狀態好既時間先可以有限度咁食少量
不過如果你唔係胃炎幽門螺旋菌，可能check下其他器官有無事
真係勁灰心，可以做嘅檢查差唔多都做晒。呢幾個月做咗兩次腹部超聲波，胃鏡，大便檢查，中醫都睇埋，試埋情緒病藥物都唔得。全部都話我正常但就係成日胃氣脹 好無奈
係可以無原因架。因為壓力，情緒都好大影響，唔好成日諗住，同埋要開心d，做下運動同去玩。如果可以就停食情緒藥
換過個新bra?
(胃氣漲係咪覺得有啲嘢un住un住？
成日有啲氣想吐出來？）
試吓中醫
情緒係好影響個胃
1個讚
都試左唔少方法&檢查 聽落都難搵原因
不如形容多D情況係點…
係咪食完嘢先脹 唔食就唔脹? 通常維持幾耐?
多唔多氣吐出?
餐前 或 餐與餐之間 仲有無脹?
排便正常嗎? 有無留意排完便會否令胃脹舒緩左D?