我係中二嘅學生，最近一位我認識嘅高年級學生邀請我加入佢嘅團隊，我嗰時答應咗。團隊嘅目標係籌辦藝術性質嘅活動，以唔同方法幫助弱勢社群（如接下嚟嘅活動就係舉行一個鎖匙扣製作活動同一啲charity sale program，proposal+部分部門/機構已聯絡好）。
聽落去真係唔錯（儲經驗同寫落portfolio), 但我喺團隊嘅位置只係Vice XXX
。佢哋嘅團隊都好新（年頭創立），加上最近佢哋要買art supplies, 每人都要貼$40。雖說我嘅工作又真係唔太多（暫時），但我唔清楚得著同付出成唔成正比，所以覺得好矛盾。
趁依家未「洗濕個頭」，我希望可以儘快做到決定。繼續參加，就怕俾人「搵笨」，退出，就怕錯失良機。
願大家可以俾一啲意見，謝謝！
膠post?
$40都要諗咁多？
中二學生，$40會唔會算大數？
有時得著嘅野唔係淨係睇寫到幾多野落portfolio嘅，你真係落手付出過，點都會學到野，例如同唔同嘅人溝通、文書能力…
你心裡已有答案啦
唔計寫唔寫去portfolio
如果呢個係一份功課, 係一個group project 呢? 你自己都唔想part 呢個人啦
另外呢壇野如果無老師負責監督, 又要你出錢
我係你應該會quit 算喇, 以免牽涉到更多金錢瓜葛
多謝解答- 的確係嘅，但係今次團隊入面都有好多其他「肯做嘢」嘅人，而我暫時嘅職責又真係冇乜嘢做
$40話多唔多，且往後可能有機會做更高嘅position (f4生過幾年畢業）
我都知用大學學會黎同你呢件事比較可能唔太貼切
但我曾經見過有d 人上莊時信誓旦旦, 想搞大個學會
一鼓作氣, 但run 左半年左右就會有d 人開始想縮, 愈做愈無心, 甚至潛埋水
你可能都要考慮一下worst case: 如果本來"肯做野"既人, 突然以學業或其他原因, 將本來既task 分配俾你, 你係咪都OK先?
如果「嗰啲人」退出，而我做到比較高嘅position (exco)又真係ok嘅（付出總有收穫）
好似之前個活動雖然幾辛苦，但做president帶領團隊贏比賽又真係會有成功感+得著。但最怕「嗰啲人」攞住個名，乜都唔做。
都明嘅，其實以你中學生會為自己諗呢啲算成熟～
我反而比較睇錢果方面，雖然40蚊唔係多，但係中學嘅學會要學生自己貼錢有啲講唔過去，又唔係「會費」或者「活動參加費」，最怕你要越貼越多。
會唔會有其他學會係更好嘅選擇？
可能唔啱聽，你洗唔洗咁計較？.有興趣就做無興趣咪唔好做。得著可以係友誼，可以係比人揾笨經驗，十四五歲nothing to lose 既年紀都要左算右算有得著先做，証明你唔享受同呢班人既相處，咁你唔好做。
呢啲經驗對入大學無幫助，呢啲係人生經歷個人歷練，感受係計算唔到, 亦無實體成效。
你好在意你做咩position
因為可以寫落portfolio第時搵學校/搵工用
但其實中二生咩經驗都冇, 俾你做主席好唔好?
第時interviewer都唔會expect一個中二生做乜位置
只會care你可唔可以清楚表達你做過D乜
（乜而家D細路思想咁一步登天?)
簡單啲，應承左人就完成佢，做人有頭有尾。
連最基本既責任心都無，重計有咩著數？
如果為入大學而做，就無謂做，成績得就入到，一係就攞勁既國際獎，呢啲活動完全幫唔到。
對將來揾工亦一樣，無幫助。
以咁計較既態度，作為僱主最憎，你想對你將來有幫助，第一件事改下你既價值觀，對你一生郡有用。
我都覺。咁細個就咁，好聽就成熟，難聽就斤斤計較、功利
我睇完都唔明，如果唔係興趣，點解參加？儲緊咩經驗/portfolio？唔係去美國讀書，唔係想攞 “social service scholarship”，做呢啲冇乜用，大學同見工都唔會理你中學做乜嘢。
更何況如果畀 interviewer 知道你咁早就已經咁計較，咁呢個活動害你多過對你有益，除非你改變心態。唔係樣樣嘢都有實際回報。
中二就要諗儲portfolio 
你地真係好叻仔
我中二果陣打下機踢下波過日子 
中二已經咁有機心 
真係唔識俾意見… 好在你都知自己功利
希望你一直向住不損人但利己方向向上爬
我中二最多跟學校出去比賽，唔識呢啲
你係道問，不如問下自己想做出咩成績先係冇蝕…不枉你付出
升大學都係自己嘅目標科目同成績…成績得基本上都冇乜好擔心，當然人面試時嘅舉止表現要presentable
佢會唔會成為第二個DB李生 
思想好成熟，我估係女仔。
我反而覺得似毒撚。我識一個後生仔毒L就係咁