東區海底隧道今日（22日）發生驚險一幕，一名七旬的士司機接載女乘客過海途中感到不適，未幾更昏迷不醒，嚇得女乘客及時拉手掣停車，未有釀成嚴重交通意外。
事發於晚上9時許，一名載客的士沿東區海底隧道往九龍方向行駛，當駛至管道內時，70多歲姓蘇的的士司機突然感到不適，未幾更昏迷暈倒。消息指，當時的士曾一度無人駕駛，緩緩向前慢駛，車上女乘客發現司機不醒人事後，立即幫忙拉手掣將車停下並報警求助。隧道公司職員透過閉路電視發現，的士無故在管道內停下，於是派員到場了解。
救護員到場將司機送往聯合醫院，經治理後已恢復知覺，警方正就事件展開調查，又向女乘客查問當時情況，至於涉事的士則由隧道公司職員召拖車幫忙拖出管道內。
無論有冇錢養車都好，學車先識點樣自救。
真係要檢討下的士司機年齡，好危險
好彩女乘客識得拉個掣停左架車, 而後面其他車又識得避
小巴都係，有唔少高齡司機，
係喎，亡命小巴
即刻上網睇吓個手掣點拉先
其實係咪就算唔踩住個break, 就咁拉起手掣，架車都會停㗎？
最好學埋打死火燈
手掣係鎖住前轆，可減速和避免溜後
停車係主要因為無再踩油門，無動力而停
停咗車係要拉手掣
但自動波車，係咪無踩油都仍然會keep住速度，除非踩刹車？
如果甘既情況點解決。求問
唔係㗎，自動波車一樣要踩油門先會向前行（除非落斜有gravity)
如果"D"波冇踩油門就視乎路段坡度，如果下坡有動力會衝，上坡無動力會停，但手掣可鎖轆防止溜後
剎車只係減速，唔拉手掣唔轉N波嘅話剎完車都唔會停定
所以踩完brake記得拉埋手掣
所以自救次序都係1.踩brake 2. 拉手制 係咪？
甘咪要伸腳落司機度 
其實唔係自動波其實入住波唔踩油部車都係會郁，只係落 brake 煞停或者撞咗埋牆而停定就會死火，通常起步時死火都係同一個原因，左腳踩住離合器放得太快就會死火
自動波車維基百科話腳掣壞咗時可以用手掣嚟取代 wor 
申利：我無牌的，但有呢方面的知識
好心過70歲就唔好俾佢地揸的士啦 
好彩乘客叻
話說N年前搭紅van, 睇住架隔離線架van 越駛越近，跟住真係 hi 咗個車尾 boom 一聲
好彩我果架紅van 司機都有經驗已經將意外減少
另一架 van 個司機係個伯伯
踩到brake咪踩，例如小巴
踩唔到就就咁拉手掣
車撞到嘢就會停，但你已幫手減速減少傷害
該主題在最後一個回覆創建後180天后自動關閉。不再允許新的回覆。