喺網上搵資料但都唔係好清晰，因為個status有啲複雜，所以上嚟問下大家…
親戚揸住BNO去咗英國，未夠1年時間內，住喺香港嘅母親過身留下遺產（香港物業、銀行存款）
問題係：佢父母30多年前已取 British Citizen，因為個爸爸以前係香港公務員，有資格唔使去英國坐移民監都可以入籍。佢爸爸早年過身，近年佢自己一家就揸住BNO過咗英國打算落地，但佢媽媽之後喺香港又過身，咁佢如果返香港領遺產，呢啲遺產需要向英國政府交遺產稅或者入息稅嗎？
我睇到網上有文章就話：假設這個資產或遺產全部都在英國境外，可能是香港的樓宇，香港的銀行存款、股票等。父母在生前的一些資產，而子女並不在香港。在英國成為了稅務居民，無論他是否已定居，當他繼承爸爸的物業資產時候，不需要交英國的遺產稅。因為遺產稅是計算先人的稅務情況，不是計算繼承的人。
不過又話：如果在英國住了一段時間，你是當地的定居居民，當你在英國去世時是需交香港甚至全球的遺產稅。
另外有話資產超過£325K，遺產稅稅率要40%，海外資產亦計算在內，子女繼承人嘅免稅額係£500K
親戚媽媽雖然係citizen，有British passport但無住過英國，又唔係喺英國過身，咁喺英國住緊嘅子女接受遺產要唔要俾稅？如果個子女只係去咗英國1、2年，算係定居居民嗎？又或者要住上幾耐時間先至算係定居居民而要俾遺產稅？