Bingo:
我地未計排卵期試之前，真係結婚咁多年都冇中
到真係決定要生，兩胎都係第一個 cycle 就中，歸納幾點:
- 兩公婆一齊睇中醫針灸調理身體 (我哋針咗三個月)
- 多啲喺陽光下面做運動例如行山，有助精子卵子健康
- 做嘅時候 make sure 女方先有 orgasm (好重要) ，男方完成之後，女方繼續喺張床度靠牆抬腿 10 分鐘。
孕緊嘅時候:
去到16週，每次產檢都問一問醫生留意宮頸長度合唔合格，好多人去到中段冇咗都係因為呢個原因。如果一早知道係可以預防。
Take care 初生 推薦物品:
-
Anti colic 奶樽 (Philips avent/ Dr Brown)
有肚風真係好慘，不停咁喊，我用Dr brown 完全冇嘔過奶，亦都冇係咁喊
-
維他命D加益生菌
益生菌都會幫助肚風問題
-
Love to dream 睡袋
頭一個月用， BB唔會驚醒，可以自己瞓同瞓得好，唔使瞓大人床
-
Cocoonababy baby
頭兩三個月用，BB又係瞓得好好，又係自己瞓。
-
Combi 搖床
平時小睡時間用，有安全帶綁住，佢會容易啲瞓著，同埋好容易培養自己瞓嘅習慣，唔需要同大人同床
-
Stokke (坐得直又有腳踏) / IKEA 餐椅 (坐得直要自己加腳踏)
去到加固張凳其實好重要，坐得好先食得好
希望幫到新手媽媽。
6個讚
想問下bingo第3 女方要有高潮先 因為同老公do好難有高潮 如果我先自慰 高潮後即刻同老公do 其實係咪都有呢個效果 
咁你果陣bingo有無用排卵紙 量體溫 睇分泌物果啲架？
第一個用clearblue, 跟住就中（嗱，不科學亦不負責任嘅少少個人觀察及感受，身邊及自己用clearblue嘅都生仔）
第二個好怕再中仔，所以咩都唔用，結果個女係完全意料之外中，計日子嘅話佢同排卵日係爭成好多日。我女性格比較有耐力，可能就係由精子個刻已係咁
1個讚
Yes 玩具都得 我嗰陣都係完成咗我嗰部份先至老公 take action
呢個真係好重要，我身邊朋友都係咁佢提我先知
同埋後尾我見另一個post都話會擴張所以精子容易啲游入去
第一個有用排卵紙，
第二個紙都冇用，係突然見到好似有分泌先試下
放鬆心情都好緊要，不停咁量體溫會令到個人好精神緊張
我用clear blue驗係error ，最後生女，唔知關唔關事
我自己黎再先 再叫老公入黎
之後一擊即中 所以呢個真係可以試下
排卵期前dodo 最後生囡
1個讚
多謝你分享
原來奶樽都咁大學問
Dr brown 用膠定玻璃好？
係呀，我生之前第一件事就係搵點樣減少肚風同埋腸絞痛，之後先發現呢樣嘢
我買膠，因為好快都換同埋多啲選擇，同埋玻璃好重成日驚打爛
當然你有要求可以買返玻璃
頭一兩個月係premiere size
之後兩個月就係細size
再之後就係三個月就係大size
跟住我轉左埋身
再之後好快就轉水樽飲奶
我而家23w,之前對奶樽全無概念
就係睇左你分享開始研究
咁一開始我買dr browns 6個會唔會太多
2細4大
如果仲有其他好野請多多介紹
1個讚
我哋嗰陣6個初生奶樽，因為個幾兩個鐘餵一次
我係餵人奶又要泵奶，所以大家都冇時間洗咁多嘢
之後大size d嘅奶樽就遲啲先買
你都可以試吓呢個牌子好唔好用先，如果唔係就再轉牌子
應該冇爭咁遠
希望一次得啦