本人是土生土長香港人現四十二歲想懷孕第一胎，月經周期十分正常，但從未懷過孕，想請問，有何教路
哈~我見你之前都開過post 問
裡面提及既檢查你做左未?
同時你有幾心急呢? 會唔會考慮人工受孕/ 試管嬰兒?
另外你老公又有幾積極想要BB?
不會人工受孕和試管嬰兒
老實講過35已經比平常女性難受孕.
如果想靠自然受孕機率極低.
所以上面有絲打建議你做人工/試管唔係冇道理.
再者你就算做都唔一定100%可以有BB. 好多人都要試幾次先成功.
過來人經驗. 如果你有錢又真係好想快啲有BB.
呢個係最快既方法
1個讚
的確係~
我之前睇過呢個facebook page
印象深刻
呢位女士經歷左六次ivf 終於成功生女, 宜家個女都快三歲
入面有講佢試過邊度既ivf 同埋佢既心路歷程
(當然40+ 自然懷孕都有唔少成功個案, 我會提議做晒相關檢查先)
我40歲自然懷孕，不過我係計 排卵日就同老公交功課，同埋要放鬆自己心情
妳之前有否做過一些身體檢查
樓主你先生相信over 40 慎重考慮孕育問題，高齡不止針對女性
1個讚
你們結婚十幾年，可能上天沒有按排，有時相信命運不強求
1個讚
見過有人42歲意外有,
生出黎好健康.
謝謝妳支持
正路：搵個婦科/生育科醫生跟進，做人工受孕前都仲有啲自然方法可以試吓
朋友睇過寶血醫院呂煥玲醫生，你可以參考下：
唔正路：搵個相學師傅睇吓，我都試咗好幾年先生第一個，都係搵師傅指點
你意思係行房咗好多次都唔中，懷疑自己不育？
定你意思你地未開工，想知要做啲咩去備孕？
如果係前者，就直接搵不育科，認真檢查下係咩問題，時間唔等人，唔好拖喇，直接搵專業人士問好過上網問。
如果係後者，建議做多啲運動，再配合中藥調理，準備好個健康身體。同埋最好做埋孕前檢查，唔係想嚇你，不過最穩陣check下雙方有冇啲咩遺傳病，因為身邊真係有啲朋友懷孕中先知自己或另一半有地貧。
1個讚
試找仁安李天照教授
聽醫生講過年紀越大(尤其係男方)越易生出SEN小朋友，要有心理準備
1個讚
之前試左備孕幾耐？
如果一直都冇避孕但都冇成功
年紀又大，一定要先做檢查（婦科同先生精子都要做）
配合翻排卵期，身體唔好可以先中醫調理，都會有幫助
如果最後要做IVF，預算又夠可以考慮做PGS，
因為異常率會比較高，先排除有染色體方便既問題