香港餐飲聯業協會會長黃家和在港台節目《千禧年代》表示，消費券無疑對餐飲業有幫助，但認為相較之前兩次，其收益估計會比較少，預期只佔消費券的總開支兩成，即300多億元中佔約60億元。他指各地通關後，市民都較傾向出外消費，3月份了除飲宴外，其他餐飲服務都趨淡靜；而且由於不少市民外遊，回港後消費力下跌。
黃家和又認為，如果在復活節前一次過派發全數5,000元，市民的消費意欲會加大。他續指，並非每一個市民都會出外消費，希望香港內部消費會有刺激性。他又指，如要再分期派發就不贊成派發。
幾多錢都無用，除非限制一次過唔可以洗低於一個小數目，例如 6pm 後去餐飲服務，限最少用 $500, 先迫到你食貴野。
我係咁使嘅， $5000 budget 我用自己錢出差時買想要嘅嘢，返來香港用octopus card 俾平時 返工 lunch time 幾十元一餐嘅開支。
d錢係八達通我當平時洗費唔會特別買野食野
6個讚
三千蚊幾日都用晒講真
佢又唔怕20蚊張話佢咩
消費券打散嚟出，我當日常洗費用，冇特別買d咩或食咩好野。
相反，如果之前1萬蚊係一次過出，我反而會換舊家電。
2個讚
我無離過港, 消費力都比往年下跌啦, 有錢先有消費力, 起碼應派一萬元給我消費啦.
反而我見大陸來港旅行團就真係不消費, 他們由灣仔碼頭返尖沙咀, 竟和打工仔爭船搭, 不包旅遊巴和天星維港遊, 勁慳皮. 封關前整年都未見過一隊一隊旅行團擁進天星小輪的奇景.
1個讚
係咪特登咁安排架，話說因為少人搭天星小輪先岩岩加價一倍wo
1個讚
派得5千仲要分開俾，搭吓車同去轉supermarket 都用曬，如果去citysuper 買吓肉仲要倒貼添！食好西同消費不如long weekend飛一轉福崗，一切生所需品買完寄番香港都抵，平靚正又近！
2個讚
上次消費卷都係用嚟換屋企電器，
今次可能換煤氣爐。
唔包維港遊未有疫情前已經有，特別啲零團費。零團費係搵盡方法縮成本，例如食質素極差嘅食物、睇山頂變山腰到停15分鐘。
尖東而家好多大陸落嚟聽傳銷，成班著到身光頸靚食唐記。
上面經濟俾疫情搞到差咗好多，係班愛國人士同商家唔肯面對現實。我親戚以前收大陸嗰邊啲we7利是收到手軟，今年一封都冇。親戚上面做床上用品已經生意差到唉聲嘆氣。
之前唔知邊條茂利講話唔通去完旅行返來無錢消費食飯咩. 係咪張宇仁呢. 唔記得.
1個讚
其實派禁多次錢，我從未用響飲食方面 
天才，個標題當期時一開關大把香港人開口中，真係有腦都諗到。
1個讚
我有呀，用晒去黃店食晏…
1個讚
.正常食飯囉
都係儲起多
其實唔係外遊後消費力下跌, 真正既原因係因為
食物質與價錢唔合比例, 香港始終都係物價太貴,
而家食個早餐都起最小都要 $40 午餐要 $60 起
跳, 要視乎個別地區, 仲要唔係好食, 真係為左生存
而食, 咁情願自己整或食個包當早餐帶飯, 慳番啲
錢留番去旅行個時食仲好.
5個讚
個個不停去旅行 又點會喺香港洗大錢
係佢。其實白痴都知，一般人去完旅行返嚟都會洗少啲。
2個讚