大家好，最近遇到新工問題，想問下大家意見。
最近轉咗份新工，零售HR，但做落發現好多問題，冧緊即唔即走好。
事源加入時候話有好多野比我試。但入到做先知道，硬件有好多問題，例如system好outdate要入好多個步驟先入到一個同事data，有啲比較特別既人名個系統岀唔到，變咗做？。之後system show唔到正確年假，如果同事想知仲有幾多日假，需要打黎問，我地係後面database 睇反年資同佢人手計。聽講買咗新系統，但係真正用到起碼8 9個月後，中間有段時間兩個系統一齊行。二黎卡機成日壞壞地，已經維修幾次都係咁，同事們愛理不理，只係重複reboot等佢有日生性岀到就算。。
人事上，同事雖然有教，但好多時講啲唔講啲，問多兩句就話其實唔係好清楚，有時候又有意無意同我講我負責果條front line同事有伏自己睇路，但係點伏又冇同我講，上手又冇handover list 。同時發現front line同事溝通上有問題，例如拎返更表，有同事唔會覆機，一係拖好耐先覆先做，需要每日reminder call 提醒下面同事交野。。加上會計部岀糧，中間每月中岀好多文件通知會計邊啲同事新人同更新份糧。但文件岀街都要過幾個高層簽名，而有高層經常唔係位，搞到好多野kick 咗係度。。
feel 到個士氣好麻麻，可能硬件程序工作量問題，成日聽到身邊人放負，之後又自己安慰返自己。
喺呢個硬軟件都kick 情況下，做野處處好多掣肘，返咗個幾星期個人down 曬，大壓力，長遠睇係會好多挑戰，要底受好多野，有同Sr 反映，佢叫我冧下點將舊公司好野帶黎方便自己做wo。但唔同公司唔同做法，一人之力點改變本身固有程序文化，之後比人話負面。。
依加做咗幾星期都係咁，開會物知下月搬埋office，見工冇講。。大家係咪覺得我應該閃人算，無謂浪費時間，但自己又冧唔知幾時揾到下家。。。
你工作經驗係點？我覺得其實份份工一開始都wok wok 地，冇乜筍工。除非太離譜，正常我每份工都會俾3個月自己試下，唔得先走。
我後生時未有呢d體會，成日好快轉工，後尾轉轉下覺得全部其實份份差唔多衰
6個讚
好睇得出 你公司舊果套(無效率做事方式)己根深蒂固 人人已接受/習慣
其實唔需要任何大改變 只需要你去配合
我估喺咁既公司 你同事當初入到黎時 可能都受左好多氣
除非你可以同佢好fan 唔係既佢唔想教人 都係人知常情
根據你講既情況 應該係你誤會左Sr既意思
佢只係想你方便自己做嘢 即係如你有好方法 可自行用"非現有公司提供"既方法 去解決手頭上既嘢
佢唔係想你改變公司一路以黎"無效率"既做法
…
走唔走我覺得好睇你要求 你係為左好前景 學習如何有效率辦事 呢度係暫時跳板 遲早要走
但其實好多老舊公司都係有內部問題 去到邊都要應付呢D情況 喺度做多排學習吓人事鬥爭都好吖 
呢間公司睇落都係幾大鑊既 連IT support都無?!
風險低D應該係一路做一路繼續搵工，一搵到第二份就走人咁
雖然我不是 HR, 但都有做過D好 outdate system 既工 真係明明有新technology 按幾個制就得偏偏要搞一大輪，有某D receipt 要手寫 fax 等等
咩年代仲手寫 fax士機
唔好expect 公司會改，你配合到就繼續唔係就搵下家啦
我做緊大學，啲系統都係咁。老闆成日唔簽嘢，一兩個星期先至簽一次，我做咗半年佢連我咩樣都唔知。我另一個同事都係新嚟，不止無handover，佢上一手仲好多嘢唔交低，好在佢都夠醒同有啲老臣子提吓佢，先捱到。叻嘅人走晒，啲行政部門成日轉人。新聞話流失率高，都係有原因。老一輩長工嘅好多都退休，留低嘅好少做得長。
大家共勉之，有得轉工咪轉吓囉。
3個讚
一路你都冇講有冇經濟問題 ，即係假設你冇， 我係你就即走 ，人通常最後都係後悔走得慢，feel到有問題即係有好大問題
3個讚
曾經做過前線
個HR好惡傢喎，追乜野，會出晒E-MAIL，CC晒比果條LINE 嘅全部人＋經理同埋SR 同HR經理
月中月尾會出定E-MAIL，講明幾多號要交曬乜嘢文件，每月最尾果日要COMFIRM晒1-25號的更，26-最尾果日要喺2號CONFIRM，唔好話忙話唔記得，做遲做漏做錯即係累公司犯法。
1號朝早，11點收唔齊野，就出EMAIL CC埋比區域經理個秘書，下午兩點半就出紅字E-MAIL
搬office 好麻煩好多野搞
但係你宜家先搵工趕得切響搬office之前走?
你照send信出去搵工，騎牛搵馬先，要見工照請假去
其實唔岩咪轉，走左又唔會再見
轉system係要啲時間，交接期同正式轉新都好多野煩，要人手去執漏呢啲如果你繼續做落去都係基本要接受嘅野，再加上舊系統咁廢，你唔熟，公司冇backup，真係會辛苦
我試過三次公司轉system，其中兩次轉，兩間公司都係因為budget問題揀啲冇咁好配套嘅system，再加上系統係死嘅，每間公司都會有自己一套，變相做起上黎仍然有好多問題發生，基本上轉左都仲要有大半年去捱，公司都係夾啲同事去死做爛做
第三間好啲，老闆肯俾錢完善系統+搵人培訓主用嘅同事，經理級都要上堂了解多啲，搵熟悉公司運作又熟少少it野加醒目嘅同事做橋梁+公司it勁 (或者係it部嘅老頂都係好肯解決問題嘅人)
公司肯做野嘅咪可以望見家鄉慢慢越來越好，越來越順
所以你又諗下而家呢間公司有冇希望再決定留定走
3個讚
經驗好淺，係Junior 位，其實加入想試下system 同計量，見工時Sr 話就黎換有得試，但同預計差好遠，起碼捱到岀年真正用新系統計量。同步冇冧過舊system 差到咁，成日nik 機，有啲文件野好急就好痛苦。而份大糧係會計度，我個位置只係對下timesheet，冇問題就通知會計。所以同預期好大落差
係呀。。。我都唔知點，佢入面好多野變緊，依加唔上唔落跟得好辛苦，已經好努力去做，但始終冇guideline，教得一半好多野自己摸，成日文件做錯彈返轉頭，做到好吃力。。見工果時冇講到，感覺入到黎個Sr 有好多隱瞞，同預期落差好大。。。
啱呀，開會聽到既就係咁，原本預計4月岀到新系統，點知原來9月先岀到，中間仲要一齊test。本身paperwork 已經好繁重，仲要幫手做test，加上依加pick up 期，真係日日返到公司個心好壓住，好想逃跑，做到好吃力。加上大大呀頭都係新加入，Sr 同其他同事啤野又一知半解。。。
我都做過公司套系統好舊，舊到有d野唔支援時候就人手入去「備註」一欄，搞到備註嗰到又多資料又入得亂。
當新舊系統交替時，負責同事將舊資料倒入新系統時候，又會有啲資料出現問題，倒唔曬。
到時就要總動員去人手更正資料。 我勸你都係send cv出去揾定工。
呢啲公司老員工唔會覺得有問題，因為佢哋用慣左個系統，什至啲老規矩都係佢哋既定俗成，你只有跟從，無得問點解，會俾個系統拖慢工作。
1個讚
我離港前都體會到呢啲問題開始浮現，做咗好多年嗰啲同事好多移民離職，公司請番好多乜都唔識嘅新人，有啲完全無呢行經驗都請，有啲直頭係大陸人，結果就係無舊人教，新人就唯有亂嚟，一鑊粥，咁我都係移民走所以無理咁多
明白你感受
d 野樣樣無人教, 又唔知邊度搵, 然後又話你錯
感覺係幾差
1個讚
我份工開頭都係咁
教你嘅人只會講1成 其他自己發掘摸索
撞左無數次板後
就會適應
1個讚