依加31歲 最近同老公試咗半年都未有bb
（以前3-4年都係計安全期避孕 都冇bb嘅）
早幾年開始都有定期做陰超（子宮嘅超聲波），因為m痛嚴重，不過m量同日數都正常嘅（最痛果日會痛到腳軟要瞓喺床，食咗藥都未必有效，但又未去到嘔出嚟同暈低。）。最近果次一年前嘅檢查呢，醫生話一切正常，內膜夠厚，冇話有啲咩特別。咁我理解係冇肌瘤冇朱古力冇異位冇水long果啲。
但試咗半年都未有bb就想做埋AMH，咁結果都係正常嘅。grade 1-5，我係4-5左右。
而今次呢個醫生再幫我照陰超就見到有2粒疑似瘜肉，分別10同5mm 左右。
咁陰超係睇唔出個範圍嘅，「冇」瘜肉嘅位置可以都係佈滿咗凹凸不平嘅瘜肉表面，都係不利著床，但呢樣要去做手術照鏡先會睇到而且都會順便做手術 （承惠3萬蚊）。前後8-9個鐘 好快就可以繼續嘗試懷孕。
而如果唔做手術又只係得2粒瘜肉，著床又著啱位，小產風險都唔大嘅。bb大大下果10mm嘅肉都迫咗唔知去邊lu。
而且好大部份嘅瘜肉都良性，我又冇咩病徵（唔會引致m痛的），唔係想生仔嘅話唔切都得。
呢一刻有啲唔開心，明明以為自己子宮幾健康。。。
諗緊一係就唔做手術，試多半年先做（同埋叫老公check精），因為要入醫院做要三萬蚊同埋做咗都唔包生仔(!?)。即係都冇得guarantee 做咗就會有bb，咁試咗齊頭一年都冇bb先去做啦。
但有時又會諗，生都諗住去私家，咁俾多3萬都唔係好多啫（自己得危疾同人壽 公司醫療cover好少錢）。而且都唔諗住做IVF，依加快快脆買返啲時間緊要啲，生仔都要做手術啦，切果幾粒嘢又有咩好驚。
大家有冇啲意見俾到我
1個讚
建議最好再同醫生傾下，問清楚手術有冇要求，有咩風險，期間就儘量飲食有規律，多運動，減壓。加油！
謝謝你
醫生都係交返俾我自己做決定，可能佢有6成諗法係做咗先，4成係半年後再決定。風險係術後可能會短暫痛同出血，但過程會麻醉嘅。佢有提過水中毒（唔知有冇撈亂咗，但風險唔大。）
就算暫時唔做手術，我都係諗住稍為減少豬牛雞肉量，減少牛奶芝士豆漿果啲稍多激素嘅食品，食多啲魚（但三文魚又唔可以太多）但要揾替代品吸收返鈣，鐵同蛋白質…仲研究緊餐單…
激素未必有直接關係，但自己控制到嘅都可以試下嘅
運動都係呢個星期開始做，中醫都睇得出血氣運行都好咗。
減壓就…天生緊張大師，咩都諗好多，會賞試積極啲面對壓力來源，快啲處理好免自己煩惱，少少錢解決到果啲就解決咗佢先（所以諗諗下可能都係照排咗期先，始終都唔係話做就即刻有位做）
1個讚
我會做左手術先，一了百了，唔駛怕bingo後會唔會影響到bb (孕住會驚呢機嗰樣，又驚有突發狀況)，生完又無時間做。
至於備孕可以同老公一齊睇中醫針灸
多d喺太陽底下做運動
食 supplement
Vitamin B complex (連葉酸)
Vitamin C
Vitamin E
CoQ10
同埋放鬆心情
瘜肉多多少少會影響胚胎, 但如果唔想手術, 可以3個月後再照陰超睇下瘜肉仲喺唔喺度.
我之前都同你面對同一問題。
當時我消化咗呢個消息後就決定做，隔咗一年亦都有照埋輸卵管。雖然到而家都仲未bingo，但我無後悔，因為起碼消除咗一個問題。
做手術之前我都幾驚，但睇返轉頭其實係個好小嘅手術。
1個讚
我之前都照到有兩粒瘜肉，我毫不猶豫就決定做手術，一嚟有機會阻住著床，二嚟唔知佢會唔會變大或變質，加上又唔使開刀，係一個好細嘅手術，做完好快復原
1個讚
係, 只係有一下唔舒服
忍過左就OK
我記得我果陣做完宮腔鏡下晝已經可以照樣番工
謝謝大家分享 
最近都有睇開中醫
真係改善咗經痛同血塊問題
另外婦科醫生都有提過有啲體質切完都會好快生返出嚟，不過要生都冇辦法
我諗我應該等埋老公個檢查報告就約
1個讚
我生之前冇經痛，生完之後先有。Google search 中醫角度可能夜瞓令到唔記得邊個器官 （子宮？）凍，所以有血塊block住導改經痛。我覺得有道理，因為有一排次次都幾痛，但中間有一次撞啱武肺，燒到39度以上，果次就冇痛。同埋所謂經痛貼其實都係一個暖包，可能都係暖住子宮，減少血塊？所以如果生活習慣唔好 （例如夜瞓、鍾意飲凍野）可以改改佢。如果天生，就睇吓點改善體質。
另外最近一次都冇痛，唔知同我開始斷食有冇關係 （我斷食唔係為咗減肥，本身都瘦，係為咗健康）。
計安全期幾年都唔中，你不如試下用試紙試住幾日排卵，果幾日先運動
試幾個月都唔得，比著我會直接搵師傅 
1個讚