你地覺得麵包機值唔值得買？ 定覺得又嘥錢又嘥時間，不如落街買麵包好過？
好用又好食，未必平過街買，但起碼無防腐劑、Exxxxxxxxxx
1個讚
好，係香港值得用，唔使搓個下已經抵返
1個讚
如果屋企有幼兒好值得買，自家製無添加麵包，早買早享受。以前隔日整，臨瞓落料撳時間制，朝早起身早餐就有得食，方便。我個小朋友好中意加乾果。
2個讚
加提子乾好食，仲要我本身唔鐘意乾果
1個讚
好睇你想要什麼
如果想無添加又有機，好值得
屋企有個麵包王，麵包機由幼稚園用到升中，到宜家都未退役，鍾意食麵包係買得過嘅，初頭唔識會整方包多，研究下就開始轉做造型包，腸仔，午餐肉，合桃，乾果，落朱古力粉，造型包多啲變化冇方包咁悶，最緊要有時間唔好嫌煩，如果唔係部機好快就會打入冷宮 
2個讚
係，我覺得好睇自己同家人本身鍾唔鍾意食麵包，我屋企幾個都係超鍾意食包，特別因為有小朋友，想健康啲，就會好有用。
不過我地初初有部人地送嘅雜嘜牌子嘅機，硬係覺得整出嚟啲包係唔好食（跟足佢跟機本食譜，硬係做出來好大陣依士味），後尾轉咗象印，做出嚟係好食嘅，所以我覺得要google下啲comment才去買機。
的確係好食啲。以前無返工又得閒就會整
而家返工，細路返學，要整帶飯，而且啲細路大咗又唔食麵包。唔得閒再整了
我都係象印。
我都係象印，學識埋用湯種，麵包仲更加鬆軟 
1個讚
如果日日食就買得過
小朋友細個時有用，而家小學我就冇再用，部機已打入冷宮
，不過有d媽媽朋友仲有keep住整。
請問你地整出嚟嘅麵包可以室溫放幾多日？ 定食唔晒要放雪櫃？
天氣唔太熱、濕度唔高，方包放室溫兩日，天氣熱第1日食唔晒，安全起見入雪櫃，第2日都會清倉，唔會留3日
所以會整造型包，一次過造3 日份量，造好入盒放凍格最多可放72小時，日日都有新鮮麵包 
1個讚
咁放咗入雪櫃嘅麵包，點樣整反熱？
我自己用蒸爐翻熱，或者用電飯煲蒸餸方法都可以，滴2,3滴水係麵包上面，隔水蒸幾分鐘，但實際蒸幾多分鐘每個煲都唔一樣要自己試下
另外蒸爐或者電飯煲翻熱，耐唔耐會揭起煲蓋抹下啲倒汗水，避免倒汗水滴濕麵包影響口感
2個讚
微波爐叮廿秒.
(我用咗微波爐三十年)
1個讚
我放入電飯煲，刷牙洗面前按煲飯制，換好衫就有鬆軟熱麵包食
我覺得值得買，尤其依家麵包鋪啲包又貴又唔飽
屋企有麵包機、廚師機，但有時無時間等發酵，麵包機真係幫到手
PANASONIC麵包機每次整一磅包，有時食晒 (4人早餐)，有時剩1、2塊，如有剩第二日可以整多士或麵包布甸