大家好,請問有冇人知請問元朗邊間教會好D?
我上網google過,淨係知雞地錦光堂好藍又好層壓式行銷
但係其他教會就冇咩資料
其實我原本冇特別信仰
但係呢幾年到而家,真係有點迷惘、生活冇重心,所以想試下去教會
加上我係台灣嫁過來香港,身邊冇咩朋友
我加入過台灣媽咪谷,但係立場偏黃既媽咪都陸續返台灣
呢幾年識新朋友/台灣媽咪都要睇下佢FB
如果偏藍(無論HK或台灣)就要bye bye啦,所以更難識朋友
原本自己一個獨來獨往又冇乜野既,有心試問台灣老友網上傾就得
不過我有一個囡囡讀緊幼稚園,佢果班媽咪又個個都好忙
whatsapp谷都冇咩交流
我平日要返工,嬤嬤湊小朋友返學
我假期都盡量安排同小朋友一起出去玩
尤其呢幾年好多時候屈係屋企
好采囡囡都係好活潑,但係時常問我好希望可以同同齡小朋友玩
我自己又慢熱,冇咩朋友
老公亦都冇辦法安排到小朋友年齡相近的家庭一起出行
所以主要係因為自己的心理、小朋友的社交兩方面想去教會
原本見到循道衛理好似OK,但係元朗冇教會
請問元朗浸信會OK嗎?或者有其他推介,多謝介紹!
(呢排仲要個變態教會Netflix咁紅…真係需要多D了解再踏入教會 )
5個讚
雖然呢度唔係教會
但呢度好歡迎你
多d 上黎吹水做個網友啦
(題外話我都想識下d 台灣既朋友, 哈)
1個讚
越迷惘嘅人入教先越容易俾人洗腦,因為你會覺得返咗去個人舒服咗,心靈好似冇咁空虛,我個人認真唔建議
或者試下做義工呀參加啲興趣班玩下,唔一定要以識人為目標,自己正能量咗個人充實咗,自然會吸引到啱傾嘅人
**我都有台灣朋友勁鍾意廣東話,學得好好
8個讚
咁又係~ 好驚洗腦!
義工呢個建議唔錯! 我來試下搵下 thank you~
會多D來呢度吹水
我平時浪費好多時間同小粉紅/台灣藍絲鬧交
5個讚
係啊 見到循道衛理係天水圍!
浸信會唔OK啊? 見到19年仲曾經開門比大家休息tim
我都有時會留意台灣政壇
早幾日南投又有立委選舉
綠營嬴左
犀利喎,連我老公都唔知台灣發生咩大事
呢次民進黨可以贏到立委補選
可能上面未補水比國民黨,唔夠錢賄選
2024總統選舉就好緊張啦,而家台灣已經開始打緊仗
2個讚
其實本身都唔知有選舉
咁岩youtube 睇台視新聞見到有報票先知
無聊題外話
本身唔識蔡培慧, 佢宣傳用張相比電視/ 媒體報導見到佢本人後生好多
(完全錯重點XD)
1個讚
system
於 關閉
15
該主題在最後一個回覆創建後180天后自動關閉。不再允許新的回覆。