我有朋友兩公婆話走
但無啦啦上年年尾開左間舖 
真係一家唔知一家事
如果覺得自己唔適合外國，去買樓又無可厚非嘅，唔通唔使住咩
佢話走喎
唔好忘記初心，個政府點對我哋點迫針，連細路仔都唔放過，㩒個 like都拉，你ok?你個細路ok?所有儲備好快倒落大嶼山㗎喇
而家開放返，有得去日本就話香港好，英國乜乜物物，乜都呻得餐
仲要話人唔知驚乜走唔切，呢句好差囉真心。咁你呢？大家明白啦
不過我認同一樣：到而家都冇打算走就唔好為走而走，唔好跟風，因為你根本接受到香港，唔好過嚟
想走但走唔到嘅除外，嗰啲我尊重及支持
11個讚
Maruko又好似冇講話佢走，話佢去買樓咋喎
唔係呀，佢哋口嗌話走㗎喇走㗎喇
1個讚
咁個身體已經講答案你知啦
1個讚
所以我叫佢唔好成日講走
我對於佢買樓冇問題，佢哋開心就好
可惜好多移民既人都冇你所謂既初心
好多香港人一移左民本身既劣棖性出返哂黎
有時都好可惜手足嘅付出俾人free ride
3個讚
咁對留係香港， 有得走唔走既香港人， 你地又有咩評價？ 
俾
1000次
唔係鼓勵樓主走，我上面都講咗樓主經濟唔適合（純個人意見），但既然佢老公決心走，只能祝福。
4個讚
乜嘢叫有得走唔走？
唔想走咪唔走囉
從來都冇嘢係一定嘅
x 3000
我有叫避免借錢，不過佢地計好風險就可以
1個讚
多謝你咁講，我唔係鬥黃，亦冇咩咁偉大，我只係見身邊個個族裔都好珍惜喺英國機會，非洲嘅可以逃避割禮、印度嘅可以逃避盲婚啞嫁、伊朗嘅可以逃避塔利班、烏克蘭人可以逃避戰火、甚至大陸人逃避共產黨。係香港人咁陰功囉，冇車會跛，冇得食buffet， 冇得去日本，NHS排好耐，冇工人，多童黨，中餐貴，超市加價，天氣凍，冇得做中產…
我哋要面對現實，要接受我哋香港人被共產X搞到要同呢啲國家比較，要受英國援助，好似難民咁（咁好拗呢個點，因為英國政府好清楚講明BNO5+1係難民性質visa，你唔鍾意一件事）
記住呢筆帳同邊個算，唔係英國政府；記住我哋走到係受恩於邊個，係手足
英國政府、英國人冇欠我哋，佢賺我哋錢你可以唔比佢賺，你可以走，但唔好返轉頭笑移英港人‘’唔知驚乜驚到走唔切‘’，你自己答咗先，你當初點解嚟？仲要咁早嚟
仲有好多人喺牢獄中未審已經坐咗兩年，肥佬黎甚至戴耀庭應該坐到死、鄒幸彤應該坐到五十歲冇晒前途、鄭文傑羅冠聰仲有好多無名手足永遠返唔到香港。我一喺呢邊心情好啲就會內疚：係咪唔應該活得咁開心咁安樂？我對得佢哋住？
唔好話我唔比人呻，係我想你哋作為攞住擺到明只係for認同普世核心價值嘅BNO visa嘅香港人，你哋比返少少同理心：對獄中人，對流亡手足，對死咗嘅周梓樂等等，對走唔到或唔肯走嘅黃絲，可唔可以諗下佢哋感受？
唔知究竟你哋想點？究竟你想過啲咩生活？仲有咩可以令你開心啲？想用時光機返以前香港？
香港人嘅光環要自己用血肉爭取自由民主包容，夾到英國核心價值，英國先會對香港人睇高一線，將個光環套喺我哋頭頂，先有咁荀嘅5+1。
全世界都知道香港人同大陸人唔同唔係啲咩中產馨香啲樓價高啲，係我哋爭取民主自由，唔甘心受極權支配
英國人睇得起香港人唔係因為香港人矜貴有錢，係香港人願意放棄原有生活包括錢，fight for freedom，喺自由嘅土地上面生活。英國人唔會睇少勞動階層，但一定會睇唔係為錢幫極權嘅人。我寧願做前者，我相信好多朋友都係，所以共勉之，唔好忘記初心
17個讚
如果係為留守，寧願坐監，我200%敬重，我想幾年後返去一齊作戰
如果係為家人，當然好同情及支持
如果係老公唔肯走，一樣同情及支持
如果為錢，佢肯認我冇嘢。佢唔肯認仲要宣埋誓，鄙視及疏遠，有機會仲會笑9佢
3個讚
有人認為自己唔係走難，ok 嘅，大家價值觀唔同，你繼續用自己嘅財力喺英國享受，但唔好成日質疑人哋唔知為乜咁驚住走。
見到有d 留言話無錢唔好走，我明嘅，生活會好困難，但人哋做4份工生活到分享又話人哋呃香港人離開
有錢又唔好走，香港有姐姐幫手、又可以吃喝玩樂、送小朋友留學仲好
無細路又唔好走
去到英國搵唔到平均消費又唔好走
我都好想問咁要咩標準先應該走呢？
成年人，自己計掂到走咪得，犧牲咗喺香港嘅好處自然有取捨。有人覺得香港問題唔切身係個人嘅事，喺英國定香港難過，大家條線唔一樣。
分享英國壞處係好嘅、呻都得嘅，人哋見到自然會考慮埋。
11個讚
香港對中產個定義好狹窄，搵幾多錢，唔係藍領就叫中產。西方社會一定要包埋知識以及對政治社會嘅投入度，仲有道德勇氣
甘地嘅公民抗命就係appeal to英國中產，比壓力殖民地政府，甘地係隔空同英國中產對話，唔係同殖民主政府對話
我嚟到呢度就算係體力勞動，冇錢冇高薪厚職，但學識學養眼界都仲係跟我嘅。喺香港我keep個殼但要學習大大筆記，掏空靈魂，為錢折腰，我覺得仲慘仲侮辱啦頂
遲下個個公務員著淘寶華服，我就笑得出了
我識幾對朋友、couple 無小朋友嘅，佢哋喺香港搵到咁上下，對英國完全未知（比喻唔知搵唔搵到工、搵到都唔知搵到幾多）都要走，佢哋唔使宣誓，但喺香港好壓抑，但又唔講得，呢d 唔係飛幾次日本、食遠好嘅就解決到。其實無小朋友走仲flexible，世界各地好多人都係咁。
10個讚
我好感恩有呢份自由，當然都要努力買套/有記性食藥先
希望到時可以兩邊走，兩邊都有我想做嘅事
我想問邊個source話bno visa係難民簽證？
1個讚