諗咁耐最主要原因係無錢
Uk 有親人，不用愁住的地方。
但我地一家申請visa、6個月生活費，機票，扣曬各樣就真係淨番幾皮….但老公好有決心話點都要去，長遠計都係要走，而我都明白同埋好認同的。
本身有層樓，但因為有家人住緊，唔賣得，但老公話按揭套現過去 uk ，老老實實，我唔識計條數，可行嗎？會唔會好冒險呢……
但香港層樓基本水電媒+差响、兩公婆香港份保險、呢堆錢就算過到uk都要照比，好擔心比唔到。不過照計兩公婆都有番工就無問題，但有冇咁順利？
最後，老公話我諗太多，唔夠決心 
，到時遇到問題續一解決咪得，我同佢講只不過想要計劃好d，佢就話「都差唔多考慮左兩年啦」，仲唔行動驚hk變軸心國，到時後悔都無用…. 等等等等
層樓係邊個名？而家又邊個住緊？
我老公名，老人家住緊，我哋盡量想唔想煩到人，當係生活費咁負責比番水電媒咁
我覺得有啲危
若可以帶埋老人家走再賣樓就穩陣啲
若果唔得，你哋先試下越洋搵唔搵到份工先
即係你哋都仲要供係咪？
英國住使唔使交租？
你哋有冇仔女？
港英2邊養好危喎，仲講按埋香港層樓，如果淨係養英國一頭家2個人做野係冇問題
即係要英國揾錢養香港同英國兩頭家
有冇細路？
按完要還喎，每個月供款點比？如果打算過到去揾工還供款，要考慮埋currency exchange 風險。因為你賺磅還港元，你銀根唔夠，少少升跌都可以好大影響
你哋有冇小朋友？如果無都好d, 有小朋友就真係三思
做開邊行？過到去打算揾咩工？
你講你哋一家，即係有小朋友嗎？咁樣太冒險，得幾萬係香港都唔得，何況係英國 。
諗下點安置老人家同賣樓啦。
如果香港層樓本身係full paid, 兩公婆冇小朋友，到英國兩個人盡快搵full time ，咁每月應該剩到夠交一般香港家庭水電煤，差餉嘅。
有冇小朋友？住家人屋企？相見好同住難，要預一筆錢隨時可以租屋好啲
其實你最好先計計hk要每月俾幾多為皮費， 另外你話uk住不是問題， 咁計返水電其他費用， 因為吾知你幾多家庭成員過黎， 最少都要hkd20000每月， 不如你計下數先
如果申請完得返幾皮，香港層樓仲要唔係租出去，仲要比基本洗費，我就當你香港層樓唔使你供，英國租唔使比，咁一定要兩公婆做嘢先得，咁要冇小朋友先
揭老人家住緊嘅樓要小心，有咩事供唔到俾銀行收樓就死
係非常危，士旦一方面出現問題，都唔掂檔
唔洗供
2000-3000 hkd
一個小朋友
我老公就乜都會做
佢唔揀工的
我咪叫佢計掂條數先囉，但係佢話我係咁提出問題，而唔係解決問題，老公死都要去
佢話唔想留喺香港 
我老公話馬死落地行….點會生存唔到，其實我覺得成件事高風險架，但佢好有決心….目標得一個…… 我講啲問題出嚟，佢都話我做咩提出問題，去到嗰邊就會解決到
想知條數點計 
我大約比番 2000-3000hkd uk 親人