係好多人唔會同你講真實嘢啫
就算我問人超市比起上星期係米又貴左，同貴左幾多，都冇人答架
真係要friend d私底下問先答你少少
我一兩星期先去一次，佢地日日去又格價，唔會唔記得尋日幾錢掛？
搞到我成日以為自己錯覺，神經有問題
3個讚
thx, 竟然呢啲都有得賣
我身邊最多人走既係2021年-2022年中，個陣差唔多每月都要farewell。上年後半年已經少左，零零星星都有d。
呢幾個月就一個都冇，大部分去哂旅行。
我身邊冇乜朋友做公務員，有個做社工都冇諗住走，有個做醫療嘅想走但家中有事而且老公想上位唔走，大部分人冇仔女當然唔打算走啦，有仔女高薪厚職但覺得來到外國搵唔返或者唔知做乜所以又冇打算走，有d有外國籍又講到明唔會回流，結果走嘅人得5隻手指都冇
但總結咁多人問過咁多野，人工經濟係最大考慮
1個讚
2021走嘅計埋我唔超過3個，我識嘅2022走左一個，之後so far冇人話要走，旅行就去左幾次
而家有咁多個國家揀，要走都要睇清楚邊個國家啱自己揾食
可能年齡層問題，當時好多都係小朋友讀緊高小既走，一黎我覺得想逃避呈分試，二黎又計埋過去讀番幾年中學，第日大學可以用番local fee 掛。個陣我小朋友同學都走左唔少。
我只係識一個friend走左，年年都話走嘅就有幾個。
如果公務員，so far 乜針都打晒乜野要簽哂，重走來做乜？
除非第時要佢地交個外國passport出黎，先會再走一批囉。邊驚得咁長遠
1個讚
但共通點都係要夠錢燒，或者有搵錢能力
So far來到新識嘅朋友，大部分都燒左一輪錢先搵野做，有仔女冇仔女都係，佢地係有本錢燒，唔少係冇返工一兩年都冇問題或者做下pt，甚至唔做都得
感覺都似，2021走嘅大部分高小，所以year4以上學位係特別緊張，好多都搵唔到附近小學讀，加上阿富汗烏克蘭難民，但上到中學又好似好少少，唔少都搵到outstanding 或者成績好中學
做到高層好多時都係講management, 好少自己要落手落腳做，下面咁多下屬，變相technical 嘢就唔識做。但我覺得唔淨止香港高層係咁，外國高層都一樣，只不過香港既去到外國又做唔到高層，down grade 做細既post technical 嘢又唔夠人爭。
3個讚
我見到倫敦有council請語言治療師，年薪40K至50K。老師都係1800鎊一個月到(初級)
係大公司做到高層，除左 education background, 好多時重有運氣。
只有實冇乜用
2個讚
我就係大家口中放棄高薪厚職去英國從頭來過嘅中年人
我本身係專業人士，十幾萬一個月，無仔女，樓又供完。我其實只要肯做豬嘅係可以揾好多錢
但我實在接受唔到自己可能有一日唔知點解會比人拉，可能只係fb repost 一個post 。更加接受唔到財產被共。。。我份工極大壓力，辛苦揾嚟比人共？no way!
我比較好彩，我老闆叫我work from Uk 不過都只係一年左右時間，之後我就resign 咗。好快我又喺呢度揾到工，做返本行，仲有2個offer 揀。但我做咗好短時間就覺得都係唔想咁辛苦，唔來再由頭prove 自己嘅ability , 我日日大壓力亦直接影響我老公，所以好快resign 咗。最後老公同我有共識，因為我想同community 融合，所以想返工，但唔想再咁大壓力，於是最後揀咗份一般文職
揾文職初期都有困難，因為人人覺得我over qualified 玩嘢，驚我做唔長。最後我報個course 再執吓cover letter ，好快好多interview, 全部有second in, 最後有2個offer
而家我返咗新工一個月，雖然都有麻煩人，但整體好開心，因為工種係我好中意，以前做專業果陣成日恨做呢啲位
我唔使好似過去20幾年咁大壓力，每日放工就係放工，做small potatoes 無人expect 我有咩特別表現。上下班時間穩定又唔使OT, 放星期六日，可以陪吓老公煮吓飯
我從無諗過我會做煮飯婆，更無諗過會轉行，畢竟我只係40頭。但人生有幾多個十年呢？我要為我自己同老公著想，我好慶幸我咁做
19個讚
咁就幾好，我都感覺冇咁攰冇咁筋疲力竭，好多書睇，好多course上，以前喺香港可以但要夾硬擠時間出嚟
2個讚
我見公司以前d 大老細，通常都係識得多人，開n個會，冇見過佢地坐定定係office 做paper work。一d 電腦既嘢我甚至覺得佢地係唔識。
升到咁高我覺得運氣機遇實力缺一不可，但佢地呢d 軟實力去到外國做低中層根本冇辦法伸展，有d似技術錯配。如果有事業心既可能會鬱鬱不得志。所以眼見通常都係女人想移民但男人唔想。
2個讚
如果一個本地人，一個香港人，應徵同一份工，所有條件都一樣，我估都係本地人著數D。
3個讚
都不足為奇嘅
1個讚
我身邊最後走嗰個係今年暑假（已辭職），佢堅黃（以前有接放學，明就明）佢老婆同家人一直唔想走，直至舊年年尾佢仔女小學老師會摘低唱國歌唔投入嘅學生名，老婆都頂唔到，決定走
5個讚
有d國際大公司會請個非本地人來顯示佢地respective多元種族文化，呢個時候就要自己好好把握
2個讚