「冠軍」命途坎坷，屋企錫仔唔錫女，所以未讀完書就出嚟參加比賽，好彩生得高大又唔怕醜，可以贏到啲獎金塞住勢利老竇把口。
「冠軍」命途坎坷，屋企錫仔唔錫女，所以未讀完書就出嚟參加比賽，好彩生得高大又唔怕醜，可以贏到啲獎金塞住勢利老竇把口。
老竇梗係唔同你客氣，親自做馬伕咁賣阿女嘅貞操，好快就俾「新界仔」屋企人睇中，問題使君有婦，「新界仔」家底唔錯，又係最細，老父阿哥錫到燶，加埋薄有名氣，可以話係家族之光。
點知寵壞咗，問都唔問娶咗「外省婆」，呢個女人出名霸道惡死，但「新界仔」偏偏鍾意佢呢種性格，兩個人愛得痴纏。族中長老諗條死橋，用方法介紹「冠軍」畀「新界仔」識，咁啱「外省婆」返咗老家，「新界仔」一條友有啲寂寞，「冠軍」嘅溫柔令佢有唔同幸福感，加埋年齡相近，又土生土長氣味相投，所以好快打得火熱。
「外省婆」初時都隻眼開隻眼閉，玩夠就鳥倦知還，點知玩大咗，「冠軍」竟然有咗，「外省婆」咁多年蛋都無隻，呢個時候就知自己有危機，最重要係「冠軍」有夫家族群撐腰，而佢嘅個性又唔肯屈膝，於是衝動地提出離婚，結果「新界仔」順水推舟，由得「外省婆」搞到夠。
偏偏天意弄人，一心以為可以脫離家庭嘅「冠軍」，係個BB仲差少少落唔到嘅時候，「新界仔」遇到意外，做咗植物人，之前所有嘢都唔算數，最慘係「外省婆」再度跳出嚟扮慘情，而「新界仔」啲家長無端端又玩失蹤，「冠軍」一個女人仔，大住個肚咪仲慘，於是粒聲唔出落咗個肚。
所以「新界仔」到依家絕後係抵死，好彩「冠軍」無耐搵到有錢碼頭，三年抱倆，當初狠心落仔都錯唔晒！
source: https://www.stheadline.com/entertainment-live/3205265/冠軍被利用拆散有婦之夫-結果情人遇意外變植物人-決心落仔再嫁有錢佬
文中既「冠軍」係選美冠軍? 阿爸當佢搖錢樹? 做人第三者搞到人離婚? 婚後三年抱兩?
難度你以為呢度有20歲麼？
